30.2 C
Aghjabadi
Bazar ertəsi, May 23, 2022

Ağcabədidə Gənclər Günü qeyd olunub

Ağcabədi rayon İcra hakimiyyəti, YAP Ağcabədi rayon təşkilatı Gənclər Birliyi və
Ağcabədi rayon Gənclər və İdman İdarəsinin təşkilatçılığı ilə 2 Fevral – Azərbaycan
Gəncləri gününə və şanlı Milli Ordumuzun zəfərinə həsr olunmuş videokonfrans
keçirilib.
Tədbirdə Vətən müharibəsi iştirakçıları, təhsil, səhiyyə, mədəniyyət, media və digər
sahələrdə çalışan gənclər, könüllülər iştirak ediblər.
Konfransı giriş nitqi ilə açan Ağcabədi rayon İcra Hakimiyyəti İctimai-siyasi və humanitar
məsələlər şöbəsinin müdir müavini, YAP Ağcabədi rayon təşkilatı Gənclər Birliyinin
sədri Ceyhun Mamedov iştirakçıları salamlayıb, onları təbrik edib. Natiq qeyd edib ki,
əsası ulu öndər Heydər Əliyev tərəfindən qoyulan Gənclər Günü hər il ölkəmizdə, eləcə
də rayonumuzda böyük ruh yüksəkliyi ilə qeyd olunur. Bu gün vətənimizin gələcəyi olan
gənclərimiz yüksək vətənpərvərlik ruhuna, mübarizlik keyfiyyətlərinə malikdir. Onlar
Vətən müharibəsində nəyə qadir olduqlarını bir daha sübut ediblər. Qəhrəman
gənclərimiz Milli Ordu sıralarında mərdliklə vuruşaraq Azərbaycanın düşmən üzərində
parlaq qələbəsini təmin ediblər. Ölkə Prezidenti cənab İlham Əliyevin ətrafında sıx
birləşən Azərbaycan gəncləri hər bir sahədə sözlərini deyir, xariqələr yaradırlar.
C.Mamedov qeyd edib ki, respublikada uğurlu gənclər siyasəti həyata keçirilir. Gənclər
dövlətimiz tərəfindən hər cür diqqət və qayğı ilə əhatə olunublar. Bunun nəticəsində
gənc oğlan və qızlar hərtərəfli inkişaf edir, möhtərəm Prezidentimiz İlham Əliyevin
gerçəkləşdirdiyi sosial-iqtisadi quruculuq işlərində fədakarlıqla çalışırlar. Yüksək diqqət
və qayğıdan ruhlanan bütün ölkə gəncləri kimi rayonumuzun gəncləri də dövlətimizin
daxili və xarici siyasətini dəstəkləyir, vətənimiz naminə əllərindən gələnləri əsirgəmirlər.
ideokonfransda söz alan rayon Gənclər və İdman idarəsinin rəisi Rüfət Quliyev, qazi
Cavid Allahverdiyev, Gənclərin İnkişaf və Kariyera Mərkəzi Ağcabədi nümayəndəliyinin
direktoru Əli Əhmədov, Ağcabədi rayon Mərkəzi xəstəxanası publik hüquqi şəxsin
nümayəndəsi Hacı Cavadov və başqaları çıxış edərək rayon gənclərinin təhsil, idman,
quruculuq işlərində qazandıqları uğurlardan, II Qarabağ savaşında göstərdikləri
qəhrəmanlıqlardan ətraflı danışmış, öz xatirələrini bölüşmüş və qarşıda duran
vəzifələrdən söz açmışlar.
Videokonfransın sonunda şəhidlərə həsr olunmuş videoçarx nümayiş etdirilmişdir.

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər