Milli Qurtuluş Günündə imzalanan “Şuşa Bəyannaməsi”

                     

15 iyun Azərbaycan tarixində özünə xüsusi yer tutmuş gündür. 1993-cü ilin 15 iyununda xalqımızın ölməkdə olan ümidinin közərməsinə, sabaha inamla addımlamasına, parçalanmaqdan,məhv olmaqdan xilas olmasına səbəb olacaq  yeni bir səhifə yazıldı. Bu gün, bu tarix sonralar milli bayram gününə çevriləcəkdi. 2021-ci ilin 15 iyunu isə həmin günün əhvalına daha bir sevinc bəxş etdi

Sözügedən tarixdə – Milli Qurtuluş Günündə Türkiyə Respublikasının prezidenti Rəcəb Tayyib Ərdoğan 44 günlük müharibə zamanı  Ermənistanın işğalından azad olunmuş Şuşa şəhərinə tarixi səfər etdi və səfər çərçivəsində Qarabağımızın baş tacı olan  Şuşada  Azərbaycan və Türkiyə arasında “Şuşa Bəyannaməsi” adlı tarixi sənəd imzalandı.

 Bəyənnamənin əhəmiyyəti ilə bağlı mətbuata bəyanatında Türkiyə Prezidenti R. T. Ərdoğan qeyd edib  ki,  “Türkiyə ilə Azərbaycan arasındakı bu bəyannamə bir sıra məsələləri əhatə edir. Gələcəklə bağlı addımları atarkən, artıq təkcə iki ölkəni deyil, bölgəni əhatə edən bir qətiyyətin bu sənəddə ifadə olunduğunu görürük”.

Bəli, bu qətiyyətin və birliyin təcəssümünü elə bəyannamənin mətni ilə tanış olarkən aydın görmək mümkündür:

“Tərəflərdən hər hansı birinin müstəqilliyinə, suverenliyinə, ərazi bütövlüyünə, beynəlxalq səviyyədə tanınmış sərhədlərinin toxunulmazlığına və ya təhlükəsizliyinə qarşı üçüncü dövlət və ya dövlətlər tərəfindən təhdid və ya təcavüz edildiyi təqdirdə, birgə məsləhətləşmələr aparılması, bu təhdid və ya təcavüzün aradan qaldırılması məqsədilə BMT Nizamnaməsinin məqsəd və prinsiplərinə müvafiq təşəbbüs həyata keçirilməsi, BMT Nizamnaməsinə uyğun olaraq bir-birinə lazımi yardım göstərməsi, Silahlı Qüvvələrin güc və idarəetmə strukturlarının əlaqələndirilmiş fəaliyyətinin təşkili nəzərdə tutulur”.

Hələ səfərin tam görüntülənmədiyi, sadəcə qardaş ölkənin rəhbərinin qarşılanması zamanı çəkilən bəzi fotoları mediada izlədiyimiz saatlardan artıq hər kəsin ürəyi Şuşada idi. Həyəcanla, səbrsizliklə nə baş verəcəyini, 15 İyunun daha hansı əlamətlərlə yaddaşlara yazılacağını gözləyirdi insanlar. Fikir mübadilələri, müzakirələr…

Və budur… Artıq “Şuşa bəyannaməsi” imzalanıb, artıq iki qardaş arasındakı səmimi söhbətlərdən seçilmiş  bəzi dialoqlar qısa vaxt içində insanların dilində əzbərə çevrilib. 2019-cu ilin 9 mayında Ermənistan baş naziri Nikol Paşinyanın yallı getdiyi, bununla da sinəmizə çalın-çarpaz dağ çəkdiyi Cıdır düzündə indi Azərbaycan Respublikasının Prezidenti tədbir iştirakçılarına qatılıb rəqs edir. Görüntülər sürətlə yayılır. İzlədikcə insanın ürəyi köksünə sığmır. Yəni bu həqiqətdirmi? Yəni yuxularımız  doğrudanmı gerçəkləşib?  Bunları izlədikcə “Nooldu,Paşinyan?” deyə zarafatlarımızdan da qalmırıq. Bəli, Ali Baş Komandan Qarabağ müharibəsi ilə bağlı xalqa müraciətlərindən birində də məhz bu günə hesablanaraq demişdi: “Biz xeyirxah, sülhsevər xalqıq. Lakin biz öz ləyaqətimizi tapdalamağa, bizi təhqir etməyə imkan verməyəcəyik. Paşinyan Şuşada, Cıdır düzündə sərxoş halda rəqs edəndə özünə bu gün baş verənlər barəsində hökm imzalamışdı”.

