2.7 C
Aghjabadi

Paltarlarım təzədi ana, saxla gələcəyəm


Qəribsəyən yollarda xarı bülbülün ətrini duymaq üçün qürurla bizə zəfəri yaşadan şəhidlərimizi ailələrinin onlar haqqındakı xatirələri ilə ata, qardaş, oğul, dost kimi tanımaq istədik.
26 oktyabr 2020-ci ildə Qubadlı istiqamətində gedən döyüşlərdə şəhid olan Fəryadla bağlı ailəsinə sual verərkən çəkinirdim. Oğul dərdi ilə yanan ananı yenidən alovlandıraram deyə… Qorxduğum oldu. Qəhrəmanımızla bağlı soruşanda ananın hönkürtüsü bu odun heç zaman sönməyəcəyini göstərirdi. Böyüdüb, boya-başa çatdırdığı övladından keçmiş zamanda danışmaq onun üçün çox ağır idi. Axı balasının arzusu yarım qalmışdı. Saraylara bənzəyən evi olacaqdı, anasına söz vermişdi, onu saray kimi evdə yaşadacaqdı. Amma tale elə gətirdi ki, ana oğlu ilə bərabər addımlayacağı yolu indi oğlunun əşyaları yığılmış guşəyə baxaraq addımlayacaq. Guşədə gözümə balaca, səliqəli bükülmüş bağlama sataşdı. Bu nə bağlama idi axı? Maraqlanıram, soruşuram anadan… Şəhadətə ucaldığı Qubadlı torpağı və gül şəhidimizin cibindən çıxıbmış. İz saldığı torpaqlardan qalan yadigar idi o torpaqla gül.
Bilmirəm niyə amma ən şirin davalar da, barışıqlar da bacı-qardaş arasında olur. Qardaş hər vaxt bacının ümid yeri, dayağıdır. Bəlkə elə buna görə şəhidimizin bacısı Nərmin onun haqqında danışarkən hələ də ümidli idi: “Mənə ata kimi qayğı ilə yanaşardı. Çox yaxşı qardaş idi, heç kimi incitməz, səssizliyi sevərdi. Onunla əkiz kimi böyümüşdük. Bir-birimizin hərəkətlərin təkrarlayar, eyni şeyləri istəyərdik. Məktəbi bitirəndən sonra əsgərliyə getdi. Və heç bir qüsursuz hərbi xidməti başa vurdu. Anama çox bağlı idi. Elə anam da ona çox bağlanmışdı
Müharibə başlayanda qardaşım dedi ki, mən orda olmalıyam. Cəbhəyə yola düşdüyü gün maşına əyləşəndə səsləndim ki, dayan axı, mən səninlə görüşmədim. Qucaqladım, hər iki üzündən öpdüm. Üzündəki o saf təbəssümü ilə “Gör qardaşın nə igidliklər göstərəcək” dedi və elədi. Təzə geyimlər almışdı. Tapşırdı ki, paltarlarım təzədi, ana, saxla gələcəm. Hər dəfə danışanda “Qorxmayın biz burda sizi qoruyuruq” deyirdi. Son gün danışanda da hər şeyin yaxşı olduğunu, qayıdacağını dedi. Amma qayıtmadı…”
Fəryad və onun timsalında minlərlə igidlərimiz qayıtmasalar da sübut etdilər ki, belə oğullarımız var olduqca bu vətən, torpaq əmin əllərdədir.


Rəmziyyə HƏSƏNOVA

Xəbər lenti

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Ağcabədidə “Təhlükəsiz Həyat” gənclər arasında maarifləndirici tədbirlər layihəsi keçirilmişdir

   Ağcabədi rayonunda Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Ağcabədi Rayon Gənclər və İdman İdarəsinin təşkilatı dəstəyilə “Aydınlar Ocağı” humanitar ictimai birliyi tərəfindən “Təhlükəsiz Həyat” gənclər arasında maarifləndirici...

Köyük kəndində səyyar qəbul keçirilib

Ağcabədi Rayon İcra Hakimiyyətinin başçısı Rafil Hüseynovun dekabr ayı üzrə ilk, 2022-ci il üçün isə növbəti səyyar qəbulu Köyük kəndində keçirilib. Qəbulda rayonun hüquq-mühafizə orqanlarının, idarə, müəssisə və təşkilatların rəhbərləri, kənd sakinləri...

Əhməd Cavadın 130 illik yubileyi qeyd olunub

Noyabrın 24-də ADPU-nun Ağcabədi filialında görkəmli Azərbaycan şairi və ictimai xadimi Əhməd Cavadın anadan olmasının 130 illik yubiley tədbiri keçirildi.

Müasir poeziyamızda Qarabağ hadisələrinin və qələbəmizin bədii əksi

      Bütövlüyün, vəhdətin izini, bəlkə də, sərhədlərdən silmək olar, amma yadlaşlardan, qandan yox. Odur ki, bu xalqın yaddaşından silinməyən, “böyük bir həsrət...

Şərhlər