17.6 C
Aghjabadi
Cümə, May 20, 2022

Dəftər küncündəki qeydlər

*      *      *

Yas məclisidir. Xala nəsihət verir:

Ağzıpütöy olmaz lazımdı. Nə gördün, gedif orda-burda danışmazdar. Gördün, görməməzdiyə vur, eşitdin, eşitməmiş ol. Dey ha,səhər elə aralığın başına çatmışdım ki, gördüm Gülnisəən  gədəsiynən Ziveydəəən qızı cuqquldaşır. İndi mən bunu gedif camaata danışmalıyam?

*       *      *

Saallah Banu nə addır? Uşaxlara müqəddəsdərin adın qoymax lazımdı. 3 qızım var, üçünün də adın dini ad qoymuşam: Zeynəb, Zəhra, Fatimə. Gör, nə gözəl addardı… On uşağım olsa, onuna da belə ad qoyajam.

Bir az keçir…Getməyə hazırlaşırlar. Əlini qulağının dibinə qoyub çığırır:

-Zenkaaa,  Zaraaa,  Fatoooooş, gəlin,eveeediriiiik!

*      *      *

Novruz bayramı ərəfəsidir.

Bir qohumgildəydik. Evin gəlini mənim kimi iş adamıdır,şirniyyatın çoxunu bişirtdirib, hazır alıb.Qayınanasının bacısı da bunlardadır.Alınma şirniyyatların keyfiyyətsizliyindən danışa-danışa, əlinə götürdüyü şirniyyatı bişirənlərin dədəsinin kəlləsinə  söyə-söyə, bu şirniyyatlara pul verənlərdə ağıl olmadığını söyləyə-söyləyə  masanın üstündəki sonuncu paxlavanı da çeynəmədən udub dərindən nəfəs aldı.

*      *      *

Az, o təzə donumu gətir görüm. Ihhh…hııııh… İtin qızı, kömeylə dana. Orasın yox, kürəyin dart aşağı… Həə, geyindim, di telfonu götür istolun üstün çək.

-Çəkdim

– Süfrədəkilər hamısı düşdümü?

-Hə

-Bəs mən nətər düşdüm?

-Ay maa, səni çəksəm istolun üstü pütöy düşmür.

-Az hamısın topala mən tərəfə, hə, bax belə…   İndi çək.

-Çəkdim.

-Hə, di qoy “vaççafda” istatusa,  Züyeyxaan ürəyi partdasın. Görməmişin qızı oorəli Kürün qırağında balıx kavavıynan şəkil çəkdirif qoyuf istatusa maaa qıjıx verirdi… Qoy indi baxsın, ölsün elə… Maa da Faxradın qızı Ürbabə deyəllər..

*      *      *

Xala nəfəs almadan bütün nəslinin- kökünün qeybətini qırır.Fikrimi ondan yayındırıb telefonda mətn hazırlayıram.Arada mənə söz atmağı da unutmur:

-A bala, o telefonla az oyna

-…

-Gör nətəər diriyifdi ey gözdərin

-…

– Yazıx qaynanaa gününə.Belə gəlini bir gün də saxlamaram.Azaaaaz, kor oleyssan.

-…

-Boooy, başaaa dönüm Allah.Az bəlkə ölürəm,bir cavaf ver dana.

-Ay xala, bir yazı var, onu hazırlayıb göndərməliyəm.Nəsə deyirdin?

– Telefonda nə yazı, azz?

-Xala, söz soruşurdun deyəsən…

-Hə, deerdim bilmirsən, Asifin inəyi doğdu?

*      *      *

İşlə bağlı bir yerdəyəm. Bayırda komendant təmizliyə baxan xalayla tutaşıb. Deyir təmizləmirsən dəhlizi.

-Təmizdiirəm ey. Gəlif – gedillər, bulaşır.

-Bulaşır, yenə sil

-Həəə?

-Hə

-İndi yenə keçəjəhlər axı

-A keçəjəhlər, yenə sil

– Boooy

-Nə boooy? Silməlisən dana. Səhərdən axşama qədər silməlisən.

-Bəs “pirrifddə” nağayrım?

– Komendantın papağı başından qalxıb göydə 3 dövrə vurur və yenidən yerinə qayıdır:

-A nağayrassan, get yeməyııı ye, gəl yenə sil.

-Heyləəə? Bəs silənnən sora yenə batırajaxlar axı…

Məhsəti Musa

Xəbər lenti

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

“Rəqəmsal icra hakimiyyəti”

“Rəqəmsal icra hakimiyyəti” portalı istifadəyə verilib. Portal vətəndaş qəbulu, xidmətlər, elektron iştirakçılıq və məlumatlandırma bölmələri olmaqla 4 istiqamətdə vətəndaşlara xidmət göstərir.

Mehrablıda səyyar qəbul

            Ağcabədi sakinlərinin təklif, müraciət və mövcud problemlərini yerindəcə öyrənib həllini sürətləndirmək məqsədi ilə Ağcabədi Rayon İcra Hakimiyyətinin baçısı Rafil Hüseynov növbəti...

Şərhlər