“Aran” qəzetinin AĞCABƏDİ VƏ AĞCABƏDİLİLƏR rublikası təqdim edir – Vaqif Cəfərov

(Rubrikamızın növbəti qəhrəmanı professor Vaqif Cəfərovdur)

Cəfərov Vagif Yəhya oğlu 1955-ci ildə Ağcabədi rayonunun Hindarx kəndində
anadan olmuşdur. 1968-ci ildə Hindarx kənd orta məktəbinin 8-ci sinfini
müvəffəqiyyətlə başa vurub, Bakı şəhərindəki riyaziyyat təmayüllü 1 nömrəli internat
məktəbinə daxil olub. O, 1970-ci ildə bu məktəbi də uğurla bitirmişdir. Həmin ildə – 15
yaşında Kirov adına Azərbaycan Dövlət Universitetinin Mekanika-Riyaziyyat
fakültəsinə daxil olmuşdur. Oxuduğu müddətdə bütün imtihanlardan ən yüksək – 5
qiymətini alaraq “Lenin Təqaüdü”nə layiq görülmüşdür. 5-ci kursu M.V.Lomonosov
adına Moskva Dövlət Universitetində oxumuş, universiteti bitirdikdən sonra
Azerbaycan Milli Elmlər Akademiyası Kibernetika İnstitunda işləmiş və 1977-ci ildə
Rusiya EA-nın Ural elmi mərkəzində aspiranturaya daxil olmuşdur. Onun elmi
rəhbəri SSR-nin məşhur riyaziyyatçısı akademik N.N.Krasovskii idi. Həmyerlimiz
aspiranturada oxuduğu müddətdə həmçinin Riyaziyyat İnstitutu futbol komandasının
kapitanı olmuşdur.
V.Cəfərov 1982-ci ildə dissertasiyanı müvəffəqiyyətlə müdafiə edib və Kibernetika
İnstutunda baş elmi işçi vəzifəsinə yüksəlmişdir.
1990-cı ildən Bakı Dövlət Universitetində dosent vəzifəsində işləyən Vaqif Cəfərov
1993-cü ildə Türkiyənin Anadolu Universitetindən dəvət alaraq orada çalışmağa
başlamış, 2007-ci ilde Professor elmi adını almış, 2007-2013-cü illər arasında
kafedra müdiri işləmişdir.
O, elmi məqalələrin, o cümlədən 2 elmi kitabın, 3 dərs kitabının, 1 şeir kitabının
müəllifidir. Rus, Türk ve İngilis dillərini bilir.
Ailəlidir, bir qızı var.

ARAN-ı sosial şəbəkələrdə izləyin:

Şərhlər

Social Media Auto Publish Powered By : XYZScripts.com