Paytaxtda və regionlarda dayanma-durma və parklanma qaydalarını pozan sürücülərə qarşı mübarizə tədbirləri davam etdirilir

Daxili İşlər Nazirliyinin tədbirlər planına uyğun olaraq, respublikanın ayrı-ayrı inzibati ərazi vahidlərində dayanma-durma və parklanma qaydalarını pozan sürücülərə qarşı mübarizə tədbirləri davam etdirilir.

Baş Dövlət Yol Polisi (DYP) İdarəsindən AZƏRTAC-a bildiriblər, sürücülər arasında maarifləndirmə və təbliğat işləri aparılmaqla yanaşı, qayda pozuntularına yol verən sürücülərə qarşı inzibati tənbeh tədbirləri də görülür.

Baş Dövlət Yol Polisi (DYP) İdarəsinin Yol Patrul Xidməti Alayı, habelə Gəncə, Ağdam, Ağdaş, Ağstafa, Ağsu, Ağcabədi, Qax, Qazax, Qəbələ, Quba, Daşkəsən, Zaqatala, Zərdab, İsmayıllı, Yardımlı, Kürdəmir, Göyçay, Göygöl, Goranboy, Neftçala, Lerik, Oğuz, Samux, Salyan, Siyəzən, Tərtər, Tovuz, Ucar, Hacıqabul, Yardımlı, Masallı, Mingəçevir, Xocalı, Cəlilabad, Şabran, Şamaxı, Şəmkir, Şirvan və Şəki şəhər rayon polis orqanlarının Dövlət Yol Polisi qurumları tərəfindən həyata keçirilən tədbirlər nəticəsində dayanma-durma və parklanma qaydalarını kobud şəkildə pozan sürücülər inzibati məsuliyyətə cəlb olunub.

DYP bir daha bildirib ki, yollarda avtomobil sıxlığının qarşısını alınması üçün dayanma-durma və parklanma qaydalarına riayət etmək vacibdir. Nəqliyyat vasitəsini ikinci cərgədə, səkilərdə, piyada keçidlərində və digər qadağan olunan yerlərdə park edən sürücü bilməlidir ki, o, bu hərəkəti ilə qayda pozuntusuna yol verməklə yanaşı digər hərəkət iştirakçılarının təhlükəsiz, rahat və fasiləsiz hərəkətinə mane olur.

ARAN-ı sosial şəbəkələrdə izləyin:

Şərhlər