5.4 C
Aghjabadi
Bazar ertəsi, Dekabr 6, 2021

Hər iki cəbhənin döyüşçüsü

Erməni faşistləri ölkəmizə hücum etdikdə yaşından, təhsilindən, peşəsindən
asılı olmayaraq hər bir Vətən övladı torpaqlarımızı müdafiə etməyə hazır olduğunu
bildirdi. Könüllü olaraq, cəbhəyə getmək istəyənlər silaha sarılaraq azğın düşmənə
qarşı mübarizəyə qalxdılar. Ağcabədi Pedaqoji Kollecinin müəllimi Şahin Rəhimov da
belə igid oğullardandır.
Şahin Ağakişi oğlu Rəhimov 1979-cu ildə Ağcabədi şəhərində anadan olub.
O, 1986-1997-ci illərdə M.F.Axundov adına Ağcabədi şəhər 3 saylı orta məktəbində
təhsil alıb. 1997-ci ildə orta təhsilini əla qiymətlərlə başa vuran Şahin həmin il qəbul
imtahanlarında uğurla iştirak edərək, Bakı Dövlət Universitetinin filologiya fakültəsinə
daxil olub.
İstedadlı gənc universitetdə təhsil aldığı illərdə özünü bilikli, bacarıqlı və fəal
bir tələbə kimi göstərib, müəllimlərinin, tələbələrin sevimlisinə çevirilib.
Ş.Rəhimov 2001-ci ildə ali təhsilini müvəffəqiyyətlə bitirib, 2001-2002-ci illərdə
Milli Ordu sıralarında qulluq edib, hərbi xidmətdə olarkən ehtiyat zabit hazırlıq
kursuna yazılaraq, leytenant rütbəsi alıb.
Gənc pedaqoq 2002-ci ildən Ağcabədi Pedaqoji Kollecində müəllimlik
fəaliyyətinə başlayıb. O, qısa müddət ərzində savadlı, bacarıqlı dil-ədəbiyyat
müəllimi kimi tanınıb, müəllim və tələbə kollektivi arasında dərin hörmət və nüfuz
qazanıb. Şahin müəllim çox keçmədən kollecdə şöbə müdiri vəzifəsinə irəli çəkilib.
Bacarıqlı ziyalı rayonun ictimai işlərində də yaxından iştirak edib, fəal həyat
mövqeyinə, təhsildə qazandığı uğurlara görə dəfələrlə rayon icra hakimiyyətinin Fəxri
fərmanları ilə təltif olunub.
Ş.Rəhimov lap kiçik yaşlarından xalqımıza qarşı qanlı cinayətlər törətmiş
erməni cəlladlarına dərin nifrət və qəzəb hissi bəsləyib. Xocalı vəhşilikləri onda
düşmənə olan nifrəti daha da alovlandırıb. Təsadüfi deyildir ki, tanınmış ziyalı dərs
prosesində, eləcə də rayonda keçirilən tədbirlərdə erməni faşizminə sonsuz nifrətini
nümayiş etdirib, cəlladları və onların havadarlarını lənətləyib. Şahin müəllim xüsusilə
Xocalı faciəsi ilə əlaqədar təşkil olunan bütün mərasimlərə ürəkdən qatılıb, bununla
əlaqədar keçirilən petitsiyalarda daim fərqlənib. Özünün dediyi kimi, Vətən
Müharibəsi başlanarkən general Polad Həşimovun həlak olması ona çox ağır təsir
bağışlayıb. O, Qəbələyə gedərək, şəhid generalın 40 mərasimində iştirak edib, onun
qanının yerdə qalmayacağını bildirib.
Ermənistan Silahlı Qüvvələrinin ölkəmizə xaincəsinə basqın etdiyi vaxtda Milli
Ordu sıralarına çağırılan Şahin müəllim ehtiyatda olan zabit kimi, düşünmədən
vətənin səsinə səs verib. O, tağım komandiri kimi erməni vandallarına qarşı amansız
döyüşlərə atılıb. Onun başçılıq etdiyi tağım Cəbrayıl və Qubadlı istiqamətində
torpaqlarımızın azad olunması uğrunda gedən çarpışmalarda qəhrəmanlıqla
vuruşaraq, düşmənə sarsıdıcı zərbələr vurub, qələbə yürüşlərinə inamlı töhfələr
verib.
Şahin müəllim bu gün də 10 noyabr qələbə gününün sevincini unuda bilmir. O,
həmin günü ömrünün ən xoşbəxt anı hesab edir. Qazanılan qələbədə özünün və

