19.8 C
Aghjabadi

Ağcabədidə 20 Yanvar şəhidlərinin xatirəsi yad edilmişdir

20 Yanvar Ümumxalq Hüzn Günü olmaqla bərabər, Azərbaycanın müstəqilliyi uğrunda mübarizə aparan xalqımızın tarixinə qəhrəmanlıq, birlik və şərəf günü kimi həkk olunub. 20 Yanvar faciəsinə aparan yol azərbaycanlıların Ermənistandakı tarixi torpaqlarından kütləvi deportasiyasının, Dağlıq Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlayıb. Ermənilərin təqsiri üzündən gündən-günə artan münaqişənin qarşısını almaq, onlar barədə tədbir görmək əvəzinə, sovet rəhbərliyi Azərbaycan xalqına qarşı dəhşətli cinayətə əl atdı. Mixail Qorbaçovun birbaşa əmri ilə sovet qoşun hissələri Bakıya, eləcə də respublikanın müxtəlif bölgələrinə yeridildi. Dinc əhali ağır texnikadan, müxtəlif silahlardan atəşə tutularaq, xüsusi amansızlıqla kütləvi şəkildə qətlə yetirildi.

Qabaqcadan hazırlanan bu qanlı təcavüz Azərbaycan xalqının demokratiya və milli azadlıq uğrunda mübarizəsini boğmaq, ona mənəvi zərbələr vurmaq məqsədi daşımışdır. Lakin qanlı Sovet imperiyası xalqımızın mübarizə əzmini sındırmağa nail ola bilmədi, azadlıq mücadiləsi daha da gücləndi, ölkəmiz ikinci dəfə müstəqilliyinə qovuşdu.

Faciədən dərhal sonra, yanvarın 21-də ümummilli lider Heydər Əliyev ailə üzvləri ilə birlikdə Azərbaycanın Moskvadakı daimi nümayəndəliyinə gələrək, doğma xalqı ilə həmrəy olduğunu nümayiş etdirib. SSRİ rəhbərliyinin törətdiyi cinayətə kəskin etirazını bildirib. Faciənin hüquqi-siyasi qiyməti yalnız ulu öndər Heydər Əliyev 1993-cü ildə hakimiyyətə qayıtdıqdan sonra verilib.

Ölkəmizdə 20 Yanvar şəhidlərinin xatirəsi daim əziz tutulur. Hər il faciənin ildönümü izdihamlı ziyarətlərlə müşayiət olunur. Xalq istiqlal fədailərinin məzarlarına faciə simvoluna çevrilmiş al qərənfillər düzür.

Hər il olduğu kimi bu il də respublikamızda 20 Yanvar faciəsi geniş qeyd edilib. Faciənin 31-ci il dönümü Azərbayacan Prezidenti Ali Baş Komandan İlham Əliyevin rəhbərliyi altında müzəffər Milli Ordumuzun erməni barbarları tərəfindən işğal olunmuş Qarabağ torpaqlarını azad etdiyi bir dövrə təsadüf edir. Qəhrəman ordumuz bu parlaq qələbəsini 20 Yanvar şəhidlərinin xatirəsinə ərməğan edib. Torpaqlarımızın erməni işğalından azad olunması faciə qurbanlarının arzularını gerçəkləşdirdi, onların ruhunu şad etdi.

Ölkə Prezidenti, Ali Baş Komandan İlham Əliyev 20 yanvarda Şəhidlər Xiyabanında faciə qurbanlarını qələbə müjdəsi ilə ehtiramla ziyarət edib.

Respublikamızın hər yerində olduğu kimi, rayonumuzda da 20 Yanvar faciəsinin 31-ci il dönümü ilə əlaqədar Şəhidlər Xiyabanı ziyarət olnmuşdur. Rayon sakinləri Azərbaycanın müstəqilliyi, ərazi bütövlüyü uğrunda canlarından keçən şəhidlərin xatirəsini ehtiramla yad etmiş, onlarla qürur duyduqlarını ifadə etmişlər.

