2.5 C
Aghjabadi

Qalib ordunun şanlı salnaməsi

            Azərbaycan dövlət müstəqilliyini bərpa etdikdən sonra Milli Ordunun yaradılması tarixi zərurətə çevrilib. Ulu öndər Heydər Əliyevin böyük xidmətləri sayəsində bu istiqamətdə daha ciddi tədbirlər həyata keçirilib. Dahi rəhbərin 22 may 1998-ci il tarixli Fərmanı ilə 26 iyun Azərbaycan Respublikasının Silahlı Qüvvələri Günü elan edildi. O vaxtdan həmin gün resublikamızda geniş qeyd edilməyə başladı.

            Əsası 26 iyun 1918-ci ildə Azərbaycan Xalq Cümhuriyyəti tərəfindən qoyulmuş Milli Ordu çətin, lakin şərəfli tarixi bir yol keçib. Azərbaycan Ordusu yarandığı ilk günlərdən mühüm vəzifələr həyata keçirib. Milli Ordu qısa müddət ərzində Qafqaz İslam Ordusu ilə birlikdə Bakının və ətraf ərazilərin erməni-bolşevik işğalından azad edilməsinə nail olub.

            AXC süqut etdikdən sonra Azərbaycanı ələ keçirmiş bolşevik hökuməti Milli Ordunu tezliklə ləğv edib, onun rəhbərlərinin əksəriyyəti Nargin adasına aparılaraq, güllələnib.

            Sovet hakimiyyəti illərində də Rusiya imperiyasının azərbaycanlılara qarşı hərb sahəsindəki siyasəti dəyişməz qalmışdı. Ancaq çar dövründən fərqli olaraq, sovetlər dönəmində azərbaycanlı gənclər ordu sıralarına xidmətə çağırıldı. Ancaq onlar mühüm hərbi hissələrə deyil, əsasən tikinti batalyonlarında xidmət etməyə göndərilirdilər. Məqsəd soydaşlarımız arasında hərb elminə dərindən yiyələnən, müasir silahlara bələd olan hərbçilər yetişməsinə imkan verməmək idi.

            Azərbaycanda hakimiyyətə gələn Heydər Əliyev sovet siyasətini yaxşı başa düşərək qabaqlayıcı tədbir görməyə başladı. Ulu öndərin 20 iyun 1971-ci ildə Cəmşid Naxçıvanski adına ixtisaslaşdırılmış hərbi məktəb təşkil etməsi bu baxımdan mühüm əhəmiyyət kəsb edirdi. Sözügedən hərbi litsey həmin illərdə milli zabit kadrlarımızın yetişdirilməsində həlledici rol oynayırdı.

            Ümummilli lider Heydər Əliyev sonralar azərbaycanlıların Bakı Ali Birləşmiş Komandanlıq və Bakı Ali Hərbi Dənizçilik məktəblərinə, eləcə də SSRİ-nin digər hərbi ali təhsil müəssisələrinə daxil olmalarına geniş imkanlar yaratmışdı.

            Respublikamızda müstəqillik yenidən bərpa edildikdən sonra ordu quruculuğu məhz ulu öndərin ikinci dəfə hakimiyyətə gəlməsi ilə reallaşdı. Milli Ordu peşəkar kadrlarla möhkəmləndirildi, ölkənin müdafiə qüdrəti artırıldı. Azərbaycan Ordusunda Xalq Cümhuriyyəti dövründə qoyulmuş ənənələr uğurla davam etdirildi.

            Ulu öndərin layiqli siyasi varisi Azərbaycan Respublikasının Prezidenti İlham Əliyevin ölkəmizə rəhbərlik etdiyi dövrdə ordu quruculuğu daha da genişlənib, böyük vüsət alıb. Dövlət başçısının iradəsi və qayğısı sayəsində Azərbaycan Ordusunun maddi-texniki bazası gücləndirilib. Ən müasir silahlarla təmin olunmuş Milli Ordumuz Qafqazın ən güclü Silahlı Qüvvələrinə çevirilib.  Təsadüfi deyildir ki, 2016-cı ilin Aprel döyüşlərində, Ordumuz öz qüdrətini Ermənistana, bütün dünyaya nümayiş etdirdi.

            Ərazilərimizin erməni quldurları tərəfindən işğalı ilə heç vaxt barışmayan Azərbaycan xalqı, dövləti, qəhrəman Ordumuz 2020-ci ilin 27 sentyabrında başlanan Vətən müharibəsində öz zəfər sözünü düşmənə diktə etdi. Prezident, Azərbaycan Silahlı Qüvvələrinin Ali Baş Komandanı İham Əliyevin rəhbərliyi altında Milli Ordumuz cəmi 44 gün ərzində apardığı möhtəşəm hərbi əməliyyatlar sayəsində Ermənistanı diz çökdürərək parlaq tarixi qələbəyə imza atdı, 30 il ərzində işğal altında olan müqəddəs Qarabağ torpaqları mənfur düşməndən təmizləndi, tarixi ədalət bərpa edilib, ölkəmizin ərazi bütövlüyü təmin olunub. Qürurla deyə bilərik ki, ordumuzun rəşadəti, xalq-iqtidar birliyi nəticəsində Ermənistan ordusu tamamilə darmadağın edildi, Dağlıq Qarabağ münaqişəsi milli maraqlarımıza uyğun həllini tapdı.

            Milli Ordumuzun yenilməz zəfər yürüşü dövlətimizin beynəlxalq aləmdə hörmət və nüfuzunun daha da artmasına səbəb oldu.

Yəhya PAŞAZADƏ

Xəbər lenti

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Şərhlər