Prezident  İlham Əliyevin “Azərbaycan Respublikasında Sahibkarlar Günü” nün təsis edilməsi haqqında 2016-cı il 21 aprel tarixli sərəncamına əsasən, aprelin 25-i Azərbaycanda “Sahibkarlar Günü” kimi  qeyd edilir.

“Sahibkarlar Günü” münasibəti ilə rayonumuzun ictimai-sosial həyatında mühüm rola malik olan bir qrup yerli sahibkar – “Cahidoğlu” MMC-nin direktoru İlqar Yusifov, “P-Aqro” MMC-nin direktoru Süleyman Süleymanov, “Ağcabəditaxıl” MMC-nin direktoru Etibar Kərimov  və “Fidan” kiçik müəssisəsinin direktoru Elnur Əsədov Azərbaycan Respublikası Sahibkarlar Təşkilatları Milli Konfederasiyası tərəfindən “Fəxri Fərman” la təltif ediliblər.

            Ağcabədi Rayon İcra Hakimkiyyəti başçısının müavini,  Sosial- iqtisadi inkişafın təhlili və proqnozlaşdırılma şöbəsinin müdiri Xaliq Mirzəyev sahibkarlarla görüşmüş, onları təbrik edərək gələcək fəaliyyətlərində uğurlar arzulamışdır.