20.7 C
Aghjabadi
Bazar ertəsi, Noyabr 29, 2021

Təkbaşına 4 topdan atəş açmağı bacaran şəhid

Arazbar kəndi Ağcabədi rayonunda, Arazbar inzibati ərazi vahidində, rayon
mərkəzindən 39 kilometr cənub-qərbdə, Ağcabədi-Ağdam şose yolundan 8 kilometr
aralıda, Qarqar çayının sağ sahilində, Qarabağ düzündə yerləşir.
Arazbar toponimi Araz və bar sözlərindən yaranmışdır. Toponimin tərkibindəki
Araz sözü çay adını əks etdirir. Bar sözü isə fars dilində “kənar”, “sahil” deməkdir.
Arazbar toponiminin mənası “Araz çayının kənarı, yanı, sahili” anlamındadır.
Tarixçi Şərəf xan Bitlisi “Şərəfnamə” əsərində yazır ki, “Fərhad paşa müzəffər
qoşunu ilə Arazbarda olan qacarların üzərinə hücuma keçdi”, “Təzkirət-əl müluk”
əsərində qeyd olunur ki, Arazbar və Bəyazidli elinin ölkəsi savaş zamanı ortaya 300
nəfərlik dəstə çıxarır…
Ceyhun Möhübbət oğlu Hüseynov 5 oktyabr 1991-ci ildə Arazbar kəndində
anadan olub. Cavanşir Həsənov adına Arazbar kənd tam orta məktəbində təhsil alıb. O,
2009-cu ilin oktyabrında hərbi xidmətə yollanıb. Hərbi xidməti bitirdikdən sonra
qəlbindəki Vətən sevgisi və hərbçi olmaq arzusu onu rahat buraxmayıb. 2014-cü ilin
mart ayından etibarən müddətdən artıq hərbi qulluqçu kimi yenidən ordu sıralarına
qatılıb.
Ceyhun Hüseynov hərbçi olaraq çalışdığı müddətdə artilleriya hərb sənətini
incəliklərinə qədər öyrənib, xüsusilə 122 mm-lik D-30 haubista topu barədə bilgiləri
sonrakı illərdə ona top komandiri vəzifəsinin verilməsinə gətirib çıxarır.
Ceyhunun artilleriya bacarığı Aprel döyüşlərində özünü qabarıq göstərir. Onunla
birlikdə xidmət etmiş yoldaşları və əsgərlərinin dediklərinə görə, Ceyhun 2016-cı ilin
aprelində erməni artilleriyasına sərrast, sarsıdıcı zərbələr endirərək, düşmənin xeyli
itgilər verməsinə nail olub. Onun tabeliyində olan əsgərlərin söylədiklərinə görə, Ceyhun
təkbaşına 4 topdan 27 atəş açaraq Yuxarı Qiyaməddinli kəndini və xidmət etdikləri
artilleriya divizionunu xilas edib.
Ceyhun Hüseynov 120 mm-lik minaatandan da sərrast atəş açmağı bacarırdı.
Məhz buna görə də öz istəyi ilə döyüşlərin ən qaynar nöqtəsinə 120 mm-lik minaatan
komandiri olaraq qatılıb.
Yüksək peşəkarlığı, döyüş qabiliyyəti ilə düşmənin qorxusuna çevrilən Ceyhun
Hüseynov 16 oktyabr 2020-ci il tarixində qəhrəmancasına şəhid olub. Azərbaycan
Respublikası Silahlı Qüvvələrinin Baş Komandanı, Prezident İlham Əliyevin müvafiq
sərəncamı ilə Ceyhun Hüseynov “Vətən uğrunda”, “İgidliyə görə”, “Xocavənd rayonunun
azad olunmasına görə” medalları ilə təltif olunub.
…Ceyhun müqəddəs torpaqlarımızı mənfur düşmən işğalından azad etmək üçün
savaşdı, vuruşdu. Ölümdən qorxmayan igidimiz son nəfəsinədək ölümün gözünün içinə
dik baxdı. Vətən yolunda şəhid oldu. Vətənsevər həmyerliləri, döyüş yoldaşları
tərəfindən heç bir zaman unudulmayacaq şəhid! Allah sənə rəhmət eləsin, qəbrin nurla
dolsun!

Adil MİSİRLİ

Xəbər lenti

Xatirə bulaq kompleksinin açılışı

Noyabrın 19-da Ağcabədi rayonunun Minəxorlu kəndində Birinci və İkinci Qarabağ müharibələrində qəhrəmancasına həlak olan 11 nəfər Minəxorlu şəhidlərinin xatirəsini əbədiləşdirən bulaq kompleksinin...

Şəhadətə ucalmasından bir il ötdü

Noyabrın 22-də Ömər Rəhimlinin şəhidliyə qovuşmasının ildönümü mərasimi onun doğulub boya-başa çatdığı Hindarx qəsəbəsində qeyd edilmişdir. Mərasimdə rayon icra...

Ödənişsiz müayinə aksiyası

Gənclər üçün Təhsil Mərkəzi Qarabağ regional ofisi nəzdində fəaliyyət göstərən “İnklüziv Təhsil və Uşaq İnkişaf Mərkəzi”ndə “Green zone” sağlamlıq və estetika mərkəzinin...

Həsən Quliyevin xatirəsi anıldı

Noyabrın 21-də Ermənistan işğalçıları ilə gedən qızğın döyüşlərdə qəhrəmancasına həlak olan şəhid Həsən Quliyevin ildönümü onun doğulduğu və dəfn olunduğu doğma Sarvanlar...

ELAN – Ağcabədi rayonunda məktəbəqədər təhsil müəssisələrinə tərbiyəçi vəzifəsinə işə qəbul üzrə MÜSABİQƏYƏ start verilir

15 noyabr 2021-ci il tarixdən tərbiyəçilərin işə qəbulu üzrə müsabiqə üçün elektron qeydiyyat prosesinə başlanılır. Elektron qeydiyyat prosesi 15 noyabr – 01...

Laçın rayonu əhəmiyyətli geostrateji mövqeyə malikdir

Laçın rayonu 1930-cu ildən inzibati ərazi vahidi statusu alıb. Azərbaycan Respublikasının füsunkar guşələrindən biri olan Laçın rayonu ölkəmizin cənub-qərbində, Kiçik Qafqazda yerləşir. Rayonun...

Nə yazdığınızı bilirsiniz?

                                                Yenə də məsələnin əslindən xəbəri olmayan jurnalistlərin hay-küyü, yenə də özlərini  müdafiəçi kimi göstərərək reytinq toplamaq istəyi...

Bənövşəyi eşqim

  Qəmər  Ayatam Qəmər Ayatam yazıçılıq iddiasında olmayan, sadəcə düşüncələrini, yaşadıqlarını qələmə almaqdan rahatlıq tapan bir xanımdır. O qədər...

Ağcabədidə tütün məmulatı oğurlayan şəxs saxlanılıb

Ağcabədi rayonunda mağazaların birindən 1500 manat dəyərində tütün məmulatı oğurlamaqda şübhəli bilinən şəxs tutulub. Daxili İşlər Nazirliyinin mətbuat xidmətindən...

Silsilə tədbirlər

Yeni Azərbaycan Partiyasının təsis edilməsinin 29-cu ildönümü münasibətilə YAP Ağcabədi rayon təşkilatı tərəfindən silsilə tədbirlər keçirilib. YAP üzvü olmuş...

Şərhlər