23.3 C
Aghjabadi
Çərşənbə axşamı, May 24, 2022

Adının mənasını həqiqətə çevirən vətən oğlu

Vətən, torpaq haqqında yüksək emosiyalı sözlər deyib, ucadan danışmaq adama heç bir şey demir. Vətəni sevmək, vətənpərvər olmaq adamın, bu torpağın oğlunun gərək qanında ola. Vətənə hədsiz, sönməz məhəbbət içəridən, qəlbinin dərinliyindən, düşünən beynin ən yüksək nöqtəsindən gəlməlidir. Vətənə olan sevgini, məhəbbətini sözdə yox, əməlində, hərəkətində görünməlidir.

            Şöhrət Rəsul oğlu Orucov 1975- ci ildə iyunun 26-da Salmanbəyli kəndində anadan olub. Mənalı ad sahibi olan Şöhrətin doğum günü Silahlı Qüvvələrimizin yarandığı günlə üst-üstə düşür. Bu bəlkə də təsadüfdür. Amma onun keçdiyi həyat yoluna yaxından nəzər salanda, bir daha inanırsan ki, belə təsadüflər həqiqətən də zərurətdən doğulur.

            1982-ci ildə Salmanbəyli kənd tam orta məktəbinin birinci sinfinə daxil olan Şöhrət 1992-ci ildə bu məktəbi uğurla başa vurur. 1993-cü ildə S. Ağamalıoğlu adına Azərbaycan Dövlət Kənd Təsərrüfatı Akademiyasının (indiki Azərbaycan Dövlət Aqrar Universiteti) iqtisadiyyat fakultəsinə qəbul olur. 1998-ci ildə bu təhsil ocağını başa vurur. 1999-2001-ci illərdə ordu sıralarında zabit kimi xidmət edən Şöhrət motoatıcı taqım komandiri olur. Bir taqım komandiri kimi Şöhrət təkcə taqım üzvlərinin yox, bir çox  əsgər və zabitin dərin hörmət və şöhrətini qazanır. Şöhrətin taqımda qurduğu lazımi xidmət şəraiti, həm də döyüş postlarında təşkil etdiyi hərbi nizam-intizam mühiti təqdirəlayiq bir yenilik kimi çoxlarının ürəyincə olub. Gənc zabit taqımında olan əsgərlərə təkcə komandir yox, onların məsləhət yeri olaraq həmişə dayaqları olub. Bir böyük, zabit kimi əsgərlərin daim yanında olan Şöhrət bacarıq nümunəsi, idarəetmə səriştəsi, hərbi əməliyyatlarda yaxından iştirak etmək cəsarəti ilə əsgərlərinin həmişə yanında olub. Onların döyüşdə çətinlik çəkməmələri üçün təlimdə əlindən gələni edib.

            Xidmət zamanı nümunəvi xidmətinə görə dəfələrlə fəxri fərmanlarla təltif olunan Şöhrət Orucov haqqında “Azərbaycan Ordusu” qəzetində geniş məqalə çap olunur və onun haqqında Azərbaycan Televiziyası tərəfindən hərbi-vətənpərvərlik ruhunda veriliş çəkilir.

            2001-ci ildə ordudan tərxis olunan Şöhrət uzun müddət fərdi əməklə məşğul olur.

            2020-ci ilin sentyabrında ilk səfərbərlik zamanı, sentyabrın 21-də hərbçi vətənpərvər öz sözünü ön cəbhədə demək üçün ordu sıralarına qatılır. N saylı hərbi hissədə komandirin yavəri (adyütant) kimi xidmətə başlayır. 

             Vətən müharibəsinin yaxın iştirakçısı olan Şöhrət Füzuli, Hadrut istiqamətində gedən döyüşlərdə xüsusi bacarıq və hərbi hazırlıq nümayiş etdirir. Ötən il dekabrın 19-da Şöhrət Orucova baş leytenant rütbəsi verilir. Dekabrın 28-də ordu sıralarından tərxis olunur.

            Adının mənasını həyatda həqiqətə çevirən şöhrətin gələcək arzuları çoxdur. O, həmişə torpaqlarımızı, Qarabağımızı azad nəfəs alan görmək istəyir. Və bir də çalışır ki, gənclərimiz, gələcək nəsil əsl vətənpərvərlik ruhunda  böyüsünlər, vətəni, torpaqlarımızı ürəkdən sevərək bugünki nəslin layiqli davamçıları olsunlar. Vətənin tərəqqisi, daha da çiçəklənməsi üçün bir vətənpərvər vətəndaş kimi Şöhrət Rəsul oğlu Orucov əlindən gələnləri etmək niyyətindədir.

Adil MİSİRLİ

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər