30.2 C
Aghjabadi

“Yalançının…” rublikası – Qərəz, böhtan, yoxsa şou?

Bu gün dünyada və ölkəmizdə sosial mediaya böyük meydan verilir. Hər kəs sözünü deməkdə, müəyyən məsələlərə münasibət bildirməkdə azaddır və çoxları özünü məhz sosial media vasitəsilə bir dəfə də olsa jurnalist kimi sınamağa cəhd edir. Olsun… Yeni bacarıqların, istedadların üzə çıxması, tanınması üçün əla şərait var. Amma nə yazıq ki, bəzən bu “jurnalist”lər həmin sərbəstlikdən sui-istifadə edir, qabartmaq istədikləri mövzudan başqa bütün məsələlərə toxunur, yalan, qərəzli məlumatlar yayır, dövlətin səlahiyyətli nümayəndələri haqqında əsası olmayan fikirlər səsləndirir, təhqiramiz ifadələr işlətməkdən belə çəkinmirlər. Bu materialları izlədikdə aydın olur ki, məqsəd vətəndaşın problemini işıqlandırmaqdan çox, sensasiya yaratmaq, diqqət çəkmək, qısa zamanda qalmaqalla da olsa məşhurlaşmaqdır.

Bu günlərdə “AZERBAİJAN.TV” adlı “YouTube” kanalı vasitəsilə Ağcabədi
rayon Cəfərbəyli kənd sakini Tağı Adıgözəlovun evindən canlı yayım edilib. Bildirilib
ki, T.Adıgözəlov 27 sentyabr 2020-ci il tarixdə, II Qarabağ müharibəsi başlayandan
sonra Ağdamdan qadınların, uşaqların çıxarılmasında iştirak edərkən raket düşməsi
nəticəsində ağır yaralanıb. O, dəfələrlə Ağcabədi rayon İcra Hakimiyyətinə, ƏƏSMN-
ə, YAŞAT Fonduna müraciət etsə də, 6 ay ərzində heç kim onunla maraqlanmayıb.
İcra başçısı onu qəbul etmir. Hətta guya ailəyə köməklik etmək istəyən icra
nümayəndəsinə də imkan vermirlər.

Ağcabədi rayonunda Vətən müharibəsində yaralanan 301 nəfər qazinin və həlak olan 43 nəfər şəhidin ailəsi daim rayon rəhbərliyinin diqqət mərkəzindədir. Müharibə dövründə rayondakı 101 nəfər qazi Ağcabədi rayon İcra Hakimiyyəti başçısı cənab Rafil Hüseynov tərəfindən evlərində ziyarət olunub, həmin günlərdə evdə olmayan bütün yaralıların, qazilərin ailələrinə isə yardımlar göndərilib. O cümlədən, Vətən müharibəsi iştirakçısı olmayan Tağı Adıgözəlovun evinə də digər yaralılar kimi pay göndərilmiş, ailəsi ziyarət olunmuşdur. Əvvəla qeyd edək ki, əldə etdiyimiz məlumata görə T.Adıgözəlov Ağdamda yaşayan yaxın qohumunu Ağcabədiyə gətirərkən yaralanıb. Yəni sözügedən şəxs xüsusi imtiyazlara malik deyil. Qəza zamanı xəsarət alan yüzlərlə şəxslərdən biridir. Onun adının Vətən müharibəsi iştirakçısı kimi hallandırılması doğru deyil. Buna baxmayaraq o da, qazilərimizlə bərabər diqqətdə saxlanmışdır. Belə ki, o, rayon mərkəzi xəstəxanasının pasiyenti kimi müalicə olunur və müəyyən proseduradan sonra həkim məsləhət komissiyasının rəyi əsasında əlillik dərəcəsinin təyin edilməsi üçün aidiyyatı orqanlara müraciət edə bilər.

