20.7 C
Aghjabadi
Bazar ertəsi, Noyabr 29, 2021

O, sözdə yox, əməldə vətənpərvərdir

Vətənpərvərlik bizimlə bərabər doğulur. İnsan oğlunun Vətənə, torpağa bağlılığı ona genetik olaraq keçir. Yəni insanın mayası Vətənlə, ona olan hədsiz istəklə bir yoğrulur və dünyaya göz açır. Bu gün doğulan vətənpərvər, Vətən ruhlu insan böyüdükcə, onun əməllərində Vətənə, müqəddəs torpağa tükənməz, bitməz sevgi özünü qabarıq büruzə verir.

Hüseynov Muxtar Şükür oğlu 1994-cü il iyul ayının 27-də Ağcabədi şəhərində anadan olub. 2001-ci ildə Ağcabədi şəhər 6 saylı tam orta məktəbin 1-ci sinfinə qəbul olub. 2012-ci ildə sözügedən təhsil ocağını başa vurub. Elə həmin ildə qəbul imtahanlarını uğurla verən Muxtar Azərbaycan Dövlət İqtisadiyyat Universitetinə qəbul olur. 2016-cı ildə bu ali məktəbi müvəffəqiyyətlə bitirən Muxtar, həmin ilin iyulunda ordu sıralarına yollanır. Bir il hərbi xidmətdə olduqdan sonra 2017-ci ilin yayında hərbi xidməti başa vurur. Ordu sıralarında xidmət etdikdən sonra Ağcabədi rayon İcra Hakimiyyətində könüllü kimi fəaliyyət göstərir. 2019-cu ilin noyabr ayından YAP Ağcabədi rayon təşkilatında məsləhətçi işləyirdi.

Muxtar azad nəfəs ala bilmir, ürəyi işğal altında olan torpaqlarımızın taleyi, gələcəyi ilə birgə döyünürdü. Odur ki, o bir yerdə rahatlıq tapa bilmirdi. Sanki müharibənin tez bir zamanda başlayacağını hiss etmişdi. Elə buna görə də 2020-ci ilin sentyabr ayının 21-dən könüllü olaraq ordu sıralarına qatıldı. Müharibənin ilk günündən döyüşən ordunun ön cəbhəsində düşmənlə üz-üzə oldu. Füzulinin, Cəbrayılın, Zəngilanın, Qubadlının mənfur düşməndən azad edilməsində igidlik göstərdi. Döyüşlərdə göstərdiyi şücaətə və igidliyə görə “Füzulinin azad olunmasına görə” medalı ilə təltif edildi.

Ordu sıralarından bu yaxınlarda tərxis olunan igid, vətənpərvər Muxtarın qəlbində arzuları aşıb-daşır. Gələcəyə böyük nikbinliklə baxan Muxtar söhbət zamanı işğaldan azad olunmuş torpaqlarımızın çiçəklənməsi üçün əməyini əsirgəməyəcəyini bildirdi.

YAP Ağcabədi rayon təşkilatının əməkdaşları Muxtarla fəxr edirlər. Onun qarşılanması zamanı iş yoldaşlarının üzündə gördüyüm sevinc, qürur hissi, igidimiz haqqında söylədikləri fikirlər bunu vurğulamağıma əsas verir. Biz də öz növbəmizdə sənə gələcək həyatında uğurlar, can sağlığı arzulayırıq, Muxtar!

Adil MİSİRLİ

Xəbər lenti

Xatirə bulaq kompleksinin açılışı

Noyabrın 19-da Ağcabədi rayonunun Minəxorlu kəndində Birinci və İkinci Qarabağ müharibələrində qəhrəmancasına həlak olan 11 nəfər Minəxorlu şəhidlərinin xatirəsini əbədiləşdirən bulaq kompleksinin...

Şəhadətə ucalmasından bir il ötdü

Noyabrın 22-də Ömər Rəhimlinin şəhidliyə qovuşmasının ildönümü mərasimi onun doğulub boya-başa çatdığı Hindarx qəsəbəsində qeyd edilmişdir. Mərasimdə rayon icra...

Ödənişsiz müayinə aksiyası

Gənclər üçün Təhsil Mərkəzi Qarabağ regional ofisi nəzdində fəaliyyət göstərən “İnklüziv Təhsil və Uşaq İnkişaf Mərkəzi”ndə “Green zone” sağlamlıq və estetika mərkəzinin...

Həsən Quliyevin xatirəsi anıldı

Noyabrın 21-də Ermənistan işğalçıları ilə gedən qızğın döyüşlərdə qəhrəmancasına həlak olan şəhid Həsən Quliyevin ildönümü onun doğulduğu və dəfn olunduğu doğma Sarvanlar...

ELAN – Ağcabədi rayonunda məktəbəqədər təhsil müəssisələrinə tərbiyəçi vəzifəsinə işə qəbul üzrə MÜSABİQƏYƏ start verilir

15 noyabr 2021-ci il tarixdən tərbiyəçilərin işə qəbulu üzrə müsabiqə üçün elektron qeydiyyat prosesinə başlanılır. Elektron qeydiyyat prosesi 15 noyabr – 01...

Laçın rayonu əhəmiyyətli geostrateji mövqeyə malikdir

Laçın rayonu 1930-cu ildən inzibati ərazi vahidi statusu alıb. Azərbaycan Respublikasının füsunkar guşələrindən biri olan Laçın rayonu ölkəmizin cənub-qərbində, Kiçik Qafqazda yerləşir. Rayonun...

Nə yazdığınızı bilirsiniz?

                                                Yenə də məsələnin əslindən xəbəri olmayan jurnalistlərin hay-küyü, yenə də özlərini  müdafiəçi kimi göstərərək reytinq toplamaq istəyi...

Bənövşəyi eşqim

  Qəmər  Ayatam Qəmər Ayatam yazıçılıq iddiasında olmayan, sadəcə düşüncələrini, yaşadıqlarını qələmə almaqdan rahatlıq tapan bir xanımdır. O qədər...

Ağcabədidə tütün məmulatı oğurlayan şəxs saxlanılıb

Ağcabədi rayonunda mağazaların birindən 1500 manat dəyərində tütün məmulatı oğurlamaqda şübhəli bilinən şəxs tutulub. Daxili İşlər Nazirliyinin mətbuat xidmətindən...

Silsilə tədbirlər

Yeni Azərbaycan Partiyasının təsis edilməsinin 29-cu ildönümü münasibətilə YAP Ağcabədi rayon təşkilatı tərəfindən silsilə tədbirlər keçirilib. YAP üzvü olmuş...

Şərhlər