silah yoldaşlarının payı olması ilə qürur duyur. Tağım komandiri müharibədən sonra
bir müddət Xocavənd rayonunda xidmət göstərib və çox keçmədən ordu sıralarından
tərxis olunub.
Cəsur döyüşçü bu ilin yanvarından yenidən sevimli kollektivinə qovuşub və
ürəkdən bağlandığı müəllimlik peşəsini böyük həvəslə davam etdirir. Bu gün
Ağcabədi Pedaqoji Kollecinin müəllim və tələbələri Şahin müəllimlə fəxr edirlər.
Çünki hər iki cəbhənin döyüşçüsünün mənalı həyat yolu nəsillərə ən gözəl örnəkdir.
Yəhya PAŞAZADƏ

Xəbər lenti

BƏNÖVŞƏYİ EŞQİM (İkinci hissə)

Artıq digər saytlarda da şeirlərim oxuculara təqdim olunurdu.Hər dəfə çəkinə-çəkinə göndərdiyim şeirlər işıq üzü  gördükcə bir az ürəklənirdim. Çünki,oxucuların fikirləri də əvvəlkilərdən fərqlənirdi....

“Əbədiyaşar” adlı müsabiqə

Ağcabədi rayon Heydər Əliyev Mərkəzində 12 Dekabr – ulu öndər Heydər Əliyevin Anım günü ilə əlaqədar ümumtəhsil məktəblərdə fəaliyyət göstərən “Gənc Heydərçilər”...

Atletika üzrə rayon turniri keçirilib

Ağcabədi Rayon Gənclər və İdman İdarəsinin və Təhsil şöbəsinin birgə təşkilatçılığı ilə Ağcabədi Olimpiya İdman Kompleksində “1 Dekabr–QİÇS-ə qarşı Beynəlxalq Mübarizə Günü”nə...

Müasir Azərbaycanın memarı və qurucusu

Dekabrın 3-də Ağcabədi Regional Mədəniyyət İdarəsi Ağcabədi Tarix-Diyarşünaslıq Muzeyi, Ağdam Rayon Heydər Əliyev Mərkəzi və Ağdam rayon Mədəniyyət Mərkəzinin birgə təşkilatçılığı ilə,...

Vaksinasiya tədbirləri

Rayonumuzda koronavirusa qarşı mübarizə vasitəsi olan vaksinasiya kompaniyası müntəzəm olaraq davam etdirilir. Pandemiya əleyhinə görülmüş tədbirlər nəticəsində rayon sakinlərinin böyük əksəriyyəti peyvənd...

Rayonda pambıq yığımı davam edir

            Qəzetimizin əvvəlki saylarında da məlumat verdiyimiz kimi Ağcabədidə cari ildə yüksək məhsul əldə etmək üçün əkin sahələrində aqrotexniki  qaydalara ardıcıl...

Ağcabədi və ətraf rayonlarda aqrar sahədə məlumatlandırma sessiyaları keçirilib

Kənd Təsərrüfatı Nazirliyi Azərbaycanda payızlıq əkinlərin Elektron Kənd Təsərrüfatı İnformasiya Sistemində (EKTİS) bəyan edilməsi və əkin subsidiyaların alınması üçün müraciətlərin formalaşdırılması məqsədi...

Təlim kursu keçirilib

Qarabağ gənclərinin karyera və məşğulluğu üzrə növbəti təlim kursu Ağcabədidə keçirildi. “Аzərbaycan Demokratik Tələbə Gənclər Təşkilatı” İctimai Birliyi (ADTGT)...

Ağcabədidə sağlamlıq imkanları məhdud uşaqlar üçün əyləncəli tədbir təşkil olunub

3 Dekabr – Beynəlxalq Əlillər Günü ilə əlaqədar Ağcabədi rayonunda sağlamlıq imkanları məhdud uşaqlar üçün musiqili-əyləncəli tədbir keçirilib.“Gələcəyə Qayğı” Regionların sosial-iqtisadi inkişafına...

“Əlilliyi olan şəxslərə qayğı və imkanların genişləndirilməsi” Forumu uğurla yekunlaşıb.

   BMT Baş Məclisi tərəfindən qəbul edilən 3 dekabr"Əlilliyi olan insanların Beynəlxalq günü"nün məqsədi əlilliyi olan bütün insanların hüquqlarını qorumaq,cəmiyyəti onların problemlərinin həllinə cəlb etməkdir.

Şərhlər