3.1 C
Aghjabadi

Uğurlar olsun, Xaliq!

Tarixi şanlı səhifələrlə dolu Vətənim! Uğrunda canını, xəyallarını, arzularını düşünmədən fəda edən qəhrəman qardaşlarım! Brinci Qarabağ müharibəsi zamanı yarımçıq qalan işlərin nöqtəsini qoymaq üçün 27 sentyabr 2020 –ci ildə şanlı Qələbəmizin addımlarını atdınız…

İstər 1988-1992-ci illərdə, istərsə də, 2020-ci ildə Vətənimizin bölgələrindən əli silah tutan hər kəs cəbhəyə yollandı. Hətta çoxları Səfərbərlik və Hərbi Çağırış üzrə Dövlət Xidməti məntəqələrinin qarşısında cəbhəyə getmək üçün günlərlə növbə gözləməli oldular. Belə oğullardan biri də 1993-cü ildə Hindarxda anadan olan Rəhimov Xaliq Nəriman oğludur. Xaliq 1999-cu ildə Xanoğlan Həsənov adına Hindarx 2 saylı tam orta məktəbinin 1-ci sinfinə daxil olub. 2010-cu ildə Etibar İsmayılov adına tam orta məktəbi bitirib. O, 2011-ci ildə Azərbaycan Dillər Universitetinin regionşünaslıq və beynəlxalq münasibətlər fakültəsinə qəbul olub, 2015-ci ildə ali təhsilini başa vurub. Universiteti bitirən gənc mütəxəsis 2015-ci ilin iyulundan 2016-cı ilin iyuluna qədər Gəncədə “N” saylı hərbi hissədə xidmət edib. 2016-cı ildən müxtəlif xidmət sahələrində çalışıb. General Polad Həşimovun şəhid olmasından sonra qorxmaz gənc könüllü olaraq, orduya getmək qərarına gəlib. Qəhrəman döyüşçü sentyabrın 21-dən hərbi hissəyə çağrılıb, 27 sentyabrdan isə cəbhəyə yollanıb.

Xaliq motoatıcı taborunda manqa komandiri olub. Müharibənin ilk günündən üz və alın nahiyəsindən çoxsaylı qəlpə yarası alıb. Bakıda az bir müddət müalicə olunduqdan sonra, oktyabrın 10-da yenidən döyüş meydanına qayıdıb. İgidimiz “Füzulinin azad olunmasına görə” və “ Qubadlının azad olunmasına görə” medalları ilə təltif olunub. O, Şuşanın alınması əməliyyatında da iştirak edib.

Xaliq kimi igidlərlə söhbət apararkən qürurlandım. Fəxr etdim ki, qəhrəmanlar ölkəsinin vətəndaşıyam.

Yeri gəlmişkən qeyd edim ki, Xaliq 30 mart 2021-ci il tarixdən İmamqulubəyli kənd ərazi dairəsi üzrə icra nümayəndəsinin müavini vəzifəsinə təyin olunub. Uğurlar, eloğlu!

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər