Qazilərimiz onlara və şəhid ailələrinə göstərilən qayğıdan danışdılar

Son vaxtlar dövlətimiz tərəfindən müharibə iştirakçılarına, qazilərə, şəhid ailələrinə dövlət qayğısı xeyli gücləndirilib. Daha dəqiq desək, şəhid ailələri və müharibə əlillərinə qayğı dövlətin daim diqqət mərkəzindədir. Ölkəmizin hər yerində olduğu kimi, rayonumuzda da şəhid ailələri, müharibə əlillərinə hərtərəfli qayğı göstərilir. Vətən müharibəsi başa çatdıqdan sonra döyüşlərdə qəhrəmancasına həlak olan şəhidlərin ailələrinə, müharibədə əlil olan şəxslərə bu qayğı və diqqət daha da gücləndirilib. Bütün bunlar dövlətimizin başçısı, Ali Baş Komandan İlham Əliyevin məqsədyönlü fəaliyyətinin bariz nəticəsidir. Azərbaycan Prezidentinin Bakının Ramana qəsəbəsinin yaşayış kompleksində şəhid ailələri və müharibə əlillərinə mənzillərin təqdim olunması mərasimindəki çıxışında göstərildiyi kimi, bu qayğı dövlətin prioritet vəzifəsi hesab olunur.

Rayonumuzun Birinci və İkinci Qarabağ müharibəsi əlilləri göstərilən bu diqqət və qayğıya görə dövlətimizə minnətdarlıq və təşəkkürlərini bildirirlər. Qarabağ müharibəsi əlili, YAP Ağcabədi rayon təşkilatının baş məsləhətçisi Ramil Nağıyevin sözlərinə görə müharibə iştirakçılarına, şəhid ailələrinə evlərin tikilib verilməsi, onların müvafiq işlərlə təmin olunması və bir sıra sosial-məişət problemlərinin həll edilməsi diqqətəlayiqdir. Qarabağ qazisi kimi, mən bu qayğıdan çox razıyam. Həmişə dövlət qayğısı ilə əhatə olunmuşam. Mənim üçün ən əlamətdar hadisə 2008-ci ildə dövlətimiz tərəfindən yeni tikilmiş binada 2 otaqlı mənzillə təmin olunmağımdır. Hər iki ayağımın yüksək keyfiyyətli protezlə təmin olunması mənim normal həyata qayıtmağımda xüsusi əhəmiyyət kəsb edib. YAP Ağcabədi rayon təşkilatında baş məsləhətçi vəzifəsində işləməyim də dövlətimizin göstərdiyi böyük diqqət və qayğının təzahürüdür. Azərbaycan Prezidenti cənab İlham Əliyev və Birinci xanım Mehriban Əliyevanın rayonumuza səfərləri zamanı mənzilimdə olmaları, məişət və ailə vəziyyətimlə yaxlından maraqlanmaları mənə, ailəmə sevinc və böyük ruh yüksəkliyi bəxş edib.

Azərbaycan Qarabağ Müharibəsi əlilləri, veteranları və şəhid ailələri ictimai birliyinin Ağcabədi filialının sədri, Qarabağ Müharibəsi əlili İsmayıl Məhərrəmov da dövlətimizin göstərdiyi diqqət və qayğıdan razılığını bildirib. O, qeyd edib ki, həmişə Qarabağ qazisi və əlillik kimi dövlətimizin qayğısını öz üzərimdə hiss etmişəm. Evlə, işlə təmin olunmuşam. Prezident təqaüdünə layiq görülmüşəm. Bir sözlə, hər vaxt fəaliyyətim dövlət tərəfindən yüksək qiymətləndirilib. Bundan da gözəl nə ola bilər ki?! 

O, 2020-ci ildə qazandığımız zəfərdən də danışaraq qeyd edib ki, Azərbaycan uzun illər ərzində aparılan ikili siyasətə qarşı mübarizə aparmağa məcbur olub. Biz bu qələbəni təkcə Ermənistan üzərində qazanmamışıq.Onların havadarlarına da öz yerlərini göstərmişik, gücümüzün, birliyimizin nəyə qadir olduğunu sübut etmişik. İstər 44 günlük müharibə dövründə, istərsə də sonralar ölkə rəhbərinin qətiyyətli çıxışları, müsahibələri, ordu və xalqın öz rəhbəri ətrafında birləşməsi Azərbaycan xalqının qüdrətinə şübhə edənləri əməlli-başlı sarsıtdı. 

Bu gün artıq qarşıdakı əsas planlarımız böyük qayıdışla bağlıdır. 30 il həsrətində olduğumuz qayıdışla…

Daha bir rayon sakini, Vətən müharibəsi iştirakçısı Rövşən Bayramov müharibədən sonra ona göstərilən yüksək diqqət və qayğıdan danışıb. Müsahibimiz qeyd edib ki, Milli Ordu sıralarından tərxis olunduqdan sonra mənə yüksək etimad göstərilib, Ağcabədi rayon Kommunal Xidməti və Mənzil İstismar İdarəsində müvafiq işlə təmin olunmuşam. Göstərilən bu diqqət respublikamızda ölkə rəhbərliyinin müharibə iştirakçılarına qayğısını əyani sübut edir. Azərbaycan Prezidenti Ali Baş Komandan İlham Əliyevin məqsədyönlü siyasətini ürəkdən bəyənir, dəstəkləyir, bu diqqət və qayğıya görə şəxsən özüm və ailə üzvlərim adından minnətdarlığımı və təşəkkürümü bildirirəm. 

ADİL Misirli

Millət vəkilindən mediaya dəstək

Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə olunan məsələlər arasında medianın vergidən azad...

Mehriban Əliyeva Türkiyəyə başsağlığı verib

Azərbaycanın Birinci vitse-prezidenti Mehriban Əliyeva Türkiyədə baş vermiş zəlzələ ilə əlaqədar qardaş ölkəyə başsağlığı verib.  "Instaqram" hesabında olan paylaşımda...

Bu gün Xankəndi-Laçın yolunda sülhməramlıların 26 avtomobili maneəsiz keçib

Şuşadan keçən Xankəndi-Laçın yolunda Rusiya sülhməramlılarına məxsus daha 20 avtomobilin hərəkət etməsinə növbəti dəfə şərait yaradılıb.   "Report"un aksiya keçirilən...

Azərbaycanda qəzet və saytlara verilən maddi yardımlar vergilərdən azad edilir

Aranın xəbərinə görə, bununla bağlı Vergi Məcəlləsinə dəyişiklik təklif olunur. Layihənin qeyd hissəsində əsaslandırılıb...

Azərbaycan və  Macarıstan oxşar cəhətlərə malik ölkələrdir

Azərbaycan Respublikasının Prezidenti İlham Əliyev Macarıstana rəsmi səfəri zamanı Budapeştdə mətbuata bəyanat vermişdir. Bəyanatda qeyd edilir ki, dost ölkələr kimi Azərbaycanla Macarıstan...

Azərbaycanda media subyektlərinin əldə etdikləri gəlirlər vergidən azad olunacaq

Azərbaycanda media subyektlərinin əldə etdikləri gəlirlər vergidən azad olunacaq. "Report"un xəbərinə görə, bununla bağlı Vergi Məcəlləsinə dəyişiklik təklif olunur.

Azərbaycan və Macarıstan münasibətləri yeni inkişaf mərhələsində

Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı ölkəmizin xarici siyasətinin vacib istiqamətlərindən biridir. Bu ölkələr arasında qarşılıqlı səviyyədə...

Türkiyədə zəlzələdə ölənlərin sayı 284 nəfərə çatıb, 2323 nəfər yaralanıb 

Türkiyədəki zəlzələdə ölənlərin sayı 284 nəfərə çatıb. “Aran” xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.

Azərbaycan Prezidentinin tapşırığı ilə FHN-in çevik qüvvələri Türkiyəyə yola düşəcək

Bu gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Respublikasının Prezidenti cənab...

Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan başsağlığı verib. Aran xəbər verir ki, başsağlığında deyilir:

Şərhlər