Təsərrüfatlarda çiyid səpini səmərəli təşkil olunur

           Rayonun pambıqçılıq təsərrüfatlarında aprelin əvvəllərindən başlamış çiyid səpini kampaniyası uğurla davam etdirilir. Artıq bölgənin bütün ərazilərində səpin tədbirləri həyata keçirilir.

            Cari ilin əkin mövsümü ilə əlaqədar istehsalçılar bağlanılmış müvafiq müqavilələrə əsasən rayonun emal müəssisələri tərəfindən yüksək keyfiyyətli və məhsuldar pambıq sortları ilə təmin olunublar. Sahələrdə çiyid səpinini aparmaq üçün təsərrüfatlara traktor, səpin aqreqatları ayrılıb. Hazırda rayon üzrə nəzərdə tutulmuş 10 min 800 hektar əkin sahəsinin 4 min hektarında səpin işləri aparılıb.

            Çiyid səpini rayonun Mehrablı, Yeni Qaradolaq, Qaradolaq, Hüsülü, Hacıbədəlli, Kəbirli, Minaxorlu kəndlərində və Ağcabədi şəhər mərkəzində fəaliyyət göstərən təsərrüfatlarda daha yaxşı təşkil olunub.

Hüseyn QULUZADƏ

Şərhlər