15 C
Aghjabadi
Şənbə, May 21, 2022

Heydər Əliyev ideyaları qalib gəlir

         Müasir Azərbaycan Respublikasının qurucusu və xilaskarı olan Heydər Əliyev bütün şərəfli ömrünü ölkəmizin tərəqqisinə, xalqın firavan həyatına həsr etmiş, respublikamızın dünya arenasında layiqli yer tutmasına nail olmuşdur.

1991-ci ilin oktyabrında  Azərbaycan müstəqillik əldə etsə də, tarixi torpaqlarımıza göz dikən erməni qəsbkarlarının işğalçılıq niyyəti ölkədə vəziyyəti gərginləşdirmişdi. Azərbaycan vətəndaşları yeganə çıxış yolunu ulu öndərin hakimiyyət başına keçməsində görürdü. Belə çətin zamanda xalqın imdadına yetişən Heydər Əliyev 1993-cü il iyun ayının 15-də respublika Ali Sovetinin sədri seçildi. Həmin gün Azərbaycanın şanlı tarixinə “Milli Qurtuluş Günü” kimi daxil oldu. Bununla da, ölkədə davam edən gərginlik və qarşıdurma səngidi, Azərbaycanın müstəqilliyinə kölgə salan qüvvələr zərərsizləşdirildi.

1993 –cü il oktyabrın  5-də Heydər Əliyev  mütləq səs çoxluğu ilə respublika Prezidenti seçildi. Ulu öndər dağınıq, daxildən müxtəlif  qüvvələr tərəfindən idarə olunan Azərbaycan Respublikasında müasir demokratik, hüquqi və dünyəvi dövlət  yaratmaq uğrunda mübarizəyə başladı və buna nail oldu. Azərbaycan xalqı Heydər Əliyevin ətrafında sıx birləşdi. Ulu öndər ölkənin müstəqilliyini möhkəmləndirmək, ərazi bütövlüyünü və suverenliyini təmin etmək, əhalinin rifahını yaxşılaşdırmaq üçün siyasi, sosial-iqtisadi, mədəni sahədə genişmiqyaslı islahatlar həyata keçirdi.

Dahi lider xalqına bağlı,ən çətin anlarda öz xalqını dünya ictimaiyyəti qarşısında layiqincə təmsil etməyi bacaran böyük bir şəxsiyyət, Vətənini canından artıq sevən ən böyük azərbaycanlı idi.

Heydər Əliyev böyük layihələrin qurucusu idi. Dünya iqtisadiyyatına inteqrasiyanı qarşıya məqsəd qoyan ulu öndər 1994-cü il sentyabr ayının 20-də “Əsrin müqaviləsi” adlı böyük  müqavilənin imzalanmasına və xarici dövlətlərin Azərbaycana investisya qoymasına nail oldu. Bununla da, Azərbaycanda yeni neft strategiyasının əsası qoyuldu və Bakı-Tbilisi-Ceyhan əsas ixrac boru kəmərinin inşası reallığa çevrildi. Neft strategiyası Azərbaycanın beynəlxalq aləmdə mövqeyinin daha da möhkəmlənməsinə böyük təsir etdi. Azərbaycan Respublikasına aparıcı neft şirkətlərinin mənsub olduğu dövlətlərlə siyasi-iqtisadi və mədəni əməkdaşlığın genişlənməsinə imkan yaratdı.

XXI əsrin əvvəllərində xalqımızın ən böyük uğurlarından biri dünya azərbaycanlılarının təşkilatlanması, onların milli hüquqlarının və beynəlxalq haqlarının qorunması üçün çağrılan Dünya Azərbaycanlılarının I qurultayı oldu. 2001–ci ilin noyabr ayında dünyanın müxtəlif  ölkələrində yaşayan azərbaycanlılar doğma Bakıya gəldilər. Qurultayda xaricdə yaşayan azərbaycanlıların problem və qayğıları və onların həlli məsələsi öz əksini tapmışdı. Bu  böyük missiyanı ilk dəfə Heydər Əliyev həyata keçirdi və dünya azərbaycanlılarının təşkilatlanması üçün uğurlu işlər gördü. Artıq ənənə halını alan Dünya Azərbaycanlılarının qurultayı hər beş ildən bir çağrılır və bu iş Heydər Əliyev irsinin layiqli davamçısı İlham Əliyev tərəfindən  uğurla yerinə yetirilir.

