Ağcabədi rayon Heydər Əliyev Mərkəzinin ümumtəhsil məktəblərinin şagirdləri arasında “Nizaminin sirli xəzinəsi” mövzusunda keçirdiyi inşa yazı müsabiqəsinə yekun vurulub.
AZƏRTAC-ın bölgə müxbiri xəbər verir ki, müsabiqənin keçirilməsində əsas məqsəd Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamının icrası və dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvinin yaradıcılığının daha dərindən öyrənilməsidir.
Fevralın 5-dən martın 10-dək keçirilən müsabiqədə Ağcabədi şəhər ümumtəhsil məktəblərinin şagirdləri iştirak ediblər. Müsabiqədə Ağcabədi şəhər 5 nömrəli tam orta məktəbin şagirdi Fidan Şahverdiyeva birinci, 4 nömrəli tam orta məktəbin şagirdi Gülər Abdullayeva ikinci, 5 nömrəli tam orta məktəbin şagirdi Fəridə Əkbərova üçüncü yerə layiq görülüb. Qaliblərə Ağcabədi rayon Heydər Əliyev Mərkəzi tərəfindən diplomlar təqdim edilib.
