0.4 C
Aghjabadi
Cümə axşamı, Yanvar 20, 2022

Rahat uyu, şəhid!

Torpaq bəlkə də dünyada ilk yaranmış canlıdır. Milyonlara həyat verən, sakinləri yolunda özünü öldürüb yaxandır torpaq. Təkcə insanların yox, ağacların, çayların, meşələrin, dağların vətəni, yatağıdır torpaq. Dünyada, həyatda hər nə varsa, hamısının doğma yuvası, ocağıdır torpaq. Bizi yaşadan, yaratmağa səsləyən tükənməz, bitməz bir varlıqdır torpaq. Ağaclar bar verəndə, salxım söyüdün utancaq budaqları baş əyəndə torpağın nəfəsini duyur, onun nə qədər mükəmməl, güclü bir varlıq olduğunu anlamağa başlayırsan…

Torpaq onda məskunlaşan insanların hər bir nazına dözür, qayğısını, dərdini çəkir. Və bizə həyat, yaşam verir torpaq. Biz torpağa hədsiz, sərhədsiz məhəbbətlə bağlı olan xalqıq. Biz torpağı bir an belə unutmur, onun yolunda canımızdan keçməyə həmişə hazırıq. Odur ki, torpaq da bizi sevir, əzizləyir. Xətrimizə dəymir…

Abbasov Toğrul Bayram oğlu 31 dekabr 1990-cı ildə rayonumuzun Hacıbədəlli kəndində anadan olub. 1996-cı ildə Hacıbədəlli kənd tam orta məktəbin birinci sinfinə daxil olub. 2007-ci ildə bu məktəbi müvəffəqiyyətlə bitirib. 2008-2010-cu illərdə Naxçıvan Muxtar Respublikasında Azərbaycan Respublikasının Daxili Qoşun Komandanlığında hərbi xidmətdə olub. Hərbi xidmətdən sonra müxtəlif sahələrdə çalışıb. İkinci Qarabağ müharibəsindən bir il beş ay əvvəl ordu sıralarında gizir kimi işləməyə başlayıb. Onun ordu sıralarında həyata keçirmək istədiyi bir çox arzu və istəkləri var idi. Amma həyatda bəzən izah olunması çətin olan bir çox hadisələr baş verir. Yəni həmişə, hər şey bizim istədiyimiz kimi həyata keçmir. Bu da bir həyati qanundur. Biz istəməsək də, bəzən belə hadisələrlə barışmaq məcburiyyətindəyik.

Toğrul Bayram oğlu Abbasov elə müharibənin ilk günü, 27 sentyabr 2020-ci ildə Füzuli uğrunda gedən qızğın döyüşlərdə düşmən gülləsinə tuş gəldi. Yeni ailə qurmuş Toğrul Vətənin azadlığı uğrunda gedən savaşda canını fəda etdi, şəhid oldu.

…Toğrulun dünyamızı vaxtsız tərk etmiş anası Aidə xanım kənddəki uşaq bağçasında çalışırdı. Toğrul anasına çox bağlı idi. Hər səhər tezdən balaca Toğrul anası ilə bağçaya gedər, burada vətənpərvər, qəhrəmanlıq dolu şeirlər əzbərləyirdi. Ən çox sevdiyi oyun isə dava-dava oyunu olardı. Hərbçi sənətini seçməsi də elə uşaqlıqdan anasının, bağça müəllimlərinin ona aşıladıqları Vətən ruhlu, vətənpərvər tərbiyədən irəli gəlirdi. O, böyüyüb hərbi sənəti özünə həyat yolu seçdi. Ancaq ölümdən qorxmayan bu gənc 30 yaşında böyük məhəbbətlə sevdiyi Vətən yolunda canını əsirgəmədi, şəhid oldu.

…Toğrulun məzarı kənd qəbristanlığında, ona Vətən torpağını dərin məhəbbətlə sevməyi öyrətmiz anasının məzarının yanındadır. Toğrul indi Vətən torpağının qoynunda, anasının məzarı ilə yanaşı əbədiyyətə qovuşaraq uyuyur. Qəbrin nurla dolsun, şəhid qardaş. Artıq rahat uyuya bilərsən. Sənin buna mənəvi haqqın var. Sən torpaq, Vətən üçün əlindən gələni etdin. Allah sənə rəhmət eləsin!