Ağcabədi rayon İcra Hakimiyyətinin başçısı Rafil Hüseynov, aparatın məsul işçiləri, hüquq-mühafizə orqanlarının rəhbərləri, media mənsubları, N saylı hərbi hissənin əsgərləri, ictimaiyyət nümayəndələri rayon Şəhidlər Xiyabanında 20 Yanvar və Qarabağ müharibəsi şəhidlərinin xatirəsini hörmət və ehtiram hissi ilə anıblar. Şəhidlər xatirəsinə ucadılmış Abidə kompleksi və Qarabağ döyüşçülərinin məzarları önünə tər çiçək dəstələri düzülüb. Şəhidlərin ruhuna dualar oxunub.

Yəhya PAŞAZADƏ

Xəbər lenti

Mənim anam Zəhra müəllimdir

Anamla mən bir-birimizdən çox fərqli insanlarıq. Yox, bəzi oxşarlıqlarımız da var. Məsələn, ondan mənə yazmaq, bir də nəfəs...

Həcər Əliyeva: Müəllim kimi də, qadın kimi də xoşbəxtəm

Əliyeva Həcər Əlinağı qızı Ağcabədidə doğulub. Azərbaycan Pedaqoji Dillər İnstitutunu (İndiki ADU) bitirib. İngilis dili müəllimidir. Hazırda M.F.Axundov adına Ağcabədi şəhər 3...

“Müəllim məni atamın ölümünə görə utanmağa qoymadı…”

 7-ci sinifdə oxuyuram. Qış aylarıdır. Atamın 40-ı təzə çıxıb. Yeni-yeni məktəbə qayıdıb, dərslərə adaptasiya oluram... Azərbaycan dili dərsidir. Müəllim...

Ağcabədi sakinini maşın vurub

Oktyabrın 4-ü, saat 23:00 radələrində, Qaradağ rayonunun ərazisində Saatlı rayon sakini Y.Məmmdəov idarə etdiyi “Chevrolet” markalı avtomobillə yolu keçən Ağcabədi rayon sakini Elşən...

Bu müəllimləri siz də tanıyın

Ötən tədris ilində Ağcabədidən 20 nəfər məzun 600 baldan yuxarı nəticə göstərərək ali məktəblərə qəbul olunmuşdu. “Aran” qəzetində onların hər biri haqqında...

Ağcabədi məktəbliləri Vətən müharibəsinə və Müstəqilliyin Bərpası Gününə həsr edilən məruzələr dinləyiblər

Ağcabədi rayon Heydər Əliyev Mərkəzinin əməkdaşları tərəfindən yeni tədris ilində ümumtəhsil məktəblərində məruzələrin keçirilməsi davam etdirilir. Oktyabr ayında keçirilən məruzələr Vətən müharibəsinin...

Ulu Öndərin arzuları reallığa çevrildi

Azərbaycanın çoxəsrlik dövlətçilik tarixi taleyüklü anlar və məqamlarla zəngindir. Həlledici amil isə liderlik fenomeni, yaxud lider faktorudur. İnkaredilməz həqiqətdir...

Şəhid Anar Cəfərovun anım mərasimi keçirildi

                            44 günlük Vətən müharibəsində torpaqlarımızın azadlığı uğrunda şəhidlik zirvəsinə ucalan qəhrəmanlarımızdan biri də 1977-ci ildə Ağcabədi şəhərində...

Prezident təqaüdünə layiq görülüblər

Prezident İlham Əliyev 2022-2023-cü tədris ilində Azərbaycanın ali məktəblərinə daxil olmuş tələbələrə Prezident təqaüdünün verilməsi haqqında Sərəncam imzalayıb. “Aranqazeti.az”  saytı xəbər...

Elm və təhsil naziri Bərdədə Ağcabədi sakinlərini qəbul edəcək

Elm və təhsil naziri Emin Əmrullayev oktyabrın 27-də Bərdə şəhərində vətəndaşları qəbul edəcək. Qəbulda Bərdə, Ağcabədi, Ağdam, Tərtər, Füzuli, Xocalı, Xocavənd rayonları...

Şərhlər