Bütün mənalı ömrünü xalqın firavan həyatına, gənc nəslin təlim-tərbiyyəsinə yönəldən Heydər Əliyev elm və təhsilin inkişafına da böyük qayğı ilə yanaşırdı. O, müəllimlik peşəsini yüksək qiymətləndirirdi. Azərbaycan cəmiyyətində,təhsilində savadlı, dünyagörüşlü, yenilikçi, öz işinin peşəkarı olan müəllimlərin yetişməsi üçün geniş şərait yaradan ulu öndər qeyd edirdi ki, “Mən bütün varlığımla keçdiyim həyat yolunu məktəbə və müəllimə borcluyam. Müəllim cəmiyyətimizin ən hörmətli insanı kimi qəbul edilməlidir və müəllimlik peşəsi ən yüksək qiymətə layiq olan peşədir. Mən yer üzündə müəllimdən yüksək ad tanımıram”.

Hakimiyyətdə olduğu dövrdə müəllimlərin diqqət mərkəzində saxlanması, yeni məktəblərin tikilməsi məktəblərin təmir olunub istifadəyə verilməsi, elmi texniki bazasının təkmilləşdirilməsi Heydər Əliyevin təhsil siyasətinin ən əsas prinsipləri idi.

Bu gün müasir Azərbaycan ümummilli lider, dünya şöhrətli siyasi xadim Heydər Əliyevin siyasi, sosial-iqtisadi, mədəni və hərb sahəsində əldə etdiyi uğurlarından bəhrələnir. Biz dövlətimizin gündən-günə çiçəklənməsinin şahidi oluruq. Ulu Öndərin missiyasını onun layiqli varisi İlham Əliyev uğurla davam etdirir.

2020-ci il Azərbaycan xalqının yaddaşına əbədi həkk olundu.Həmin il Azərbaycanın əbədi, əzəli torpaqlarının bərpası, Qarabağa qayıdış ili oldu. Azərbaycan mədəniyyət beşiyi, Qarabağın incisi, “Xarıbülbülü” Şuşaya qələbə bayrağı sancıldı. Xalqımız qələbə sevincini yaşadı. Azərbaycan Respublikasının Prezidenti İlham Əliyev ulu öndər Heydər Əliyevin vəsiyyətini yerinə yetirərək, işğal altında olan torpaqlarımızı işğaldan azad etmişdir. Bizə bu qələbəni yaşadan rəşadətli Azərbaycan ordusuna və Ali Baş Komandan İlham Əliyevə dərin minnətdarlığımızı bildiririk. 

Fəridə Mustafayeva

Azərbaycan Gənc Müəllimlər

Assosiasiyasının üzvü,

ali dərəcəli tarix müəllimi

Xəbər lenti

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

ZƏFƏR QURULTAYI UĞURLU SİYASƏTİN NƏTİCƏSİDİR

https://www.youtube.com/watch?v=dqfE9owZVPk&t=71s

Kürdəmirdə baş verən avtoqəzada Ağcabədi sakinləri xəsarət alıb

Hadisə bu gün səhər Ağsu-Kürdəmir-İmişli avtomobil yolunun rayonun Atakişili kəndindən keçən hissəsində qeydə alınıb. Belə ki, “Mercedes” markalı minik avtomobilinin sürücüsü İmişli...

“Rəqəmsal icra hakimiyyəti”

“Rəqəmsal icra hakimiyyəti” portalı istifadəyə verilib. Portal vətəndaş qəbulu, xidmətlər, elektron iştirakçılıq və məlumatlandırma bölmələri olmaqla 4 istiqamətdə vətəndaşlara xidmət göstərir.

Şərhlər