5.7 C
Aghjabadi

Milli Qurtuluş Gününü qalib ölkənin qalib vətəndaşları kimi qeyd edirik

İsmayıllı Regional Mədəniyyət İdarəsinin tabeliyindəki Şamaxı rayon Heydər Əliyev Mərkəzinin və Ağdaş Regional Mədəniyyət İdarəsinin tabeliyindəki Zərdab rayon Heydər Əliyev Mərkəzinin birgə təşkilatçılığı ilə 15 İyun – Milli Qurtuluş Gününə həsr olunan “Qurtuluş mübarizəsinin qalibi Heydər Əliyev: dahi siyasətçi və müasir Azərbaycanın qurucusu” mövzusunda videokonfrans keçirilib.

Videokonfransda Milli Məclisin deputatları Jalə Əliyeva və Tamam Cəfərova, İsmayıllı Regional Mədəniyyət İdarəsinin məsləhətçisi Rəhim Bağırlı, ADPU-nin Şamaxı filialının direktor müavinləri Şahsəddin Mikayılov və Qahirə Şahbazova, YAP Zərdab rayon təşkilatının aparat rəhbəri Səbuhi Kərimov, Zərdab rayon Həsən bəy Zərdabi Muzeyinin direktoru Vəfa Bayramova, Zaqatala, Ağcabədi, Sabirabad, Lerik, Xaçmaz, Xızı, Şirvan, Ağstafa, Qəbələ, Neftçala, Ucar, Hacıqabul, Zərdab, Şamaxı rayonlarında fəaliyyət göstərən Heydər Əliyev mərkəzlərinin direktor və əməkdaşları iştirak ediblər.

AZƏRTAC-ın bölgə müxbiri xəbər verir ki, videokonfransı açan Zərdab rayon Heydər Əliyev Mərkəzinin direktoru Könül Rəhimova iştirakçıları 15 İyun – Milli Qurtuluş Günü münasibətilə təbrik edib, bu günü xalqın tarixinə yazan ümummilli liderin dövlət müstəqilliyimizin qorunub saxlanmasında misilsiz xidmətlərindən danışıb. Qeyd edib ki, 28 il bundan öncə xalqın tələbi ilə Ulu Öndərin ikinci dəfə hakimiyyətə qayıdışı Azərbaycan dövlətçiliyini yox olmaq təhlükəsindən qurtarıb. Milli Məclisin 1993-cü il iyunun 15-də keçirilən iclasındakı çıxışında ulu öndər Heydər Əliyev Azərbaycan dövlətçiliyinin inkişaf strategiyasını elan edib. İkinci dəfə hakimiyyətə qayıdan Heydər Əliyev həmin gün Ali Sovetin sədri seçilib. O, milli Azərbaycan dövlətçiliyi konsepsiyasını yaradıb. Bütün maneələrə baxmayaraq, ən qısa müddətdə ölkədə ictimai-siyasi sabitlik bərpa olunub. Bununla da uzun illər davam edən gərginlik və qarşıdurma aradan qaldırılıb, ölkə vətəndaş müharibəsi və parçalanma təhlükəsindən xilas olub. Ümummilli Liderin şəxsiyyəti, onun özünəməxsus siyasi idarəetmə qabiliyyəti, qətiyyəti siyasi böhrana son qoydu və Azərbaycanın dünya birliyinə inteqrasiyası başlandı. Dahi lider Heydər Əliyevin əsasını qoyduğu müdrik və uzaqgörən siyasət nəticəsində bu gün Azərbaycanın regionda müstəqil, güclü dövlətə çevrildiyini söyləyən K.Rəhimova Prezident İlham Əliyevin Ulu Öndərin siyasətinin uğurlu davamçısı olduğunu vurğulayıb.

