“Aran” qəzeti şanlı tariximizin yazılmasında payı olan müəllimlərimizlə bağlı rubrikanı davam etdirir. Bu dəfə həmyerlimiz Seyhun müəllim haqqında danışmaq istərdik.

Seyhun Qasım oğlu Qasımov 17 sentyabr 1972-ci ildə Ağcabədi rayonunun Hindarx qəsəbəsində anadan olub. 1987-ci ildə Bakıda 1saylı Fizika- Riyaziyyat Təmayüllü liseydə təhsil alıb. Liseyi bitirdikdən sonra o, 1989- cu ildə Azərbaycan Texniki Universitetinə qəbul olub, 1994-cü ildə ali təhsilini başa vurub.

1998-2000-ci illərdə həqiqi hərbi xidmətini zabit kimi başa vuran qəhrəmanımız 2002-ci ildən Hindarx qəsəbə 1 saylı tam orta məktəbində işləyir.

Vətən müharibəsi başlayandan sonra Seyhun müəllim 29 sentyabr 2020-ci il tarixdən Milli ordu sıralarında döyüşüb. Müdafiə Nazirliyinin əmri ilə “N” saylı Hərbi hissədə tağım komandiri olan gənc zabit Qubadlı istiqamətində gedən döyüşlərdə mərdliklə iştirak edib.

S. Qasımov 29 dekabr 2020-ci il tarixdən mülki həyata qayıdıb. Hazırda Hindarx qəsəbə 1 saylı tam orta məktəbində fəaliyyətini davam etdirir. Əlbəttə, döyüşçü müəllim kimi onun şagirdlərinə deyiləcək daha çox sözü var. Axı zəfərimizin qazanılmasında onun da öz xidməti olub.