17.4 C
Aghjabadi
Çərşənbə, Dekabr 1, 2021

Aranqazeti.az saytı Gündüz Sevindiyin şeirlərini təqdim edir.

Şairlərin evi yoxdur

Zülmətdə yol gedən bu kor dünyanın,
İnsan, sakinisən sən gor dünyanın,
Oğulsan bu məyus, dilxor dünyanın,
Könlünü al, kefi yoxdu…

Arzunun sonuna çatsan – dünyadı,
Göyə çıxsan, yerə batsan – dünyadı,
Bu dünyada hara getsən dünyadı,
Bu dünyanın dibi yoxdu…

Başımda qaldı ki, ağıl, danışım?!
Bir şirin söz deyim, noğul danışım,
Gəl sənə bir gerçək nağıl danışım,
Bu nağılın divi yoxdu…

Qalxar səmalara, itər dərində,
“Alar qadasını” xeyrin, şərin də,
Yatıb gecələyər öz şeirində,
Şairlərin evi yoxdu…

Özü boyda sevgi yağa

Nola, mən deyən Gün doğa…
Doğa, zülmətləri boğa!
Özü boyda sevgi yağa,
Görəm, dünyanın üstünə.

Dadmayam ömrün dadını,
Lap unudam öz adımı…
Bir quş olam – qanadımı
Gərəm dünyanın üstünə.

Olam bir sehrin hakimi,
Qıram Dərd adlı tilsimi…
Buludları yorğan kimi,
Sərəm dünyanın üstünə!

Fələstinli uşaq və…

Dünyanın sonudu bura bəlkə də,
Burda mələklər də günah axtarır.
Bu qara uşağın uşaq dünyası,
Bu qara ölkədə Allah axtarır.

Yeməyin üstündən yarımçıq durub,
Dünyanı qarpız tək kəsib yeyəcək.
Verməyin Anaya siz bu uşağı,
Bu uşaq anasın basıb yeyəcək…

Oxşamaz üzünü səhərin mehi,
Canında tikanlar ulduz sayıdı.
Bütün yetimlərin uşaq taleyi,
Nədənsə eynidi, əkiztayıdı.

Kəsir vücudunu qışın sazağı,
Yatdığı yerdəcə donur az qala.
Hardasa görmüşəm mən bu uşağı –
…XOCALI…
mən səni tanıdım, bala!!!

Baş daşı

Tale üzə gülmür ömrün qışında,
Həyat balıq kimi əldən sürüşür.
İnsan şəkilləri qəbir daşında,
Nədənsə həmişə qəribə düşür…

Üstə doğum ili, ölüm ili var,
Bir bəndlik şeir də gor nəğməsidi.
Məni qınamayın, başdaşı sanki,
Ölənin “şəxsiyyət vəsiqəsidi”..

Min illik sualın cavabı varmı?
Ruhum candan çıxdı, ağlım da başdan.
Görəsən bir zərrə savabı varmı,
Ölənin başına bu boyda daşdan?

O kimin yaşıdı, çatsın yaşına,
Yönünün yöndəmi, təhəri yoxdu.
“Allahlıq edirsən” sinə daşına,
Allahın heç səndən xəbəri yoxdu…

Sanma özüm boyda dağam, qüruram,
Sənin daş qürurun ruhumu əzir.
Vallah, ayaq üstə güclə dururam,
Mənim başdaşılıq halım nə gəzir?…

Mənim bildiklərim günah

Gecə gülür göz yaşıma,
Gözüm sübhə oyaq gəlir.
Gecə ələnir başıma,
Dərdim də üzü ağ gəlir.

Zəhərləndim bu boyatdan…
Bezdim qəfəs-kainatdan.
Bu dünyadan, bu həyatdan,
Üzə tərs şapalaq gəlir.

Baxdım azın arxasınca,
Öldüm Sözün arxasınca…
Gördüm düzün arxasınca,
Yalan kimi boyaq gəlir.

Mənim bildiklərim günah,
Ahımı yandırdı bu ah,
Qardaş, olan budur, vallah,
Sudan sonra torpaq gəlir

Di nəyin var ortaya düz,
Lal gecədən özünü üz,
Dur qapını aç, ay Gündüz,
Səhər adlı qonaq gəlir!

Xəbər lenti

Nekroloq

Ağcabədi rayon ictimaiyyətinə ağır itki üz verib. Təcrübəli təsərrüfatçı, nümunəvi ailə başçısı Tofiq İsmayılov 67 yaşında dünyasını dəyişib. Tofiq Bayram...

Rəşad Məcid Türkiyədə yüksək mükafata layiq görüldü

Azərbaycan Yazıçılar Birliyinin sədr müavini, “525-ci qəzet”in baş redaktoru Rəşad Məcid Türk Ədəbiyyatı Vəqfinin 2021-ci il üçün “Türk Dünyasına Üstün Xidmət” mükafatına...

Ay Laçın…

İllərdir onu işğal altında olmuş  Laçın rayonunun acı taleyi ilə səsləşdiyi üçün elə Laçın dərdi ilə oxuyublar. "Mən səndən ayrılmazdım, zülm ilə...

GKİM Ağcabədi Nümayəndəliyi 2 il

Fəaliyyətə başladığı gündən gənclərin hərtərəfli inkişafının təmin olunması, onların əlavə bilik bacarıqlara yiyələnməsi üçün müxtəlif layihələr, təlimlər, intellektual tədbirlər həyata keçirən Gənclər...

Yatmış vulkanın oyanışı

(Şəhid Dəyanət Əliyevə həsr edilib) Vətənə bağlılıq, yurda sevgi insanın daxilindən süzülüb əməlində əks olunan bir hissdir. Əgər o...

Yolun açıq olsun, Mirzə!

Məmmədov Mirzə Muğan oğlu Pərioğullar kənd tam orta məktəbinin 8-ci sinif şagirdidir. Heç bir rəssamlıq kursunun, dərnəyin üzvü deyil. Amma öz istedadı hesabına...

Soçi görüşü Azərbaycanın növbəti diplomatik qələbəsidir

Bakı və Moskva ümumi regional yanaşmaya malikdir, liderlər arasında qarşılıqlı etimad, dostluq və  anlaşma mövcuddur. Ümumilikdə, iki ölkə arasında strateji tərəfdaşlıq yeni inkişaf mərhələsinə...

Soçi şəhərində üçtərəfli görüş zamanı Bəyanat imzalanmışdır

28 noyab tarixində Rusiyanın Soçi şəhərində təşkil olunan görüş zamanı Bəyanat imzalanmışdır. Görüş zamanı bildirilmişdir ki, il ərzində Azərbaycan və Rusiya arasında çox fəal...

XV Zirvə Toplantısı zamanı Prezident İlham Əliyev çıxış etmişdir

28 noyabr 2021-ci il tarixdə Türkmənistanın paytaxtı Aşqabad şəhərində İqtisadi Əməkdaşlıq Təşkilatının (İƏT) XV Zirvə toplantısında Azərbaycan Prezidenti İlham Əliyev qeyd etmişdir...

Xatirə bulaq kompleksinin açılışı

Noyabrın 19-da Ağcabədi rayonunun Minəxorlu kəndində Birinci və İkinci Qarabağ müharibələrində qəhrəmancasına həlak olan 11 nəfər Minəxorlu şəhidlərinin xatirəsini əbədiləşdirən bulaq kompleksinin...

Şərhlər