17.8 C
Aghjabadi
Çərşənbə axşamı, May 24, 2022

Yolun kəndə düşəndə…

Əsgər Xəlilov Fəryad 1 noyabr 1999-cu il tarixdə Hüsülü kəndində anadan
olmuşdur. Vətən müharibəsində Qubadlı istiqamətində gedən döyüşlərdə
qəhrəmancasına şəhid olmuş, 27 oktyabr 2020-ci il tarixdə Ağcabədi şəhərində Şəhidlər Xiyabanında dəfn olunmuşdur. Azərbaycan Respublikasının 15 dekabr 2020-ci il tarixli sərəncamı ilə “Vətən uğrunda”, ”Cəbrayılın azad olunmasına görə”, “Qubadlının azad olunmasına görə” medalları ilə təltif edilmişdir.
Fəryadın ömür yolu ilə tanış olanda mənə elə gəldi ki, şair sanki şəhid Fəryadın dilindən fəryadla bu misraları səsləndirmişdir.

Yolun kəndə düşəndə
bizim evə də baş çək…

Mən şəhid olduğuma görə
daha uzağam xata-baladan…
Bizə baş çək hökmən,
Baş çək bizim qocalara…
Öz atan-anan kimi bağrına bas,
qoyma ağlasınlar.
Mənim gəlməyim getdi…
Axşamlar qapının dalını bağlasınlar…

Fəryad Hüsülü kəndinin sevimli övladlarından idi. Tərbiyəli, böyük-kiçiyin yerini bilən,
yaşına görə geniş bir dünyagörüşə malik olan Fəryad kəndlərindəki Cavad Həsənov
adına kənd tam orta məktəbini bitirib. Eyni zamanda 10 yaşında olanda Hüsülüdəki
Yeddiillik musiqi məktəbinin piano şöbəsində də təhsil almağa başlayıb. Musiqiyə olan
həvəsi onunla bir böyüyüb, püxtələşib. Güclü musiqi duyumu vardı…
Döyüş yoldaşları deyirlər ki, Fəryad adının tam əksi idi. Həmişə nikbin ruhlu, şən, deyib-
gülən gənc kimi ətrafındakıları ələ alar, fikir etməyə, darıxmağa qoymazdı.
O, 2018-ci ilin yanvarında ordu sıralarına yollanıb 2019-cu ilin ortalarına kimi
Naxçıvanda hərbi xidmətdə olub. Təlimlərdə döyüş bacarığı, sərrastlığı ilə komandir və
əsgər yoldaşlarının hörmətini qazanıb. Bir nümunəvi əsgər kimi başqalarına örnək olub.
Fəryad uşaqlıq illərinin böyük bir hissəsini ana nənəsi Ədibə xalagildə keçirib. Nənəsi
ona nəvə yox, oğul deyərmiş. Yaşının az olmasına baxmayaraq, nənəsinə hər işdə
yaxından kömək edər, onun qayğısını çəkərmiş. Nənəsi söhbət zamanı onu belə
xarakterizə etdi:

-Çox gözüaçıq, fərəsətli, sözəbaxan və qayğıkeş idi Fəryad. Həmişə adı kimi özü də
adamın fəryadına yetərdi.
Dərddən beli bükülmüş anası Məxluqə xanım oğlunu ürək yanğısı ilə xatırlayır:

-Onun yoxluğuna heç cür inana bilmirəm. Hər anı səksəkə ilə yaşayıram. Qulağım
həmişə səsdədir. Elə gözləyirəm ki, indicə gəlib pəncərəni döyəcək və deyəcək “Ana,
mən gəldim. Necəsən?”.
Fəryad orta məktəbi bitirəndən sonra bir müddət Bakıda işlədi. İşləyə-işləyə idmanın
qaydasız döyüş növü ilə məşğul olurdu. Uşaqlıqda zəif, cılız olan Fəryad böyümüş, enli
kürəkli, bərk biləkli bir oğlan olmuşdu. Onu çox danlayırdım. Məşqçləri deyirdilər ki,
Fəryad həmişə yaşda və təcrübədə özündən böyüklərlə vuruşmağa həvəs göstərir.
Danlayanda ki, bu idmanı at, xəsarət alarsan. İnciyirdi, deyirdi mən təkcə idman döyüşü
ilə məşğul olmuram, ana. Mən müharibədə, döyüş meydanında ermənilərlə savaşa
hazırlaşıram. Onun ürəyinə daman kimi də oldu. Müharibə başlananda Bakıdan zəng
edib, elə şən, şad əhval-ruhiyyə ilə danışdı ki, mən təəccüb qaldım. Ana, halallıq ver,
mən müharibəyə gedirəm. Erməniləri torpaqlarımızdan qovmamış geri
qayıtmayacağam. Dediyi kimi də oldu. Düşmən torpaqlarımızdan rədd olub getdi.
Fəryad da geri qayıtdı. Ancaq bir şəhid kimi…
Müharibədə gənc oğlunu itirmiş anaya təsəlli vrmək, bir işıq ucu tapmaq çox çətindir.
Bircə onu deyə bildim ki, Məxluqə ana, Ədibə nənə, Fəryad əsl qeyrətli kişi kimi addım
atdı. Vətənin fəryadına yetdi. O, doğma Vətən, gözəl torpaqlarımız uğrunda canını
qurban verib, şəhid oldu. Şəhidlər isə, əlbəttə ölmürlər!

Adil MİSİRLİ

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər