16.1 C
Aghjabadi
Çərşənbə axşamı, May 24, 2022

Muğanlının qəhrəman oğlu Elxan

O, hər zaman vətən uğrunda döyüşə hazırdır

         Əbəs yerə deməyiblər ki, torpaq su ilə qarışanda palçıq, qanla qarışanda vətən olur. Müharibədəki qalibiyyəti şəhidlərin, qazilərin canı və qanı bahasına əldə etmiş olduq. Həmişə öz yeraltı və yerüstü sərvəti ilə zəngin olan ölkəmiz əsrlərlə düşmən ölkələrin göz dikdiyi yer olmuşdur. Əsrlərlə baş verən münaqişələrdən ən dəhşətlisi isə XX əsrdə Azərbaycanın əzəli torpağı olan Qarabağa erməni faşistlərinin ərazi iddiası zamanı oldu. 1992-1994-cü illərdə Azərbaycanın mərd oğulları vətənin müdafiəsində əzmlə vuruşsalar da mənfur düşmənlərimiz havadarlarının köməkliyi ilə 20 faiz torpağımızı işğal etdilər. I Qarabağ müharibəsində savaşı uduzsaq da, bu məğlubiyyətin əvəzini Vətən Müharibəsində igid əsgərlərimiz artıqlamasıya çıxdılar.

Müasir Azərbaycan siyasi, iqtisadi gücü ilə təkcə Cənubi Qafqazda deyil, dünya ölkələri arasında öz layiqli yerini tutmuşdur. Cənab Prezident İlham Əliyevin bütün sahələrdə olduğu kimi, hərb sahəsinə də göstərdiyi diqqət və qayğının nəticəsi II Qarabağ Müharibəsində aydın göründü. Bu müharibədə isə qələbənin qazanılmasında Ağcabədinin igid oğullarının da payı vardır.

Belə qəhrəmanlarımızdan biri də Elxan Quliyevdir. Qazimiz Quliyev Elxan Xəqani oğlu 1994-cü il fevralın 21-də Ağcabədi rayonunun Muğanlı kəndində anadan olub. 2011-ci ildə Muğanlı kəndində yerləşən, şəhid Sərvan Quliyevin adını daşıyan orta məktəbi bitirmişdir.

O, 2012-ci ilin aprel ayında Naxçıvanın Culfa şəhərində yerləşən “N” saylı hərbi hissədə hərbi xidmətə başlamış,öz mehribançılığı və ünsiyyəti ilə komandir və əsgər yoldaşlarının hörmətini qazanmış, 2013-cü ilin oktyabr ayında ordudan tərxis olunmuşdur.

Vətən müharibəsi başlayandan sonra, rahatlıq tapmayan vətənin qeyrətli oğlu torpaqlarımızın işğaldan azad olunmasında iştirak etmək üçün  2020-ci il oktyabr ayının 3-də “N” saylı hərbi hissəyə yollanır, oradan Füzuli, Cəbrayıl, Qubadlı istiqamətində gedən döyüşlərə qatılır. Oktyabr ayının 21-də Qubadlı istiqamətində gedən döyüşlərdə yaralanaraq hərbi hospitalda müalicə olunur.

Müharibədə pulemyotçu kimi döyüşən qazi Elxan Quliyev Füzuli, Cəbrayıl, Qubadlı rayonunun alınmasında fəal işrirak etdiyinə görə ölkə başçısı tərəfindən “Vətən müharibəsi iştirakçısı”, ”Cəsur döyüşçü”, “Cəbrayılın azad olunmasına görə”, “Qubadlının azad olunmasına görə” medalları ilə təltif olunmuşdur. Hazırda səhhəti ilə bağlı heç yerdə işləməyən Elxan ev şəraitində müalicəsini davam etdirir. Qəhrəmanımız nəinki bu gün, hər zaman vətən uğrunda döyüşə hazır olduğunu söyləyir.

Hüseyn QULUZADƏ

Xəbər lenti

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

Şərhlər