Bəli, ötən günün hadisələri Azərbaycan xalqının vətən müharibəsindən sonra yaranmış böyük ruh yüksəkliyini daha da alovlandırdı. Sarsılmayan birlik, kökdən gələn doğmalıq, güc,qüdrət, gələcək planlar haqqında mesajlar… Bütün bunlar dost üçün,doğmalar üçün böyük sevinc,düşmən üçün isə  daha bir mənəvi zərbə və xəbərdarlıq idi…

                                                                                                                    Məhsəti MUSA

Millət vəkilindən mediaya dəstək

Xəbər verdiyimiz kimi, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə olunan məsələlər arasında medianın vergidən azad...

Mehriban Əliyeva Türkiyəyə başsağlığı verib

Azərbaycanın Birinci vitse-prezidenti Mehriban Əliyeva Türkiyədə baş vermiş zəlzələ ilə əlaqədar qardaş ölkəyə başsağlığı verib.  "Instaqram" hesabında olan paylaşımda...

Bu gün Xankəndi-Laçın yolunda sülhməramlıların 26 avtomobili maneəsiz keçib

Şuşadan keçən Xankəndi-Laçın yolunda Rusiya sülhməramlılarına məxsus daha 20 avtomobilin hərəkət etməsinə növbəti dəfə şərait yaradılıb.   "Report"un aksiya keçirilən...

Azərbaycanda qəzet və saytlara verilən maddi yardımlar vergilərdən azad edilir

Aranın xəbərinə görə, bununla bağlı Vergi Məcəlləsinə dəyişiklik təklif olunur. Layihənin qeyd hissəsində əsaslandırılıb...

Azərbaycan və  Macarıstan oxşar cəhətlərə malik ölkələrdir

Azərbaycan Respublikasının Prezidenti İlham Əliyev Macarıstana rəsmi səfəri zamanı Budapeştdə mətbuata bəyanat vermişdir. Bəyanatda qeyd edilir ki, dost ölkələr kimi Azərbaycanla Macarıstan...

Azərbaycanda media subyektlərinin əldə etdikləri gəlirlər vergidən azad olunacaq

Azərbaycanda media subyektlərinin əldə etdikləri gəlirlər vergidən azad olunacaq. "Report"un xəbərinə görə, bununla bağlı Vergi Məcəlləsinə dəyişiklik təklif olunur.

Azərbaycan və Macarıstan münasibətləri yeni inkişaf mərhələsində

Şərqi Avropa ölkələri, o cümlədən Macarıstanla ikitərəfli və çoxtərəfli əməkdaşlığın inkişafı ölkəmizin xarici siyasətinin vacib istiqamətlərindən biridir. Bu ölkələr arasında qarşılıqlı səviyyədə...

Türkiyədə zəlzələdə ölənlərin sayı 284 nəfərə çatıb, 2323 nəfər yaralanıb 

Türkiyədəki zəlzələdə ölənlərin sayı 284 nəfərə çatıb. “Aran” xəbər verir ki, bunu Türkiyənin vitse-prezidenti Fuat Oktay jurnalistlərə açıqlamasında deyib.

Azərbaycan Prezidentinin tapşırığı ilə FHN-in çevik qüvvələri Türkiyəyə yola düşəcək

Bu gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Respublikasının Prezidenti cənab...

Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan başsağlığı verib. Aran xəbər verir ki, başsağlığında deyilir:

Şərhlər