20.2 C
Aghjabadi

105 yaşlı Ballı nənə də peyvənd olundu

Ağcabədidə COVİD-19 infeksiyasına qarşı vaksinləşmə davam edir. İndiyədək 2500
nəfərdən çox rayon sakini koronavirusa qarşı vaksinasiya olunub. Gündəlik peyvənd
olunanların sayı artmaqdadır. Ağcabədi rayon Mərkəzi Xəstəxanadakı vəziyyətlə
maraqlanarkən peyvənd olunan şəxslərlə söhbət etdik, yaradılan şəraitlə
maraqlandıq. Rayon sakini Əkbərov Qəzənfər Müzəffər oğlu bildirdi ki,
düşünülməmiş bir fikir bəzən yanlış kütləvi rəy formalaşdırır. Ona görə də insanlar
prosesləri daha dəqiq araşdırıb ən doğru olanı seçməlidirlər. İnsanların gözünü
qorxudurlar, yan təsirlərin olduğunu söyləyirlər. Açığını deyim, əvvəl mən də
tərəddüd edirdim. Amma bu gün gördüyünüz kimi buradayam. Ciddi yoxlanışdan
keçdikdən sonra peyvənd olunmuşam və heç bir əlavə təsir də hiss etmirəm.
Daha bir rayon sakini İbrahimova Zəhra Hüseyn qızı fikirlərini bizimlə bölüşərkən
qeyd etdi ki, son zamanlar sapsağlam hesab etdiyimiz insanlar gözlərimiz önündə,
qəfil dünyasını dəyişdi. Koronavirus cavana-qocaya baxmadı. Bizlərə isə ah çəkib
heyfslənmək qaldı. Bu gün həmin dəhşətli bəladan xilas olmaq üçün şərait yaradılıb.
Azərbaycan öz imkanları hesabına əhalisini vaksinlə təmin edir. Bunu edə bilməyən
ölkələr var. İnsanlara səslənirəm, yayılmış yalan şaiyələrə inanmasınlar. Mən özüm
bir həftə əvvəl peyvənd olunmuşam. İndi buraya qohumumla gəlmişəm. Özümü çox
yaxşı hiss edirəm. Heç bir narahatçılığım yoxdur. Əksinə, ürəyimdə bir arxayınlıq
yaranıb.
Növbəti müsahibimizlə telefon vasitəsilə əlaqə saxladıq. Düz 105 yaşı olan Kəbirli
kənd sakini Mürşüdova Ballı Cəfər qızı bir neçə gün öncə peyvənd olunub. Bizimlə
danışarkən halından çox məmnun olduğunu bildirdi. Nəvəsi Xəzər əlavə etdi ki,
nənəmə necə xidmət ediblərsə, dəqiqəbir soruşur ki, a bala, ikinci dəfə nə vaxt
gedəcəyik? Xəzər eyni zamanda dövlətimiz tərəfindən yaradılan bütün şəraitə görə
ailəsi adından minnətdarlığını da bildirdi.

Xəbər lenti

Şəhid Hafiz Həziyevin anım mərasimi keçirildi

Il Qarabağ müharibəsində işğal altında olan torpaqlarımızın düşməndən azad edilməsi əməliyyatlarında iştirak edən qəhrəmanlarımızdan biri də Ağcabədi rayonunun Yeni Qaradolaq kəndindən olan...

Cəbrayıldan başlayan “Böyük Qayıdış”

         Azərbaycan 44 günlük Vətən müharibəsini qələbə ilə yekunlaşdırdıqdan sonra dünyaya azad etdiyi torpaqlara necə sahibləndiyini, onu necə göz...

Avşar kəndində səyyar qəbul

Ağcabədi Rayon İcra Hakimiyyəti başçısının 2022-ci il üçün sayca  30-cu səyyar qəbulu Avşar kəndində  keçirilib. Səyyar qəbulda rayon icra hakimiyyəti başçısı  aparatının məsul şəxsləri, hüquq-mühafizə orqanlarının, idarə, müəssisə və...

Şagirdlərə “18 Oktyabr Müstəqiliyin Bərpası Günü” adlı məruzə oxunub

Ağcabədi rayon Heydər Əliyev Mərkəzinin əməkdaşları tərəfindən yeni tədris ilində şəhər ümumtəhsil məktəblərində məruzələrin davam etdirilir Oktyabr ayında keçirilən məruzələr Vətən muharisəsinin...

Bronxoektaziya xəstəliyində niyə müalicəvi idman terapiyası mütləqdir?

Bronxoektaziya – bronxların patoloji genişlənməsi ilə xarakterizə olunan iltihabı xəstəlikdir. Bronxoektaziya əksər hallarda ağciyərin bir çox xəstəliklərinin (vərəm, xroniki abses və bir...

4 Oktyabr Yaddaşlarda qalan tarixi gün

Azərbaycan Ordusu 44 gün ərzində Müzəffər Ali Baş Komandanımızın rəhbərliyi ilə Zəfər yürüşünü uğurla, şərəflə və qətiyyətlə davam etdirdi, daim irəli getdi,...

Ağcabədidə 5 Oktyabr – Müəllimlər Günü qeyd olundu

Ağcabədi rayonunda 5 Oktyabr – Beynəlxalq Müəllimlər Günü münasibətilə ümumrayon tədbiri keçirilib. Tədbir iştirakçıları öncə ulu  öndər Heydər Əliyevin abidəsini ziyarət edib...

Müəllimlər təltif olundu

5 oktyabr Müəllimlər Günü ilə bağlı növbəti tədbir  Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsində keçirilib. Çağırışa qədər...

Böyük Qayıdış Cəbrayıldan başlamışdır

           Ermənistanın Azərbaycana qarşı işğalçılıq siyasəti nəticəsində 30 ilə yaxın Azərbaycan torpaqlarının 20 faizi, Qarabağ ərazisi və ətraf...

Ağcabədidə “Zəfərin ilk müjdəçisi – Cəbrayıl“ adlı dəyirmi masa keçirilib

Ağcabədi rayon Heydər Əliyev Mərkəzində “Zəfərin ilk müjdəçisi - Cəbrayıl“ adlı dəyirmi masa keçirilib. Ağcabədi şəhər 3 nömrəli...

Şərhlər