17.8 C
Aghjabadi
Çərşənbə axşamı, May 24, 2022

Vətənin qeyrətli oğlu

Kəbirli kəndi Ağcabədi rayonunda, Kəbirli inzibati ərazi vahidində, rayon mərkəzindən 30 kilometr cənub-qərbdə, Mil düzündə yerləşir.

Kəbirli oykonimi türkdilli qədim xəzərlərin Kəbirli (kəbər) tayfasının adı ilə bağlıdır. Onların xəzərlərin tərkibinə daxil olan kəbər tayfasının nəsilləri olması güman edilir. Xəzərlərin eramızın əvvəllərindən bəri Albaniya (Qafqaz) ilə əlaqələri və erkən orta əsrlərdə bu ərazilərə xəzər ailələrinin köçürülməsi tarixdən məlumdur. Kəbirlilər əsasən Mil və Qarabağ düzlərində yaşamışlar. Onların burada məskunlaşdığı ərazilər Kəbirli mahalı adlanırdı…

Azərbaycan tarixçisi Mirzə Adıgözəl bəy kəbirliləri Qarabağın qədim tayfalarından biri hesab edir.

…Kəbirli övladı Qarayev Təhmasib Hikmət oğlu may ayının 18-də 1996-cı ildə Kəbirli kəndində anadan olub. 2003-cü ildə M.Ə.Sabir adına Kəbirli kənd tam orta məktəbinə daxil olub. 2013-cü ildə sözügedən məktəbi uğurla başa vurub. Təhmasib orta məktəbi bitirdikdən sonra hərbçi olmaq, hərb elmi ilə yaxından tanış olmaq istəyib. Amma o vaxt bu vətənpərvər oğulun arzusu ürəyində qalıb. Valideynlərinin təkidi ilə başqa sənəti seçib.Sumqayıt Dövlət Universitetinə qəbul olub. “Dünya iqtisadiyyatı” fakultəsini 2017-ci ildə uğurla bitirib. Elə həmin il bir illik hərbi xidmətə gedib. Bakı şəhərində “N” saylı hərbi hissədə xüsusi təyinatlı kimi qulluq edib. Əsgəri xidməti başa vurub, ordudan tərxis olunan Təhmasib doğma kəndlərinə qayıdıb, qısa müddətdə valideynləri və yaxınları ilə görüşdükdən sonra işləmək adı ilə Bakıya gəlir. Əsgər kimi qulluq etdiyi “N” saylı hərbi hissədə bu dəfə gizir kimi qulluq etməyə başlayır. Atası Hikmət müəllim söyləyir ki, kənddən çıxanda hansı sahədə çalışacağını bizə dəqiq demədi. Ancaq onun hərbçi peşəsini seçməyindən narahat olduğumu bildirdim. Dedim ki, bala bəs o boyda universitet bitirmisən, heç olmasa ixtisasın üzrə işlə.Təhmasibin cavabı bu oldu ki, ata, universitetdə sizin xətrinizə oxudum. Amma indi, artıq böyümüşəm, qoy uşaqlıq arzumun dalınca gedim. Vətən neçə ildir müharibə vəziyyətində yaşayır. Mənim indiki vaxtda, belə çətin zamanda mülki sənət seçməyim doğru olmaz. Torpaqlarımız mənfur düşmənin tapdağı altandadır. Mən rahat yaşaya bilmirəm… Atası “Oğul özün bilən məsləhətdir” deyib, razılaşır.

…Təhmasib bilikli, qoçaq və vətənpərvər idi. Orduda xüsusi həvəslə qulluq edirdi. Nümunəvi xidmətinə görə komandirlər tərəfindən dəfələrlə tərifnamə alıb. Amma o, qəlbinin dərinliyində  səksəkəli, narahat idi. Axı Vətənin müqəddəs torpaqları işğal altındaydı… Axır ki, o gün gəlib yetişdi. 27 sentyabr 2020-ci il tarixdə başlanan Vətən müharibəsinin ilk günlərindən Təhamsib ön cəbhədə vuruşan döyüşçülərə qatıldı. O, Murovda, Füzulidə, Cəbrayılda, Zəngilanda, Qubadlıda gedən döyüşlərin fəal iştirakçısı kimi qəhrəmanlıq göstərib. Düşmən qüvvələrinin məhv edilməsində fərqlənib. 23 oktyabr 2020-ci il tarixdə Xankəndi ətrafında gedən qızğın döyüşdə həlak olan Təhmasib şəhidlik zirvəsinə ucaldı. Vətən torpağına qanı axdı…

Təhmasibin yaxın döyüş yoldaşı, Füzulinin Aşağı Yağlıvənd kəndindən olan, ayağının birini savaşda itirən İlkin Elçin oğlu Rüstəmli indi döyüş yoldaşı Təhmasibin valideynlərini unutmur, tez-tez Kəbirli kəndinə gəlir, onlara baş çəkir. İlkinlə Təhmasib haqqında xeyli söhbət etdik. O, döyüş yoldaşı haqqında belə danışdı:

“Təhmasib mənə təkcə cəbhə yoldaşı yox, qardaş kimiydi. Onunla döyüşə gedəndə heç bir şeydən çəkinmir, daha ürəkli olurdum. Çox vətənpərvər, qeyrətli oğul idi. Döyüşdə qorxu nə olduğunu bilməzdi. Gözlərindən qığılcım yağardı. Onun döyüş texnikası, yüksək Vətən ruhu, qorxmazlığı bizə də sirayət edirdi. İndi mən şəhid qardaşım, cəbhə dostum Təhmasibin qoxusunu Kəbirlidə, onun yaxınlarından alıram… Allah şəhid qardaşıma rəhmət eləsin. Qəbri nurla dolsun. Mən onu heç vaxt unutmayacağam. Təhmasib vallah ayrı oğul idi. Gözüm önündən getmir…”

Tək sən yox, əsgər İlkin, biz də xalqımızın, elimizin qeyrətli oğlu, döyüşkən əsgər, şəhid Təhmasibi unutmayacağıq. O, gənc ömrünü bizim bu gün yaşadığımız torpaq uğrunda fəda etdi. Şəhid Təhmasibin əziz xatirəsi, ölməz ruhu həmişə bizimlə bir yerdə olacaqdır…

Adil MİSİRLİ

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər