3.1 C
Aghjabadi

Sevilya

         Qəribə düşüncələrlə küçə ilə irəliləyirdim ki, gördüm rayon mərkəzi xəstəxanasının yanından keçirəm. Dedim, yanlış da bir naxışdır, qoy, gəlmişkən xəstəxanaya baş çəkim. Elə üstümdədir, uşağın xəstəlik vərəqini qeydiyyatdan keçirim. Baş həkim sağ olsun, heç gözləmədiyim halda məni gülərüzlə qarşıladı. Xəstəlik kağızına qol çəkib, möhür vurdu. Dedi bir də yanıma gəlib, niyə vaxt itirirsən, get qızlar qeydiyyatdan keçirsinlər. Soraqlaşıb, qızların oturduqları otağı tapdım. Qapını döyüb içəri keçdim. Qızlar, nə qızlar! Özlərindən razı, yerə göydən baxan, qarşısındakını görməyən iki ədəbaz xanım. Biri aya deyir sən çıxma mən çıxaram, o biri də günəşə deyir sən get, mən burdayam, səni əvəz edərəm. Vid-fasonları mənə qəribə gəlsə də, əşi, özləri bilər deyib nəyə gəldiyimi bildirdim. Kaş dinməyəydim. Qızlar təkəbbürlü baxışları ilə məni başdan-ayağa süzüb, əməlli-başlı yıxıb sürüdülər. Sanki qarşılarında mən boyda adam yox, bir heykəl durmuşdu.

Qeydiyyatçı cins şalvarı hər iki dizindən cırılmış və sapları sallanan bir qız idi. O, hirslə, bərkdən danışanda bu saplar da qorxur, əsirdilər… Qız kartotekada sənədləri çox eşələdi. Sənədləri yenidən yerinə qoyanda da hamısını tərsinə, qarışıq qoyurdu. Elə hey baş həkim kimdir ki, məndən icazəsiz bura möhür vurub, deyirdi. Xəstəlik vərəqini qeydiyyatdan keçirmək əvəzinə, nəyisə gəzir, axtarırdı. Yaman əsəbiləşmişdi. Yanındakı köməkçisi, dıqqılı qız bu qəzəbli xanımı sakitləşdirmək üçün “Sevilya xanım, sizə necə kömək edə bilərəm” deyə, tez-tez təkrarlayırdı. Və qorxudan əsən bu qız az qala xanım sözünü də böyük hərflə tələffüz edirdi. Onsuz da bir iş bacarmayan Sevilya xanımın əsəbləri nədənsə tarım çəkilmişdi. Birdən o, mənə sarı dönüb sakit, dilsiz baxışlarımla rastlaşanda lap cin atına mindi:

– Siz də gəlməyə vaxt tapdınız. İşimin başımdan aşıb daşdığı vaxt. Sizin nə vecinizə. Sakitcə, müqəvva kimi durub baxırsınız. Mən isə səhərdən qan-tər içində əlləşirəm. Heç bir şey də tapa bilmirəm. Bir də…

Artıq mən də dözə bilmədim. Səbrim tükəndi. Heç nədən ötrü bu xanımın məni bu qədər gözlətməsi və sonda təkəbbürlə süzməsi, nəticədə isə bir iş bacarmaması məni hövsələdən çıxartdı:

– Xanım, mən şükür edirəm, nə yaxşı ki, adınız Sevilyadır. Yoxsa Barselona, Real Madrid olsanız vay bizim halımıza. Yəqin bizi bura yaxın da buraxmazdınız, – deyib çıxış qapısına tərəf addımladım…

Adil Misirli

Xəbər lenti

12 dekabr ümummilli lider Heydər Əliyevin anım günüdür

Azərbaycan xalqının böyük oğlu Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları...

“12 Dekabr-Ümummilli Lider Heydər Əliyevin Anım günü”ilə əlaqədar məktəblərdə mühazirələr davam etdirilir

Bu gün Mərkəzin direktor səlahiyyətlərini icra edən Rövşanə Əliyeva tərəfindən M.Aranlı adına 11 saylı tam orta məktəbin Gənc Heydərçilərinə Ulu Öndər Heydər...

Ağcabədi rayon Heydər Əliyev Mərkəzində “12 Dekabr-Anım Günü” ilə əlaqədar “Heydər Əliyev və Gənclər siyasəti” adlı tədbir keçirildi

Tədbir 07 dekabr 2022-ci il tarixində Ağcabədi rayon Gənclər və İdman İdarəsinin birgə təşkilatçılığı və Ağcabədi şəhər M.Aranlı adına 11 saylı tam orta...

Ağcabədi sakininin çantasından oğurluq edilib

Yasamal rayonu ərazisindəki mağazaların birində Ağcabədi rayon sakini olan bir qadının çantasından içərisində pulu olan cüzdanının oğurlanması barədə polisə məlumat daxil olub.

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

Şərhlər