Şamaxı rayon Heydər Əliyev Mərkəzinin direktoru Könül Eyvazova Milli Qurtuluş Gününün müasir Azərbaycan tarixinin dönüş nöqtəsi olduğunu deyib. Bildirib ki, Azərbaycanın müasir tarixini Milli Qurtuluş Günündən və bu günə səbəb olan ümummilli liderimiz Heydər Əliyevin qayıdışından ayrı təsəvvür etmək mümkün deyil. Şübhəsiz ki, ulu öndər Heydər Əliyevin qayıdışı olmasaydı, tamam fərqli bir Azərbaycanda yaşamağa məhkum olardıq. 1990-cı illərin əvvəlində Azərbaycan dərin siyasi, sosial-iqtisadi böhran keçirirdi, ölkədə xaos, anarxiya baş alıb gedirdi, Azərbaycan məhv olmaq təhlükəsi ilə üz-üzə qalmışdı. Belə bir şəraitdə xalqımız nicat yolunu Ulu Öndərin hakimiyyətə qayıtmasında görürdü. İndi Milli Qurtuluş Günü xalqımız tərəfindən müasir tariximizin ən önəmli hadisəsi kimi qeyd edilir, dəyərləndirilir.

Videokonfransda çıxış edən Milli Məclisin deputatı Tamam Cəfərova 90-cı illərin əvvəllərinə tarixi ekskursiya edərək Azərbaycanda Ulu Öndərin hakimiyyətə gətirilməsini zəruri edən hadisələrdən danışıb. Qeyd edib ki, müstəqilliyini yenicə bərpa edən Azərbaycanda baş verən vətəndaş müharibəsi, ağır sosial-iqtisadi vəziyyət ölkədə gərgin durumun yaranmasına gətirib çıxarmışdı. Belə bir vəziyyətdə xalq problemlərdən çıxış yolunu Heydər Əliyevdə gördü. Baxmayaraq ki, Azərbaycanda müəyyən qüvvələr Heydər Əliyevin hakimiyyətə gəlməsini istəmirdi, xalqın təkidli tələbi həmin qüvvələri bununla razılaşmağa vadar etdi. Azərbaycan xalqı dərin ictimai-siyasi və iqtisadi böhrandan zəngin idarəçilik təcrübəsinə malik, nüfuzlu dövlət xadimi Heydər Əliyevin yorulmaz fəaliyyəti, müdrik və uzaqgörən siyasəti nəticəsində xilas oldu.

Milli Məclisin deputatı, professor Jalə Əliyeva çıxışında bildirib ki, Azərbaycan xalqının çağırışı ilə məhz ümummilli lider Heydər Əliyevin 1993-cü ildə yenidən hakimiyyətə qayıdışı ölkəmizə sabitlik və təhlükəsizlik, eləcə də cəmiyyətimizə rifah gətirib. J.Əliyeva daha sonra Heydər Əliyevin xarici ölkələrə səfərləri zamanı təbliğ etdiyi Azərbaycançılıq ideologiyasından, göstərdiyi Vətən sevgisindən danışıb. O, çıxışının sonunda 15 İyun – Milli Qurtuluş Günü münasibəti ilə təbriklərini çatdırıb və hər bir Azərbaycan vətəndaşını ölkəmizin inkişafı və uğurlu sabahı üçün daim əzmlə çalışmağa çağırıb.

Videokonfransda İsmayıllı Regional Mədəniyyət İdarəsinin məsləhətçisi Rəhim Bağırlı çıxış edərək, müstəqil Azərbaycanın qurucusu olan ümummilli lider Heydər Əliyevin müstəsna xidmətlərindən, ölkəmizdə elmin və mədəniyyətin inkişafına və mədəniyyət xadimlərinin sosial rifahına göstərdiyi diqqət və qayğıdan danışıb.

ADPU-nun direktor müavini, fəlsəfə üzrə fəlsəfə doktoru Şahsəddin Mikayılov builki 15 İyun – Milli Qurtuluş Gününü qalib ölkənin qalib vətəndaşları olaraq qeyd etdiyimizi söyləyib. O, əminliklə bildirib ki, növbəti illərdə də bu bayram ölkəmizin daha böyük uğurları ilə qeyd olunacaq.

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər