Ağcabədidə əlilliyə görə pensiya alanların sayı artıb

Pensiyaçılar: Say nələri nişan verir?

İqtisadçı Rövşən Ağayev pensiyaçılarla bağlı statistikaya diqqət çəkib.

Ekspert yazır ki, 2011-2020-ci illərdə Azərbaycanda pensiyaçıların sayı 1,7% azalıb: “Amma bölgələr üzrə statistika çox fərqlidir. Abşeron rayonu üzrə 24%, Bakı şəhəri üzrə 11%, Naftalan şəhəri üzrə 7% artım qeydə alınıb, Qobustanda 19%, Ucarda 18%, Qusarda 16% azalma olub.

Pensiyaçıların sayındakı eniş yaşa görə pensiyaçıların sayında azalmadan doğur. 2011-2020-ci illərdə yaşa görə pensiyaçıların sayı ölkə üzrə 11% azalıb. Bakı üzrə 8%, Abşeron üzrə 7%-ə yaxın artım qeydə alınıb. Ağstafa, Tovuz, Gədəbəy, Daşkəsən, Qusar, Quba, Yevlax, Ağdaş və Zərdab kimi rayonlar üzrə 20-32% intervalında azalma olub.

2011-ci ilin əvvəlinə kişilərin pensiya yaşı 61 il 6 ay, qadınların pensiya yaşı 57 il 6 ay idi.

Əlilliyə görə pensiya alanların sayı 2011-2020-ci illərdə ölkə üzrə 18% artıb. Bu statistikada demək olar bütün bölgələr üzrə artım var. Ən çox artım Ağsu (66%), Saatlı və Abşeron (44%), Zərdab (43%), Şirvan (38%), Göygöl (34%), Yardımlı (31%), Ağcabədi və Beyləqanın (26%) payına düşüb. Ən az artım Salyan (1,8%), Naxçıvan Muxtar Respublikası (2,2%), Quba və Neftçala (4%), Göyçay, Ucar və Balakən (5%), Lerik, Lənkəran və Bərdə (6-7%) İsmayıllı və Qobustanda (9%) olub.

Ailə başçısını itirməyə görə pensiya alanların sayında ölkə üzrə artım 6%-dır. Lakin Abşeron rayonu üzrə 65%, Göygöl və Kürdəmir üzrə 40%, Salyan və Cəlilabad üzrə 20-24% intervalında artım, Goranboyda 65%, Ağsuda 40%, Ucarda 25%, Balakəndə 20% azalma rəsmiləşib.

2020-ci ilin nəticələrinə görə, ölkə əhalisinin 12,7%-i pensiya alıb. Bu göstərici Mingəçevirdə 17,2%, Bakı şəhəri üzrə 16,3%, Sumqayıt, Naftalan, Gədəbəy və Daşkəsəndə 15-16% intervalında, Gəncə və Qazaxda 14%-ə yaxın, Xızıda 8,8%, Qubada və Hacıqabulda 9-9,5% intervalındadır, digər bölgələr üzrə 10-13% aralığında dəyişir.

2011-ci ildə bütün pensiyaçıların 26%-i Bakının payına düşürdü. Hazırda pensiyaçıların 29%-dən bir qədər çoxu Bakıda qeydə alınıb”.

Novator.az bildirir ki, Dövlət Statistika Komitəsi 2010-cu ilin əvvəlinə pensiyaçıların sayını 1 milyon 308,4 min nəfər göstərib.

2011-ci ilin əvvəlinə pensiyaçıların sayı 1 milyon 292,2 min nəfərə, 2012-ci ilin əvvəlinə 1 milyon 277,6 min nəfərə, 2013-cü ilin əvvəlinə 1 milyon 272,1 min nəfərə düşüb.

2014-cü ilin əvvəlinə 1 milyon 277,1 min nəfər pensiyaçı qeydə alınıb.

2015-ci ilin əvvəlində 1 milyon 290,9 min nəfər, 2016-cı ilin əvvəlində 1 milyon 299,9 min nəfər, 2017-ci ilin əvvəlində 1 milyon 315,2 min nəfər, 2018-ci ilin əvvəlində 1 milyon 318,4 min nəfər pensiyaçı olub.

2019-cu ilin əvvəlinə pensiyaçıların sayı 1 milyon 295,5 min nəfərə, 2020-ci ilin əvvəlinə 1 milyon 270,6 min nəfərə, 2021-ci ilin əvvəlinə 1 milyon 228,8 min nəfərə enib.

2017-ci il iyulun 1-dək Azərbaycanda kişilər 63, qadınlar 60 yaşda pensiyaya çıxırdı. Həmin vaxtdan bəri yaş həddi artırılır. Hazırda kişilər 65, qadınlar 62 yaşda pensiyaya çıxır. 2027-ci il iyulun 1-dən qadınların da pensiya yaşı 65 olacaq.

“Azəriqaz”: Gələn həftə bir şəhərdə və dörd rayonda sakinlərin müraciətləri dinləniləcək

Gələn həftə daha bir şəhərdə və üç rayonda “Azəriqaz” İB-nin “Açıq mikrofon” aksiyaları keçiriləcək.AZƏRTAC xəbər verir ki, aksiya fevralın 6-da saat 11:00-dan...

ANAMA: “Füzulidə ehtimal edilən kütləvi məzarlıqda minalar var”

“Füzuli rayonunun Aşağı Seyidəhmədli kəndinin ərazisindəki ehtimal edilən kütləvi məzarlıqda minalar var”. “Report”un əməkdaşı xəbər verir ki, bunu ANAMA...

“Qladiator 2” filminin premyera tarixi açıqlanıb

“Paramount” kinostudiyası baş rolu Rassel Krounun canlandırdığı məşhur "Qladiator" filminin növbəti bölümünün premyera tarixini açıqlayıb. AZƏRTAC kinonews.ru saytına istinadla...

Telekommunikasiya vasitələrinin qanunsuz dövriyyəsinə görə yeni cərimələr məlum olub

Telekommunikasiya vasitələrindən və qurğularından qanunsuz istifadə edilməsi və onların qanunsuz dövriyyəsinə görə yeni cərimələr müəyyənləşib. Bu, Prezident İlham Əliyevin...

Dövlət orqanlarının internet informasiya resurslarından istifadə üzrə ötən ilin statistikası açıqlanıb

Ötən il ərzində dövlət orqanlarının rəsmi internet resurslarına ən çox istifadəçi müraciətləri qeydə alınan domenlər məlum olub. Dövlət orqanlarının...

Fevralın 4-ü Ümumdünya Xərçənglə Mübarizə Günüdür

2005-ci ildən başlayaraq hər il fevralın 4-ü Beynəlxalq Xərçəng Əleyhinə İttifaq tərəfindən Ümumdünya Xərçənglə Mübarizə Günü kimi qeyd edilir.

12 ölkəni təmsil edən beynəlxalq səyahətçilər Qarabağa gəlib

Böyük Britaniyada yaradılmış və 12 ölkəni təmsil edən beynəlxalq səyahətçilər qrupunun Qarabağa və Şərqi Zəngəzura səfəri başlayıb. Səyyahlar artıq Azərbaycanın Xocavənd rayonundakı...

Fevral-mart aylarında üzüm bağlarında diqqət yetirilməli məqamlar

Soyuq aylarda, xüsusilə fevral-mart aylarında üzüm bağlarında torpağın müəyyən qatında yumşaltma işləri aparılır, səthi hamarlanır, sahə kvartal və qurşaqlara bölünərək, yeni üzümlüklər...

ÜST: Koronavirusun 600-dən çox alt növü var

Hazırda dünyada koronavirusun 600-dən çox alt növü, o cümlədən XBB.1.5 yayılmaqdadır. Xüsusən XBB.1.5 növünün daha geniş yayılacağı gözlənilir. AZƏRTAC...

Ekoloji cinayətə qarşı etirazlar 55 gündür davam edir

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və...

Şərhlər