3.5 C
Aghjabadi

Mən qalib döyüşçünün bacısıyam

Qəfil möhkəm atəş səs gəldi. Qardaşım o biri otaqdan “Rövşanəəə” deyib hövlank içəri girdi, elə bildim şkaf başına uçdu. Yuxulu olduğumçün nə olduğunu, nə baş verdiyini anlamadım. Elə bu anda yenə səslər gəlməyə başladı. Bir az sonra hər şey məlum idi. Müharibə başlamışdı…

Çox sevincli idi Hacı. Həyətdə o baş bu başa gedib “Vurun o namərdləri, vurun, vuran qollarınıza qurban olum!” – deyirdi. Həmin axşam anama dedi ki, mən də döyüşə gedəcəyəm. Anam bərk tutuldu:

– Yox, ay bala, getmə, sən getsən mən dözə bilmərəm.

– Orda döyüşənlərdən artıq deyiləm, qismətimdə ölmək varsa, burda da qalsam öləcəm. Odur ki, bərk ol. Sən güclü qadınsan.

Həmin günün səhəri könüllü yazıldı və sentyabrın 30-da evə zəng vurdu:

– Bacı, çağırış gəldi, mən gedirəm, anam sizə əmanət, siz də Allaha…

Evimizin ən ərköyünüdür Hacı. Yalnız öz bildiyi yolla gedən, amma bununla bərabər, qorxmaz, dost-tanış, qohumlar yolunda canını fəda edəcək biridir. Sonbeşik olduğum üçün çox cırnadırdı məni. Həmişə “Mənə bir stəkan çay ver, içim” deyirdi. Amma çayı istəyəndə də sözarası “sancdığı” üçün hər dəfə istəyini eşitməməzliyə vururdum, çay vermirdim. Cəbhəyə getməmişdən bir gün əvvəl gülə-gülə dedi: “Ay bacı, bircə stəkan çay süz, içim. Gedib gəlməmək də var”…

Bu sözləri sanki məni yuxudan ayıltdı, onu bərk-bərk qucaqlıyıb hönkür-hönkür ağladım: “Elə demə, inşallah qayıdacaqsan, ailən, övladların olacaq, özün kimi dəcəl balaların olacaq” deyə cavab verdim. Ən gözəl qabları gətirdim, Hacı üçün çay süfrəsi açdım.

“Şükür, ölməzdən öncə bu günü də gördük” – dedi.

“Sağ-salamat qayıt gəl evimizə, gecə saat 3-də də gəlsən, yenə sənə çay süzüb verəcəm” deyə ona söz verdim.

Şiddətli döyüşlər gedir, hər atəş səsi, təcili yardım maşınlarının səsləri gəldikcə anam “Anan ölsün ay bala, ay Hacı” deyib həyətdə fəryad qoparırdı. Cəbrayılın işğaldan azad olunduğu gün zəng vurub dedi ki, “Ana, Cəbrayılı aldıq, məndən nigaran qalma, hər şey əladır”.

Növbəti danışıqlarının birində bərk atışma səsi gəldi, telefonun səsi kəsildi, həmin günü səhərədək dualar etdik. Tək Hacı üçün deyil, bütün əsgərlərimiz üçün… Səhəri gün bildik ki, minamyot düşməsi nəticəsində 2 döyüş yoldaşı şəhid olub.

Hacı o çətin günlərdən çox şeylər danışır bizə. Amma mənim üçün əsas olan bir şey var, şükür ki, torpaqlarımız azad olundu. Şükür ki, mən qalib döyüşçünün, Hacının bacısıyam!

Rövşanə ƏLİYEVA,

Heydər Əliyev Mərkəzinin baş fond mühafizi

Xəbər lenti

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Şərhlər