Ağcabədidə ağac qətliamı törədənlər kimlərdir

            Azərbaycan dünyanın əsrarəngiz gözəlliyə malik zəngin təbiəti olan ölkələrindəndir. Bu gözəlliyi sevməklə bərabər, onu qorumaq da başlıca şərtdir. Odur ki, hər bir kəsin bu sahədə üzərinə mühüm vəzifə düşür. Ölkəmizdə təbiətin mühüm hissəsi olan yaşıllıqların salınması, inkişaf etdirilməsi və mühafizəsi hər bir dövrdə xüsusi əhəmiyyət daşıyır. Dövlətimiz tərəfindən bu sahə həmişə diqqət mərkəzində saxlanılır. Daha dəqiq desək, ölkə ərazisində yaşıllıqların salınması və qorunmasına daim diqqət və qayğı göstərilir. Görülmüş tədbirlər nəticəsində paytaxt Bakı şəhəri ilə yanaşı respublikanın bütün bölgələrində ağac əkilməsi, yaşıllıq zolaqların salınması istiqamətində ciddi addımlar atılır.

            Rayonumuzda da yaşıllıqların artırılmasına geniş start verilib. Bölgənin ayrı-ayrı ərazilərində əkilmiş yeni ağaclar, salınmış yaşıllıqlar göz oxşayır, ürək açır. Son vaxtlar şəhər mərkəzində, yol kənarlarında, küçə və meydanlarda əkilmiş ağaclar, yaşıllıq zolaqları bu baxımdan diqqət çəkir. Ağacların əkilməsində əməyi olanlar gördükləri işdən zövq alır, iftixar hissi keçirirlər.

            Lakin təəssüflər olsun ki,  yaşıllıqlara xor baxan, öz mənafeləri naminə ağacların məhvinə qol çəkən şəxslər də tapılır. Təəccüb doğuran haldır ki, günün-günorta çağı hamının gözləri qarşısında ağaclar kəsilir, qırılır. Necə deyərlər, onların qətliamı həyata keçirilir.

            Üzeyir Hacıbəyli adına prospektdə “İrşad” Elektroniks mağazasının yerləşdiyi binanın qarşısında adı “Qırmızı kitab”a düşən 30 ildən çox yaşı olan 5 ədəd Şərq çinarının, Nəriman Nərimanov küçəsində yerləşən avtoyuma məntəqəsinin önündəki yaşı 10 ildən çox 4 ədəd sərv ağacı, “Neptun” mağazasının qarşısındakı 10 ədəd çəkil və 1 ədəd sərv ağacının kəsilməsinə nə ad vermək olar?

            Əvvəla, hər bir əkilən ağac insan əməyinin, zəhmətinin nəticəsidir. İkincisi, ağacları məhv edənlər ekoloji tarazlığı pozur, əhaliyə ciddi ziyan vurur. Üçüncüsü isə yaşıllıqları məhv etmək, yerində müxtəlif obyektlər inşa etdirənlər ekoloji durumu korlamaqla yanaşı, insanlara sosial-mənəvi zərbə də vurmuş olurlar.

            Ulu öndər Heydər Əliyev həmişə belələrinə qarşı barışmaz mövqe nümayiş etdirirdi. O, deyərdi ki, ağac kəsənlər qolumu kəsmiş kimidir. Odur ki, sərvəti olan ağacların məhvinə səbəb olan, təbiətin nizamını pozan, onun qədrini bilməyənlər barədə ciddi ölçülər götürülməlidir.

Xəbər lenti

“Azəriqaz”: Gələn həftə bir şəhərdə və dörd rayonda sakinlərin müraciətləri dinləniləcək

Gələn həftə daha bir şəhərdə və üç rayonda “Azəriqaz” İB-nin “Açıq mikrofon” aksiyaları keçiriləcək.AZƏRTAC xəbər verir ki, aksiya fevralın 6-da saat 11:00-dan...

ANAMA: “Füzulidə ehtimal edilən kütləvi məzarlıqda minalar var”

“Füzuli rayonunun Aşağı Seyidəhmədli kəndinin ərazisindəki ehtimal edilən kütləvi məzarlıqda minalar var”. “Report”un əməkdaşı xəbər verir ki, bunu ANAMA...

“Qladiator 2” filminin premyera tarixi açıqlanıb

“Paramount” kinostudiyası baş rolu Rassel Krounun canlandırdığı məşhur "Qladiator" filminin növbəti bölümünün premyera tarixini açıqlayıb. AZƏRTAC kinonews.ru saytına istinadla...

Telekommunikasiya vasitələrinin qanunsuz dövriyyəsinə görə yeni cərimələr məlum olub

Telekommunikasiya vasitələrindən və qurğularından qanunsuz istifadə edilməsi və onların qanunsuz dövriyyəsinə görə yeni cərimələr müəyyənləşib. Bu, Prezident İlham Əliyevin...

Dövlət orqanlarının internet informasiya resurslarından istifadə üzrə ötən ilin statistikası açıqlanıb

Ötən il ərzində dövlət orqanlarının rəsmi internet resurslarına ən çox istifadəçi müraciətləri qeydə alınan domenlər məlum olub. Dövlət orqanlarının...

Fevralın 4-ü Ümumdünya Xərçənglə Mübarizə Günüdür

2005-ci ildən başlayaraq hər il fevralın 4-ü Beynəlxalq Xərçəng Əleyhinə İttifaq tərəfindən Ümumdünya Xərçənglə Mübarizə Günü kimi qeyd edilir.

12 ölkəni təmsil edən beynəlxalq səyahətçilər Qarabağa gəlib

Böyük Britaniyada yaradılmış və 12 ölkəni təmsil edən beynəlxalq səyahətçilər qrupunun Qarabağa və Şərqi Zəngəzura səfəri başlayıb. Səyyahlar artıq Azərbaycanın Xocavənd rayonundakı...

Fevral-mart aylarında üzüm bağlarında diqqət yetirilməli məqamlar

Soyuq aylarda, xüsusilə fevral-mart aylarında üzüm bağlarında torpağın müəyyən qatında yumşaltma işləri aparılır, səthi hamarlanır, sahə kvartal və qurşaqlara bölünərək, yeni üzümlüklər...

ÜST: Koronavirusun 600-dən çox alt növü var

Hazırda dünyada koronavirusun 600-dən çox alt növü, o cümlədən XBB.1.5 yayılmaqdadır. Xüsusən XBB.1.5 növünün daha geniş yayılacağı gözlənilir. AZƏRTAC...

Ekoloji cinayətə qarşı etirazlar 55 gündür davam edir

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və...

Şərhlər