20.4 C
Aghjabadi
Çərşənbə, May 25, 2022

Suqovuşan…

İllərdir doğma yurd-yuvasından didərgin düşmüş məcburi köçkünlər, yaxın zamanlarda öz doğma torpaqlarına qayıdacaqlar.

Yolumuz şanlı Azərbaycan Ordusu tərəfindən işğaldan azad edilmiş Tərtər rayonunun, Suqovuşan kəndinədir. Avtomobilimiz yeni inşa edilmiş Tərtər-Suqovuşan-Talış yolu ilə şütüyür. Düzənlikdən dağlara doğru irəlilədikcə, müxtəlif relyef formalarını seyr edə-edə azadlığa qovuşmuş Vətən torpağına tez çatmaq üçün səbirsizlənirik. Həm də erməni vəhşiliyi nəticəsində dağıdılaraq məhv edilən və hər cığırı, hər daşı adamda vahimə yaradan küçələri keçdikcə, fikirləşirik ki, kainatın bəzəyinin insan olduğunu əbəs yerə deməyiblər.

Nəhayət, dağlar qoynunda yerləşən Suqovuşan kəndinə çatırıq. Kənardan kənd görünüşünü saxlasa da, işğalda olduğu müddətdə Ermənistan ordusu tərəfindən tamamilə dağıdılaraq viran edilib.

Tərtərdə Suqovuşan su anbarına mənzərə

Suqovuşan Tərtər rayonunun Çaylı inzibati ərazi dairəsində yerləşən kənddir. Vətən müharibəsi zamanı Azərbaycan Silahlı Qüvvələri tərəfindən azad edilib. Bu kəndi başıbəlalı kənd də adlandırmaq olar. Çünki, ermənilər tərəfindən işğal edilən Suqovuşan ilk dəfə 1991-1992-ci illərdə azad edilib. Lakin 1994-cü ildə yenidən ermənilərin işğalına məruz qalıb. 3 oktyabr 2020-ci il tarixində isə Azərbaycan Silahlı Qüvvələri tərəfindən işğaldan azad edilib.

Tərtər şəhərindən suqovuşana yeni asfalt yol çəkilib. İndi hamar yol bu səfalı kəndə üz tutmaq istəyənlərin işini bir az da asanlaşdırır.

Suqovuşan kəndi həm siyasi, həm mənəvi, həm də iqtisadi baxımdan əhəmiyyətli bir ərazidir. Belə ki, kənd ərazisində su anbarı və ümumi gücü 7,8 meqavat olan “Suqovuşan-1” və “Suqovuşan-2” kiçik su elektrik stansiyaları var. 1976-cı ildə istismara verilən Suqovuşan su anbarı Tərtərçay və Turaqaçay çaylarından daxil olan suların hesabına formalaşır.

Suqovuşan su anbarı kəndin işğaldan azad edilməsindən sonra Tərtər və ətraf rayonların suvarma suyuna olan tələbatının ödəməkdə bilavasitə rol oynayır. Ümumi həcmi 5,86 milyon kubmetr olan su anbarından Tərtər, Goranboy, Yevlax, Bərdə, Ağdam və Ağcabədi rayonlarının ümumilikdə 96 min 217 hektar torpaq sahələrini suvarma suyu ilə təmin edir.

Tərtərdə Suqovuşan kəndinə mənzərə

28 il ərzində Suqovuşan su anbarının işğalda qalması səbəbindən torpaq sahələrinin su təminatında ciddi çətinliklər yaranmışdı. İndi isə hər şey fərqlidir. Artıq Suqovuşan su anbarından Tərtər çayına suyun buraxılması nəticəsində Tərtər, Goranboy, Bərdə və Yevlax rayonlarına suyun verilməsi təmin olunub. Ermənilərin ekoloji terroru səbəbindən 30 ilə yaxındır ki, susuz qalan torpaqlara yeni həyat gəlib.

İndi burada çatışmayan sadəcə sakinlərdir. Suqovuşan insan nəfəsini gözləyir.

Sputnik

Xəbər lenti

Bir səyyar görüş haqqında təəssüratlarım

28 Aprel 2022-ci il tarixdə Ağcabədi Rayon İcra Hakimiyyətinin başçısı Rafil Hüseynov Nəcəfqulubəyli kənd tam orta məktəbində səyyar qəbul keçirdi. Sözügedən kənd...

Ağcabədidə “Əbədi müstəqillik” adlı sərgi açılıb

Ağcabədi rayon Heydər Əliyev Mərkəzində 28 May – Müstəqillik Günü ilə əlaqədar olaraq “Əbədi müstəqillik” adlı sərgi açılıb. Sərgidə...

Bağçılıq təsərrüfatı genişləndirilir

         Son illər rayonumuzda bağçılıq təsərrüfatının inkişaf etdirilməsi istiqamətində mühüm addımlar atılır. Artıq ayrı-ayrı şəxslər, fermer təsərrüfatı rəhbərləri, mütəxəssislər özlərinə məxsus olan...

Ekoloji təfəkkürlə mədəniyyətin sosial sferada münasibətləri haqqında

Mədəniyyət problemi əsrlər boyu insanları düşündürmüşdür. Son iki əsrdə isə mədəniyyətlə yanaşı, daha çox diqqət çəkən məsələlərdən biri də ekoloji problemlərdir. Aydın...

Şəhidin doğum günü mərasimi

         Kəbirli kəndində Vətən müharibəsi şəhidi Təhmasib Qarayevin doğum günü qeyd olunub. Ağcabədi Rayon İcra Hakimiyyətinin başçısı Rafil Hüseynov,...

Təcrübə məşğələləri yaxşı səmərə verir

         Nəcəf Allahverdiyev adına Ağcabədi Peşə Məktəbi tədris işlərini müasir səviyyədə qurur, tələbələrin bilikli və hazırlıqlı mütəxəssis kimi yetişmələri istiqamətində lazımi tədbirlər...

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Şərhlər