2.1 C
Aghjabadi

Kənd Təsərüffatı Naziri İnam Kərimov Bərdə və Ağcabədidə təsərrüfatlara baş çəkib

Bu il barama mövsümü üçün kümçülərə hibrid ipəkqurdu sənaye toxumlarının paylanması prosesi başa çatıb.

Kənd Təsərüffatı Nazirliyindən verilən məlumata görə, bu il 40 rayondan olan 6 minə yaxın kümçüyə əvəzsiz olaraq 14,7 min qutu ipəkqurdu toxumu (qrena) paylanıb.

Məlıumatda həmçinin bildirilir ki, ipəkqurdu toxumunun inkubasiya prosesi Qax Damazlıq İpəkçilik Stansiyası ilə yanaşı, ilk dəfə olaraq Bərdə, Ağsu, Füzuli və Zaqatala rayonlarında inşa edilmiş yeni baramaqurutma müəssisələrində də həyata keçirilib. Barama mövsümü ərəfəsində bütün kümxanalar dezinfeksiya edilib, kümçülər təlimlərə cəlb olunub.

Kənd Təsərüffatı Naziri İnam Kərimov Bərdə və Ağcabədidə təsərrüfatlara baş çəkib, fermerlərlə görüşüb.

Bərdə baramaqurutma müəssisəsində hibrid ipəkqurdu toxumlarının son partiyası kümçülərə paylanıb. Tədbirdə kənd təsərrüfatı naziri İnam Kərimov, rayon rəhbərliyi, 6 rayonun Dövlət Aqrar İnkişaf Mərkəzlərinin direktorları, Qax Damazlıq İpəkçilik Stansiyasının əməkdaşları və mütəxəssislər iştirak ediblər. Qeyd olunub ki, ölkədə baramaçılıq və ipəkçiliyin inkişafına dövlət dəstəyi kümçülərin bu sahəyə marağını ildən-ilə artırır. Kümçülərlə imzalanan müqaviləyə əsasən, istehsal olunmuş yaş barama “Azəripək” MMC tərəfindən 4 manata təhvil alınır, dövlət isə istehsal olunan hər kiloqram yaş baramaya görə kümçülərə 5 manat subsidiya ödəyir.

Tədbir iştirakçıları Bərdə rayonundakı kümxanalarda ipəkqurdunun bəslənmə şəraiti ilə də tanış olublar.

Daha sonra iştirakçılar Bərdədə faraş soğan yığımının vəziyyəti, yığımdan sonra sahələrdə təkrar qarğıdalı səpininin gedişi, pambıq sahələrində aparılan kultivasiya işləri maraqlanıblar. Sahələrdə fermerlərlə keçirilən görüşlərdə aqrar sahənin aktiv dövrünün başladığı qeyd olunub, kənd təsərrüfatına dövlət dəstəyinin genişləndirilməsi, yeni subsidiya mexanizmləri, toxumçuluğun inkişafı, təkrar əkinlərin aparılması və digər aktual məsələlər ətrafında fikir mübadiləsi aparılıb.

Ağcabədi rayonuna səfər zamanı Təzəkənd və Hüsülü kəndlərində “Vahid sahədə vahid əkin” prinsipi əsasında əkilmiş sahələrə baş çəkilib. Bildirilib ki, fermer əməkdaşlığının yeni modeli olan “Vahid sahədə vahid əkin” layihəsi torpaq və su ehtiyatlarından səmərəli istifadəyə imkan verən, növbəli əkin aparılmasını asanlaşdıran, fermerlərin gəlirlərini artıran bir modeldir. Bu pilot layihə ilk dəfə olaraq Ağcabədi və Bərdə rayonlarında həyata keçirilsə də, layihə digər rayonlarda da maraq doğurub. Ümumilikdə bu il 8 rayonda çoxlu sayda fermer vahid massivdə yerləşən kiçik pay torpaqlarını birləşdirərək vahid bitki əkməyə qərar veriblər. Bugünədək təxminən 1 000 hektara yaxın sahədə “Vahid sahədə vahid” əkin prinsipi ilə əkin aparılıb, payızlıq əkin dövründə bu sahələrin artacağı proqnozlaşdırılır.

Nazirliyin nümayəndələri Azərbaycanda yerli Qaradolaq qoyun cinsinin saxlandığı damazlıq təsərrüfatında olublar. Qaradolaq qoyunları hündürlüyünə, çəkisinin ağırlığına və ət veriminə görə digər yerli cinslərdən fərqlənir, bu səbəbdən fermerlər arasında bu cinsin saxlanıb artırılmasına maraq boyükdür. Fermerlər xalq seleksiyası yolu ilə alınmış Qaradolaq qoyunlarının damazlıq xüsusiyyətlərinin qorunub saxlanmasına və artırılmasına xüsusi diqqət yetirirlər.

Mənbə : Unikal.org

Xəbər lenti

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Şərhlər