Vətən müharibəsi iştirakçılarına göstərilən xüsusi diqqət və qayğı çərçivəsində Dünya Azərbaycanlılarının Həmrəyliyi Günü münasibətilə rayon rəhbərliyinin, hüquq- mühafizə orqanları rəhbərlərinin iştirakı ilə şəhid ailələri ziyarət olunmuş, onlara bayram sovqatı aparılmış, şəhid övladlarının hər birinin adına bank hesabları açılaraq hər ay bu hesablara müəyyən məbləğdə pul vəsaitinin köçürülməsinə başlanmışdır.

Həmçinin, 8 Mart-Beynəlxalq Qadınlar Günü münasibətilə yenə də rayon İcra Hakimiyyət başçısı, hüquq-mühafizə orqanlarının idarə və müəssisə rəhbərlərinin iştirakı ilə şəhid ailələri ziyarət olunmuş, şəhidlərimizin anaları, xanımları və qız övladlarına hədiyyələr, bayram sovqatları aparılmışdır.

Qazi və şəhid ailələrinin ziyarət edilməsi rayonda artıq bir ənənəyə çevrilmişdir. Sakinlər tərəfindən dəfələrlə bu mövzuda minnətdarlıq məktubları gəlir, hər kəs bacardığı qədər gözəl təşəbbüsün davamçısı olmağa çalışır. Odur ki, həmin jurnalist bayram təbriki ilə bağlı ironik fikirlər səsləndirməkdənsə, görülən işlərlə maraqlansa daha yaxşı olardı.

Rayon İcra Hakimiyyəti başçısının yaralının ailə üzvlərini qəbul etməməsi məsələsinə gəldikdə isə, bildirir ki, icra hakimiyyətində müraciətlər MOB mərkəzi tərəfindən qeydiyyata alınır. Mərkəzdən isə məsələ ilə bağlı bildirildi ki, bu günədək həmin ailədən heç bir müraciət daxil olmamışdır. İcra hakimiyyətinin binasında kameralar da vardır ki, bunun vasitəsilə həmin ailədən heç kimin binaya daxil olmadığını sübut etmək mümkündür.

Videogörüntüyə baxarkən, icra hakimiyyətinin səlahiyyətində olmayan məsələlərin israrla bu qurumdan tələb edilməsi isə sadəcə müəllifin dövlət orqanlarının səlahiyyətlərindən xəbərsiz olması və ya qərəzli olmasından xəbər verir. Dövlətimiz hər bir vətəndaşının yanındadır və müraciətlər düzgün istiqamətə – aidiyyatı ünvanlara yönləndirildikdə onların problemi də vaxtında həll olunur. Biz yaralımıza şəfa diləyir və insanların saflığından istifadə edərək, guya onların problemlərinə dözməyib çığıran jurnalistlərə isə səslənirik ki, “jurnalist haqsızlığa qarşı səsini ucaltmalıdır” deyərkən qışqırmağı nəzərdə tutmayıblar. Onu da qey edək ki, Ağcabədi rayon İcra Hakimiyyəti şərəf, ləyaqət, habelə işgüzar nüfuzun aşağılanması ilə bağlı məhkəməyə müraciət etmək hüququnu özündə saxlayır.

Xəbər lenti

Şəhid Cəmaləddin Məmmədovun Anım günü qeyd olundu

Vətən müharibəsinin ilk günlərindən silaha sarılaraq döyüş meydanına atılan oğullarımızdan biri də Məmmədov Cəmaləddin Türbəndə oğludur. O, 1988-ci ildə Ağcabədinin Kürdlər kəndində...

Ağcabədidə prokurorluq işçilərinin peşə bayramı qeyd olundu

Ağcabədi rayonunda 1 oktyabr - Prokurorluq işçilərinin peşə bayramı günü münasibəti ilə tədbir keçirildi.Tədbirdə hüquq-mühafizə orqanlarının rəhbər və əməkdaşları, Ağcabədi Rayon İcra...

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şərhlər