İlham HƏSƏNOV

Xəbər lenti

Ağcabədi Pedaqoji Kollecində 20 Yanvar faciəsinə həsr olunmuş tədbir keçirilib

20 Yanvar hadisəsi təkcə faciə deyil, eyni zamanda xalqımızın azadlıq istəyi,  öz müstəqilliyi uğrunda cəsarət nümayiş etdirdiyi şərəfli bir tarixdir.  Ağcabədi Pedaqoji Kollecində Qanlı Yanvar...

Eldəniz Qənbərov: “Gecə saat 12:00-dan başlayaraq şəhərə böyük texnika yeridildi. Göyün üzü işıq saçan güllələrlə dolu idi”

Xalqımızın qan yaddaşı olan 20 yanvar faciəsinin növbəti ildönümüdür. Əlbəttə, o dövrün hadisələri haqqında çox məlumatlar var, çox şahidlər danışıb. Amma hər...

Ağcabədidə 20 Yanvar faciəsi şəhidlərininxatirəsi anılıb

Respublikamızın bütün bölgələrində olduğu kimi Ağcabədidə də 20 Yanvar faciəsi şəhidlərinin anım günü qeyd olunub. Anım mərasimdə Ağcabədi Rayon İcra Hakimiyyətinin başçısı Rafil Hüseynov,...

Kəmalə Əlizadə: “Gözlərini yummazdan əvvəl evin ünvanını deyib”

20 Yanvar faciəsinin qurbanlarından biri də Faiq Əbdülhüseyn oğlu Əlizadə idi. O, 10 yanvar 1953-cü  ildə Ağcabədidə anadan olub. Sonradan Bakı şəhərində yaşayan həmyerlimiz hadisə...

Cərimə olundular

Ağcabədi Rayon Polis Şöbəsinin əməkdaşları tərəfindən həyata keçirilən tədbirlər nəticəsində mövcud  karantin qaydalarını pozan şəxslər cərimələnib. Belə ki, yas...

İbiş bəy Mirzə Cəlili ölümdən necə xilasetdi?

Azərbaycanın ilk maarifçi qadınlarından, tanınmış ziyalı, ictimai xadim, xeyriyyəçi Həmidə xanım Cavanşir görkəmli yazıçı, dramaturq və publisist Cəlil Məmmədquluzadənin sədaqətli həyat yoldaşı...

Təcrübə üçün səfər et

Bu günlərdə Gənclərin İnkişaf və Karyera Mərkəzinin Ağcabədi nümayəndəliyinin əməkdaşları və könüllüləri “Aran” qəzeti redaksiyasının yaradıcı kollektivi ilə görüş keçiriblər.

Vaksinasiya tədbirləri davam edir

Rayonda koronavirus pandemiyası ilə əlaqədar vaksinasiya tədbirləri davam edir. Rayon mərkəzi xəstəxanasında peyvənddən öncə, sakinlərin müayinədən keçirilməsi diqqət mərkəzində saxlanılır. İndiyədək bölgədə...

Ziyalının xatirəsi əbədiləşdirildi

Xeyirxah əməllər sahibi olan insanlar həyatda olmasalar belə, qəlblərdə iz qoyur, əbədi yaşayır. Ağcabədinin dəyərli ağsaqqallarından, ziyalılarından biri olan Xəlil Xəlilov da...

Qəhrəmanlıq salnaməsi

ADPU-nun Ağcabədi filialında  dəyirmi masa keçirilib Yanvarın 19-da Azərbaycan Dövlət Pedaqoji Universiteti Ağcabədi filialında Qanlı Yanvar faciəsinin 32-ci il dönümü münasibətilə dəyirmi masa keçirilib. Tədbirdə ADPU-nun Ağcabədi filialının müəllim kollektivi və  tələbələr iştirak ediblər. 

Şərhlər