2.7 C
Aghjabadi

Ağcabədi rayonunda İcma Resurs Mərkəzinin açılışı olmuşdur


Ailə, Qadın və Uşaq Problemləri üzrə Dövlət Komitəsi BMT-nin İnkişaf Proqramı ilə birlikdə “Azərbaycanın Füzuli, Ağcabədi və Tərtər (Bərdə və Ağdam əhatə edilməklə) rayonlarında əhalinin həssas qruplarının erkən bərpa və icma dayanıqlığının təmin edilməsi” layihəsini həyata keçirir.
22 aprel 2021-ci il tarixdə Ağcabədi rayon İcra Hakimiyyətinin başçısı Rafil Hüseynov, BMT-nin İnkişaf Proqramının (UNDP) Azərbaycan nümayəndəliyinin rəhbəri Aleksandr Frakasetti, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova və Komitə əməkdaşlarının iştirakı ilə Ağcabədi rayonunda İcma Resurs Mərkəzinin açılışı olmuşdur.
Öncə Ağcabədi rayon İcra Hakimiyyətinin konfrans zalında görüş keçirilmiş, layihə çərçivəsində görüləcək işlərlə bağlı fikir mübadiləsi aparılmışdır.
Daha sonra yeni yaradılan İcma Resurs Mərkəzinin açılışında iştirak edən qonaqlar mərkəzdəki şəraitlə tanış olmuşlar.
Bildirilmişdir ki, bu layihə nəinki qadınlara, müharibədən zərər çəkən hər kəs o cümlədən uşaqlara və əlilliyi olan şəxslərə də yardım göstərilməsini nəzərdə tutur. Layihə çərçivəsində müharibə zamanı zərər çəkmiş şəxslərə sosial-iqtisadi dəstək, o cümlədən qazanc imkanlarının artırılması, psixoloji və biznes məsləhətləri xidmətlərinin göstərilməsi təmin ediləcək.
Layihə erkən bərpa və icma dayanıqlığı proqramının bir hissəsi olaraq, müharibənin ciddi təsirinə məruz qalmış 3 rayonda – Füzuli, Ağcabədi və Tərtərdə “İcma Resurs Mərkəzləri” yaratmaqla ən həssas təbəqələrə xidmətlər göstərməyi hədəfləyir. İcma Resurs Mərkəzlərinin formatı BMT-nin İnkişaf Proqramı tərəfindən 2011-ci ildən bəri uğurla həyata keçirilmiş və hazırda 10 bölgədə qadınlar üçün məşğulluq və özünüməşğulluq dəstək xidmətləri ilə aktiv şəkildə fəaliyyət göstərən Qadın Resurs Mərkəzləri modelinə əsaslanır. Hər üç mərkəzin xidmətindən ətraf bölgələr, xüsusən də Bərdə, Ağdam rayonları da faydalana bilər. Mərkəzlər icmaların ən vacib ehtiyaclarının müəyyənləşdirilməsinə kömək edəcək, həmçinin qadınlar, uşaqlar və əlilliyi olan şəxslərə yaşayış, psixososial və məşğulluq üzrə məsləhət xidmətləri də daxil olmaqla sosial-iqtisadi bərpa dəstəyinin verilməsini təmin edəcəkdir.

Fotolar Mais İbrahimovundur

Xəbər lenti

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Şərhlər