16.7 C
Aghjabadi
Cümə axşamı, May 26, 2022

Vətən sevgim mənim yadigarım olsun

         Onlar əvvəlcə doğulub, boya-başa çatdıqları gözəl Laçını itirmişdilər. Laçın işğal olunduqdan sonra məcburi köçkün kimi Ağcabədiyə pənah gətirdilər. Sonra da Vətən müharibəsində minbir əziyyətlə böyüdüb, boya-başa çatdırdıqları qəhrəman övladlarını itirdilər.

Söhbət şəhid Nəcəfov Etibar Mehman oğlunun ailəsindən gedir. Bu ailə ilə görüşüb igid döyüşçü haqqında çox şeyləri öyrənə bildim.

Etibar Ağcabədi rayonunun Aran kəndində məskunlaşmış Mehman Nəcəfovun ailəsində dünyaya göz açmışdır. O, heç vaxt Laçını görməyib, bulaqlarından su içməyib, çəmənliklərindən çiçək dərməyib. Lakin erməni əsarətində olan Laçına bəslədiyi məhəbbət hissi anasının beşik başında çaldığı laylalardan canına, qanına hopmuşdu. Ona görə də mənən bağlandığı Laçın torpaqlarını düşmən caynaqlarından xilas etmək onun ən böyük arzusu idi.

Düşmənə sonsuz nifrəti sinəsində barıta çevirən gənc bu istəklə də könüllü olaraq II Qarabağ savaşlarına qatılıb. O, Cəbrayıl, Qubadlı istiqamətlərində gedən döyüşlərdə qəhrəmancasına vuruşub, erməni faşistlərinə ağır zərbələr vurub. İgid əsgər qorxu bilmədən döyüşdən-döyüşə atılıb, hünəri ilə hər kəsi heyrətə salıb.

Xalqımızın cəsur övladı Qubadlı uğrunda gedən döyüşlərin birində qəhrəmancasına həlak olaraq, şəhidlik zirvəsinə ucalıb.

Şəhidin ailəsi ilə görüşən zaman atası Mehman, anası Gülşən xanım ondan qürurla, ürəkdolusu danışdılar. Valideynlər bir vaxtlar özlərinin, indi isə bütün Azərbaycanın övladı olan Etibarın keçdiyi qısa, lakin şərəfli həyat yolundan söhbət açaraq, onun heç vaxt unudulmayacağını, xatirələrdə həmişəlik yaşayacağını iftixar hissi ilə bildiriblər.

Etibar zənglərinin birində anasına deyib ki, əgər şəhid olsam, heç vaxt pis olmayın. Bilin ki, vətənimiz uğrunda şəhid olmuşam. Vətən sevgim qoy mənim yadigarım olsun. Gülşən xanımın qəhrəman oğlundan yadigar qalan bir üzüyü mənə göstərdikdə qəlbim riqqətə gəldi, kövrəldim, özümə yer tapa bilmədim.

Ata və ana danışdıqca Etibarın cəbhələrdə nümayiş etdirdiyi qəhrəmanlıq, hünər, qəlbinin tükənməz arzuları gözlərim önündə bir lent kimi canlandı.

Çox şükürlər olsun ki, Ali Baş Komandan İlham Əliyevin rəhbərliyi altında müzəffər Milli Ordumuz erməni faşistlərini darmadağın edib, torpaqlarımızı azad etməklə Etibarın, bütün şəhidlərimizin qisasını almağa nail oldu.

Rahat uyu, ruhun şad olsun, elimin yenilməz oğlu! Sənin adın daim dilimizin əzbəri olacaq, qəlblərdə əbədi ünvan tapacaq.

Xəzangül QƏDİMLİ

Xəbər lenti

Şənlik kəndində Müstəqillik Gününə həsr olunmuş tədbir keçirilib

28 May - Müstəqillik Günü münasibətilə Şənlik kənd tam orta məktəbində tədbir  keçirilib. Tədbirdə Azərbaycan Təhsil İşçiləri Azad Həmkarlar İttifaqı Ağcabədi Rayon Komitəsinin  sədri...

İcra başçısının səyyar qəbulları davam edir

    Növbəti görüş Şahsevən kəndinin sakinləri ilə keçirilib   Ağcabədi Rayon İcra hakimiyyətinin başçısı Rafil Hüseynovun mütəmadi olaraq keçirdiyi...

Bir səyyar görüş haqqında təəssüratlarım

28 Aprel 2022-ci il tarixdə Ağcabədi Rayon İcra Hakimiyyətinin başçısı Rafil Hüseynov Nəcəfqulubəyli kənd tam orta məktəbində səyyar qəbul keçirdi. Sözügedən kənd...

Ağcabədidə “Əbədi müstəqillik” adlı sərgi açılıb

Ağcabədi rayon Heydər Əliyev Mərkəzində 28 May – Müstəqillik Günü ilə əlaqədar olaraq “Əbədi müstəqillik” adlı sərgi açılıb. Sərgidə...

Bağçılıq təsərrüfatı genişləndirilir

         Son illər rayonumuzda bağçılıq təsərrüfatının inkişaf etdirilməsi istiqamətində mühüm addımlar atılır. Artıq ayrı-ayrı şəxslər, fermer təsərrüfatı rəhbərləri, mütəxəssislər özlərinə məxsus olan...

Ekoloji təfəkkürlə mədəniyyətin sosial sferada münasibətləri haqqında

Mədəniyyət problemi əsrlər boyu insanları düşündürmüşdür. Son iki əsrdə isə mədəniyyətlə yanaşı, daha çox diqqət çəkən məsələlərdən biri də ekoloji problemlərdir. Aydın...

Şəhidin doğum günü mərasimi

         Kəbirli kəndində Vətən müharibəsi şəhidi Təhmasib Qarayevin doğum günü qeyd olunub. Ağcabədi Rayon İcra Hakimiyyətinin başçısı Rafil Hüseynov,...

Təcrübə məşğələləri yaxşı səmərə verir

         Nəcəf Allahverdiyev adına Ağcabədi Peşə Məktəbi tədris işlərini müasir səviyyədə qurur, tələbələrin bilikli və hazırlıqlı mütəxəssis kimi yetişmələri istiqamətində lazımi tədbirlər...

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Şərhlər