6.2 C
Aghjabadi

Şuşa Bəyannaməsi qardaşlığın təntənəsidir

Bildiyimiz kimi, 15 iyun 2021-ci il tarixdə Azərbaycan Prezidenti İlham Əliyev
və Türkiyə Prezidenti Rəcəb Tayyib Ərdoğan “Azərbaycan Respublikası ilə Türkiyə
Respublikası arasında müttəfiqlik münasibətləri haqqında Şuşa Bəyannaməsi”ni
imzalayıblar. Türkiyə cümhurbaşqanının Azərbaycana çoxdan gözlədiyimiz səfəri
zamanı imzalanmış son dərəcə mühüm əhəmiyyət kəsb edən bu tarixi sənəd
Azərbaycan və Türk xalqlarının möhtəşəm qardaşlıq rəmzinə çevrilib. Tarixi Şuşa
Bəyannaməsinin imzalanması ölkəmizdə 15 iyun – Qurtuluş Gününün bayram edildiyi
bir vaxta təsadüf edib. Azərbaycan respublikasının memarı və xilaskarı ümummilli
lider Heydər Əliyevin ideyalarının daim yaşadığını və qalib gəldiyini dünyaya bəyan
edən Şuşa Bəyannaməsi dahi rəhbərin “Bir millət, iki dövlət” məşhur kəlamının yeni
mərhələdə əyani təsdiqi hesab olunub.
Hər iki ölkə arasında münasibətlərin gələcəyini müəyyən edən müttəfiqlik
haqqında Bəyannamə iki ölkə arasında əlaqələri ən yüksək səviyyəyə qaldırıb.
Bəyannamədə göstərilən bütün müddəalar keyfiyyətcə daha yüksək işbirliyinə
təminat verib.
Strateji əhəmiyyət kəsb edən bütün əməkdaşlıq istiqamətlərini əhatə edən
Bəyannamədə bir çox önəmli məsələlər öz əksini tapıb. Burada geniş beynəlxalq
müstəvidə birgə əməkdaşlıq, siyasi münasibətlər, iqtisadi-ticarət əlaqələri,
mədəniyyət, təhsil, idman, gənclər siyasəti nəzərdə tutulub. Sənəddə enerji
təhlükəsizliyi, Cənub Qaz Dəhlizinin Türkiyə, Azərbaycan və Avropa üçün önəm
daşıdığı xüsusi olaraq qeyd edilib.
Bəyannamədə müdafiə sahəsində əməkdaşlıq və qarşılıqlı hərbi yardım
məsələləri öz əksini tapıb. Bu, bir daha göstərir ki, biz bundan sonra da hər zaman
bir yerdə olacağıq. Bundan sonra da bir-birimizin təhlükəsizliyini təmin edəcəyik.
Necə ki, bu günə qədər Türkiyə və Azərbaycan bütün məsələlərdə bir yerdədir,
bundan sonra da bu, belə olacaq.
Bəyannamədə Zəngəzur dəhlizinin açılması ilə bağlı çox açıq ifadələr öz
əksini tapmışdır. Bu da İkinci Qarabağ savaşından sonra yaranmış yeni geosiyasi
vəziyyətin nəticəsidir. Türkiyə ilə Azərbaycanı dəmiryolu və avtomobil yolu ilə
birləşdirəcək Zəngəzur dəhlizi olduqca böyük əhəmiyyətə malikdir. Müttəfiqlik
haqqında imzalanmış birgə Bəyannamədə bu məsələnin əks olunması böyük məna
daşıyır.
Qeyd etdiyimiz kimi, hər şeydən öncə Şuşa Bəyannaməsi Azərbaycan ilə
Türkiyənin qardaşlığını bütün dünyaya bildirən bir mesajdır. Qədim şəhərimiz olan
Şuşadan verilən açıqlamalar, şübhəsiz, bütün dünyaya səs salıb, böyük rezonansa
səbəb olub. Bəyannamənin imzalanma tarixi, Türkiyə Prezidenti Rəcəb Tayyib
Ərdoğanın səfərinin əhəmiyyəti bundan sonra uzun illər ərzində dillərdə dolaşacaq.
Şuşada dalğalanan Azərbaycan və Türkiyə bayraqları ölkələrimizin birliyini dünyaya
car çəkib, nümayiş etdirib.
İkinci Qarabağ müharibəsi başlanan gündən, ilk saatlardan dövlətimiz,
xalqımız Türkiyənin açıq dəstəyini hiss edib. Türkiyə Prezidenti Azərbaycana
birmənalı, dəqiq və açıq dəstək ifadə edib. Müharibənin ilk saatlarından Türkiyə
Prezidenti bildirdi ki, Azərbaycan tək deyil. Türkiyə Azərbaycanın yanındadır. Bu
sözlər həm bizi ruhlandırdı, eyni zamanda, müdaxilə etmək fikrində olan bütün
qüvvələri, dairələri dərhal dayandırdı.

Qeyd edək ki, Şuşa şəhərində qardaş Türkiyənin baş konsulluğunun
açılmasına dair qəbul olunmuş qərar iki ölkə arasında münasibətləri dərinləşdirməklə
yanaşı, Türkiyənin işğaldan azad olunmuş ərazilərdə aparılacaq bərpa-quruculuq
işlərində oynayacağı roldan xəbər verib.
Vətən müharibəsində olduğu kimi, işğaldan azad olunmuş ərazilərdə aparılan
yenidənqurma işlərində də Azərbaycan ilə Türkiyə arasında sıx əməkdaşlıq çox
böyük önəm kəsb edəcək.

Yəhya PAŞAZADƏ

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər