AZƏRTAC-ın bölgə müxbiri xəbər verir ki, hadisə bu gün saat 14 radələrində Bakı-Qazax magistral yolunun rayonun Muğanlı kəndindən keçən hissəsində qeydə alınıb. Belə ki, iritutumlu “Mercedes” markalı avtomaşınla eyni markalı minik maşını toqquşub. Nəticədə Ağcabədi rayon sakinləri – 38 yaşlı İsmayılov Anar Nərman oğlu və 52 yaşlı Nəsirova Səbirə İsgəndər qızı müxtəlif növ bədən xəsarəti alaraq Kürdəmir Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
