5.6 C
Aghjabadi

“Ermənistanın bu cinayəti üç ailənin azyaşlı uşaqlarını atasız qoydu”

Ailə, Qadın və Uşaq Problemləri üzrə Dövlət Komitəsi Kəlbəcər rayonunda xidməti vəzifələrini yerinə yetirərkən minaya düşərək həlak olan mülki şəxslərlə bağlı bəyanat yayıb.

Bu barədə “Qafqazinfo”ya Dövlət Komitəsinin mətbuat xidmətindən məlumat verilib.

Bəyanatda deyilir: “Aqressiya Qurbanı olan Günahsız Uşaqlar Gününün qeyd olunduğu iyunun 4-də azərbaycanlı uşaqlar növbəti dəfə erməni terrorundan zərər çəkdilər. 2020-ci il noyabrın 10-da üçtərəfli Bəyanatın imzalanması ilə İkinci Qarabağ müharibəsinin bitməsinə baxmayaraq, Ermənistanın Azərbaycana qarşı təxribatçı əməlləri davam edir.

İşğaldan azad olunmuş torpaqlarımızda çəkiliş aparan Azərbaycan Televiziyasının və Azərbaycan Dövlət İnformasiya Agentliyinin əməkdaşlarının, həmçinin bir dövlət qurumu nümayəndəsinin iyunun 4-də Kəlbəcər rayonunun Susuzluq kəndi ərazisində minaya düşərək həyatlarını itirməsi, nəqliyyat vasitəsində olan digər dörd nəfərin isə ağır xəsarətlər alması ilə nəticələnən növbəti cinayət hadisəsi baş verib.

Nəticədə daha üç ailənin azyaşlı uşaqları atasız qalıb, ata nəvazişindən və qayğısından məhrum olub.

Ermənistan Silahlı Qüvvələri tərəfindən davam edən amansız və aqressiv davranışlar 44 günlük Vətən müharibəsi dövründə özünü daha qabarıq büruzə verdi. Bütün dünya Azərbaycanın münaqişə zonasından kənarda yerləşən Naftalan, Ağcabədi, Gəncə və Bərdə şəhər və rayonlarında mülki əhaliyə qarşı ermənilərin terror hücumlarının yaxından şahidi oldu. Bu terror hadisələri nəticəsində 12 uşağın həyatını itirməsi, 50 azyaşlının isə xəsarət alması işğalçı Ermənistan Silahlı Qüvvələrinin əsl simasını bir daha ortaya qoydu.

Otuz ilə yaxın müddətdə Ermənistan silahlı qüvvələrinin Azərbaycanın mülki əhalisinə, xüsusilə də uşaqlara qarşı amansız və aqressiv davranışlarının bu günədək davam etməsi, insanların həyat və sağlamlıqlarının ciddi təhlükə altında qalması ümumilikdə insan hüquqlarına ziddir.

Azərbaycan dövləti və xalqı barbarlığın, insan və bəşəriyyət əleyhinə düşmənçiliyin ən pis və eybəcər üzü olan Ermənistan və onun faşist xisləti ilə daha nə qədər üz-üzə qalmalı, daha nə qədər soydaşımız öz torpağında bu qəddar düşmənçiliyin qurbanı olmalı, daha nə qədər körpə, azyaşlı və yeniyetmənin ömrü yarıda qalmalı, gələcəyi məhv olmalı, arzu və xəyalları puç olmalıdır ki, cavabdeh beynəlxalq qurumlar buna laqeyd qalmasınlar və lazımi münasibət bildirsinlər?

Axı uşaqları müharibə və hərbi cinayətlərin təsirlərindən qorumaq, onların yaşamaq hüququnu təmin etmək hər birimizin borcudur. Hər bir uşağın sülh şəraitində, zorakılıqdan uzaq, xoşbəxt ailə mühitində, valideynləri ilə birgə yaşamaq hüququ vardır.

Odur ki, bütün aidiyyəti beynəlxalq təşkilatları və bütövlükdə dünya birliyini BMT-nin Uşaq Hüquqları Konvensiyasını, eləcə də Cenevrə Konvensiyalarını kobud şəkildə pozaraq, insan həyatına qəsd etməkdə davam edən erməni hərbi siyasi hakimiyyətini sərt şəkildə qınamağa, işğaldan azad olunmuş ərazilərdə basdırılmış minaların xəritələrinin Azərbaycana verilməsi üçün təcili və təxirəsalınmaz tədbirlər görməyə çağırırıq”.

Xəbər lenti

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Ağcabədidə sürətli şahmat üzrə rayon turniri keçirilmişdir

    30 noyabr 2022-ci il tarixdə Ağcabədi Rayon Gənclər və İdman İdarəsinin və Uşaq Gənclər İdman Şahmat Məktəbinin birgə təşkilatçılığı ilə uşaq...

Azərbaycanın uğurlu inkişafının memarı Ulu Öndər Heydər Əliyev olmuşdur

    Ümummilli Lider Heydər Əliyevin Azərbaycan tarixində rolu, həlledici olmaqla bərabər, çoxcəhətli və çoxşaxəli xarakteri ilə xüsusi əhəmiyyətə malikdir. Ölkəyə rəhbərlik etdiyi...

295 min ton təhvil verilib

Bugünədək fermerlər tərəfindən kondisiya çəkidə 295645 ton pambıq yığılaraq tədarük məntəqələrinə təhvil verilib. Kənd Təsərrüfatı Nazirliyinin yaydığı məlumata görə,...

Bakıda “Gender bərabərliyi və idarəetmə” mövzusunda təlimlərə start verilib

Noyabrın 28-də Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı və Avropa İttifaqının dəstəyi ilə "Gender bərabərliyi və idarəetmə” mövzusunda...

Regional sabitlik və potensial əməkdaşlıq təmin olunacaq

Noyabrın 25-də Bakıda, ADA Universitetində “Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfrans keçirilib. Prezident İlham Əliyev konfransda iştirak edib.

“Baş məşqçinin məni niyə əvəzedici heyətə göndərdiyini bilmədim” – MÜSAHİBƏ

"Aranqezet.az" saytı vaxtilə Bakının "Neftçi" klubunda top qovan və Azərbaycan futbol tarixinə yeganə avstraliyalı futbolçu kimi düşən Con Tamburasın müsahibəsini təqdim edir.

Pambıq yığımı davam edir

     Rayonumuzda ənənəvi təsərrüfat sahəsi olan pambıqçılıq ölkə rəhbərinin diqqət və qayğısı sayəsində öz əvvəlki şöhrətinə qayıdır.Bu isə təsərrüfat rəhbərlərində böyük ruh...

Şərhlər