15 C
Aghjabadi
Şənbə, May 21, 2022

Müraciətlərə Operativ Baxılma mərkəzinin yaranmasından 1 il ötür

Azərbaycan Respublikasının Prezidenti cənab İlham Əliyevin yerli icra hakimiyyəti orqanlarına vətəndaşların müraciətlərinə operativ baxılması, onların qəbulu və dinlənilməsi prosesinin təkmilləşdirilməsi ilə bağlı verdiyi tapşırıq və tövsiyələr Ağcabədi rayon İcra Hakimiyyəti tərəfindən fəaliyyət prioriteti kimi qəbul olunaraq, 16 mart 2020-ci il tarixdə Ağcabədi RİH yanında Müraciətlərə Operativ Baxılma Mərkəzi yaradılmışdır. Mərkəzin yaradılmasında məqsəd rayon icra hakimiyyətinin səlahiyyətlərinə daxil olan xidmət və fəaliyyətlərin optimallaşdırılması, vətəndaş müraciətlərinin operativ formada həllinə nail olunması, vətəndaşın eyni vaxtda vahid məkanda rayon icra hakimiyyətinin bütün struktur bölmələri ilə ünsiyyətdə olmasının təmin edilməsi, keyfiyyətli xidmətin göstərilməsi və son nəticədə vətəndaş məmnunluğunun yüksəldilməsidir. Vətəndaşların müraciətinin cavabı kağız formasında, yerində vətəndaşa təqdim olunur, eləcə də cavablar vətəndaşın istəyinə uyğun e-mail, “WhatsApp”, mobil tətbiqi və sms vasitəsi ilə göndərilir, həmçinin qaynar xətt, “WhatsApp” və e-mail vasitəsi ilə daxil olunan müraciətlər də, eyni formada cavablandırılır.

Ötən bir il ərzində MOB Mərkəzinin əməkdaşları tərəfindən 3871 müracitə baxılmış, 2400 müraciət müsbət həll olunmuş, 658 müraciət qismən həll olunmuş, 774 müraciətə müvafiq izahat verilmiş, 39 müraciət əsasız hesab edilmişdir. Ötən bir il ərzində MOB Mərkəzinə vətəndaşlar tərəfindən olunan hər bir müraciət ətraflı araşdırılıb, yerli spesifik xüsusiyyətlərə uyğun olaraq hər müraciət maksimum 2-3 gün ərzində müsbət həll olunaraq vətəndaşlara məlumat verilmişdir.

Bütün bunlarla yanaşı bildiririk ki, ölkə ərazisində COVİD-19 pandemiyası ilə bağlı tətbiq olunan karantin rejiminin tələblərinə uyğun olaraq bəzi istehsal və xidmət sahələrinin fəaliyyətinin dayandırılması, öz yaşayış yerlərini tərk etmələri səbəbindən iş yerləri müvəqqəti bağlanılmış vətəndaşlar müvafiq müraciətlər əsasında mobil qruplar vasitəsi ilə ərzaq yardımları və tibbi vasitələrlə təmin olunmuşlar. Eyni zamanda 44 günlük Vətən Müharibəsi zamanı keçmiş təmas xəttinə yaxın Ağcabədi rayonun 22 yaşayış məntəqəsinin sakinləri və qonşu rayonların müvəqqəti olaraq daimi yaşayış yerlərini tərk etmiş sakinlərinin müraciətləri MOB mərkəzi tərəfindən qəbul olunmuş, rayon ərazisindəki, ümumtəhsil məktəblərinə və fərdi yaşayış evlərinə yerləşdirilərək, yaşayış üçün zəruri ehtiyac olan yataq dəstləri, gigiyenik vasitələr, tibbi ləvazimatlar və ərzaq təminatı ilə bağlı müraciətləri operativ şəkildə həll olunmuşdur.

Martın 16-da MOB mərkəzinin yaranmasından 1 il ötür. Mərkəzin fəaliyyəti üçün yaradılan şəraitə görə Ağcabədi rayon İcra Hakimiyyətinin başçısına öz minnətdarlığımızı bildirir, vətəndaşların rahat, sənədlərin aşkarlıq şəraitində qəbul edilməsi, vaxt itkisi olmadan xidmət göstərilməsi ilə bağlı əlimizdən gələni edəcəyimizi, müasir informasiya texnologiyalarının üstünlüklərindən istifadə edərək vətəndaş məmnunluğunun yüksəldilməsi üçün səylə çalışacağımızı bildiririk.

Elçin ZEYNALOV,

Müraciətlərə Operativ Baxılma Mərkəzinin rəhbəri

Xəbər lenti

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

“Rəqəmsal icra hakimiyyəti”

“Rəqəmsal icra hakimiyyəti” portalı istifadəyə verilib. Portal vətəndaş qəbulu, xidmətlər, elektron iştirakçılıq və məlumatlandırma bölmələri olmaqla 4 istiqamətdə vətəndaşlara xidmət göstərir.

Şərhlər