7.5 C
Aghjabadi

BMT QAK və Azərbaycan Qızıl Aypara Cəmiyyətinin yardımları Ağcabədi və Ağdamda paylanılmağa başlandı

Azərbaycan Qızıl Aypara Cəmiyyəti Qarabağda münaqişədən zərər çəkmiş insanlara BMT-nin Qaçqınlar üzrə Ali Komissarlığı (QAK) tərəfindən ianə edilən zəruri yardım əşyalarını paylamağa başlayıb.

BMT-nin Azərbaycandakı nümayəndəliyindən bildiriblər ki, bu günədək BMT QAK münaqişədən zərər çəkmiş icmaların, təqribən 2400 ailənin və ya 10 mindən çox insanın istifadəsi üçün Azərbaycana 30 min ədəd ədyal, 10 min kvadratmetr plastik çadır, 4 min ədəd mətbəx dəsti, 443 ədəd şəxsi gigiyena dəsti (sanitariya-gigiyena əşyaları), 12 min ədəd yastıq və 2554 ədəd döşək göndərib və ya yerli bazardan satın alıb.

“Azərbaycan Qızıl Aypara Cəmiyyəti mandatına və missiyasına uyğun olaraq zərər çəkmiş əhaliyə fövqəladə humanitar yardımların çatdırılmasında fəal iştirak edib. Biz ölkənin bir neçə şəhər və rayonlarında münaqişədən zərər çəkmiş insanlara zəruri yardım əşyalarının paylanması üçün BMT QAK ilə son dövrdə genişlənən tərəfdaşlığımızı yüksək qiymətləndiririk”, – deyə Azərbaycan Qızıl Aypara Cəmiyyətinin Baş katibi Ceyhun Mirzəyev bildirib.

Yardım əşyalarının paylanmasına cavabdeh olan Azərbaycan Qızıl Aypara Cəmiyyətindən əlavə, Ağdam və Ağcabədi rayonlarının icra hakimiyyətləri də bəzi zəruri yardım əşyalarını, o cümlədən 3108 ədyal, 8 min kvadratmetr plastik çadır, 443 ədəd mətbəx dəsti, 443 ədəd şəxsi gigiyena dəsti (sanitariya-gigiyena əşyalarını), 1554 ədəd döşək və 3108 ədəd yastıqdan ibarət humanitar yardımı birbaşa BMT QAK-dan alıb və sərt qış aylarında yardıma ən çox ehtiyacı olanlara paylamağa başlayıb.

Münaqişədən zərər çəkmiş Tərtər rayonunda 400 ailəyə mətbəx dəsti, yorğan, döşək və yastıqlar paylanıb. Yardım əşyaları Tərtər şəhərinin kənarında yerləşən Şıxarx məktəb binasında müvəqqəti məskunlaşan ailələrə də çatdırılıb.

Bir neçə dəfə köçkün düşmüş 40 yaşlı bir kişi ailəsinin xüsusilə soyuq qışda çox ehtiyac duyduğu bu əşyaları gətirənlərin hamısına minnətdar olduğunu söylədi. “Qonşularımızın və qohumlarımızın, yerli hakimiyyət orqanlarının və humanitar təşkilatların dəstəyi olmadan sağ qalmazdıq, çünki demək olar bütün ev əşyalarını itirmişdik. Bu səbəbdən belə çətin bir dövrdə istənilən yardım minnətdarlıqla qarşılanır”.

“BMT-nin Qaçqınlar üzrə Agentliyi olaraq biz 1990-cı illərdən bəri bölgədəki didərgin düşmüş insanlara dəstək verməklə məşğuluq. Bizə həvalə olunmuş vəzifələrimizə uyğun olaraq, münaqişə nəticəsində didərgin düşmüş insanlara, o cümlədən geri qayıdan məcburi köçkünlərə milli hakimiyyət orqanları və bütün əlaqədar qurumlarla sıx koordinasiya şəraitində yardım etməyə hazırıq”, – deyə BMT QAK-ın Azərbaycandakı nümayəndəsi Guido Ambroso bildirib. “Ermənistan, Azərbaycan və Rusiya tərəfindən imzalanmış 2020-ci il 9 noyabr tarixli üçtərəfli bəyanata uyğun olaraq, didərgin düşənlərin geri qaytarılmasında BMT QAK-ın oynaya biləcəyi rolu bundan sonra da müzakirə etmək üçün səlahiyyətli hakimiyyət orqanları ilə əlaqə saxlayırıq”.

BMT QAK Azərbaycanda ən həssas durumda olan didərgin insanların çətinliklərini azaltmaq üçün daha çox zəruri ehtiyac duyulan əşyaların satın alınmasını həyata keçirir. Hazırda BMT QAK-ın daha bir ianəsi Azərbaycana yetişməkdədir. Buraya təxminən 300 odadavamlı ailə çadırı, 9 min möhkəmləndirilmiş plastik çadır, təxminən 5 min mətbəx/xörəkbişirmə dəsti, 24 min 600 ədəd ədyal və 11 min günəş lampası daxildir ki, bunların da dəyəri nəqliyyat xərcləri çıxılmaqla təxminən 644 min ABŞ dollarıdır.

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər