14.6 C
Aghjabadi
Çərşənbə, May 25, 2022

Azərbaycan və Türkiyə arasında iqtisadi münasibətlər sürətlə inkişaf edir

            Azərbaycan və Türkiyə arasında iqtisadi münasibətlər tükənməz potensiala malikdir. Regionda yeni reallığın yaranması səbəbindən qardaş Türkiyə ilə əməkdaşlığın iqtisadiyyatın bütün sahələri üzrə, o cümlədən nəqliyyat və infrastruktur sahəsində də yeni perspektivləri meydana çıxır. Cari ilin 29 may tarixində Prezident İlham Əliyev Türkiyənin nəqliyyat və infrastruktur nazirinin başçılıq etdiyi nümayəndə heyətini qəbul etdiyi zaman bir daha əməkdaşlığın strateji əhəmiyyət kəsb etdiyini və iqtisadi sahələrin qarşılıqlı şəkildə əlaqələndirilməsinin vacib olduğunu bildirmişdir.

            Ölkələrimiz arasında olan isti və sıx münasibət hər iki tərəfin iqtisadiyyatının daha da güclənməsinə təkan verir. Bununla bağlı Ağcabədi rayon sakinlərinin də fikirlərini öyrənmək istədik. Şahsevən Təzəkənd kənd sakini Eldəniz Qədirov söhbət zamanı bildirdi ki, Azərbaycan və Türkiyə qədim tarixə malik olduqları kimi, əlaqələrimiz və münasibətlərimiz də çox qədim zamanlardan başlayır. Hər iki xalq Oğuz övladı olduğundan bizi bir-birimizə qırılmaz tellər bağlayır. Və biz nə qədər yaxın olsaq, bir o qədər də güclü oluruq. Əbəs yerə demirlər ki, güc birlikdədir. Bu birlik dəmir yumruq kimi həmişə düşmənlərimizi qorxudacaq, lərzəyə salacaqdır. Əlbəttə ki, yaxın münasibətlərimiz hər sahədə olduğu kimi, iqtisadi əlaqələrdə də əyani şəkildə davam edəcəkdir. Hər iki ölkənin iqtisadiyyatı güclənəcək. Əhalinin yaşayış tərzi, firavan həyatı hamını sevindirəcəkdir. Qoy həmişə Allah türkə yar olsun.

            Daha bir həmsöhbətimiz – Ağcabədi şəhər sakini Ramil Məmmədov ixtisasca iqtisadiyyatçıdır. O, öz fikrini bizimlə bölüşərkən qeyd etdi ki, belə ifadə etdi. Ulu öndər Heydər Əliyev olduqca dərin məna daşıyan və hər iki xalqın bir yerdə inkişafından xəbər verən müdrik sözlər söyləmişdir. Ümummilli lider demişdir ki, “Biz bir millət, iki dövlətik”. Bu fikirdə hər şey var. Ayrılmaz birlik, güc, qardaşlıq və qırılmaz, tellərlə bir-birinə bağlılıq. Bu birlik nəticəsində biz 2020-ci ildə 44 gün sürən Vətən müharibəsində düşmənə qalib gəldik. Bütün dünya bizim necə yaxın və doğma olduğumuzun bir daha şahidi oldu. Bu da onları həmişə qıcıqlandırır. Amma biz o qədər yaxınıq ki, bir kimsə aramıza heç zaman girə bilməz. İndi müharibədən sonra Türkiyə qardaş ölkə olaraq həmişəki kimi yenə yanımızdadır. Bu da birlikdə çətin sınaqdan şərəflə çıxmağımıza kömək edəcəkdir. Biz birlikdə şəhərlər salacaq, yollar çəkəcək, hərtərəfli yaxın əlaqələrə sahib olacağıq. Zəngəzurun Naxçıvana birləşməsi, bizim Türkiyə ilə birləşməyimiz deməkdir. Bu, hər iki  ölkənin iqtisadiyyatında möhtəşəm irəliləyişlər edəcəkdir. Hər iki ölkənin milli iqtisadiyyatı önəmli inkişaf mərhələsindən keçəcək. İqtisadiyyatın inkişafı da, sözsüz bütün sahələrdə öz müsbət təsirini göstərəcəkdir. Türkiyə ilə əməkdaşlığımız nə qədər sıx və davamlı olsa, iqtisadiyyatımız da bir o qədər güclü inkişaf edər.

            Ağır müharibədən şərəflə qalib çıxan Azərbaycan gündən-günə çox böyük addımlarla irəliyə, inkişafa doğru addımlayır. Sözsüz, qonşu, qardaş Türkiyə ilə həmişə bir yerdə olmağımız inkişafın daha yeni səhifəsini açaraq, iqtisadiyyatımızın sürətlə irəliləməsinə təkan verəcəkdir.

“Aran”

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər