2.5 C
Aghjabadi

Xalqımızın milli oyanışında yeni parlaq səhifə

         Ölkəmizdə milli mətbuatın, ana dilimizdə ilk qəzetin nəşrə başlamasından 146 il ötür. Görkəmli maarifçi, təbiətşünas alim, publisist, mütəfəkkir Həsən bəy Zərdabi 1875-ci ilin 22 iyulunda çap etdirdiyi “Əkinçi” qəzeti ilə xalqımızın milli oyanışında yeni bir tarixi səhifə açıb. Həmin vaxtdan 1877-ci ilin 29 oktyabrına kimi fəaliyyətini davam etdirən “Əkinçi” ayda iki dəfə 300-400 tirajla nəşr edilib. Bu müddət ərzində onun cəmi 56 sayı işıq üzü görüb.

Dövrün tanınmış ziyalılarını öz ətrafında birləşdirən “Əkinçi” qəzeti milli mətbuatımızın formalaşmasında, maarifçilik, yeniləşmə ideyalarının həyata keçirilməsində  xalqımızın milli özünüdərkində müstəsna rol oynayıb.

Zərdabi və onunla birgə qəzetin nəşrində əməyi olan ziyalılar, yazarlar xalqı cəhalətdən, qəflət yuxusundan oyatmağa çalışmış, onun tərəqqi və inkişaf etməsi üçün əsl fədakarlıqlar göstərmişlər. Şübhəsiz, bütün bunlar çar hakim dairələrini narahat edib. Eyni zamanda çarizmin diktəsi ilə bəzi dırnaqarası ziyalılar da “Əkinçi”nin üzərinə hücum etməyə başlayıb. Əsassız hücumlara, təzyiqlərə tab gətirməyən qəzet öz fəaliyyətini 1877-ci ilin 29 sentyabrında dayandırmaq məcburiyyəti ilə üzləşib.

Azərbaycan milli mətbuatının təməlini qoyan qəzetin ömrü az olsa da, xalqımızın milli ruhda tərbiyə olunmasında, maariflənməsində önəmli əhəmiyyət kəsb edib. Ölkəmizdə “Əkinçi”nin çap olunduğu gün Milli Mətbuat Günü kimi hər il geniş qeyd olunur.

“Əkinçi”dən sonra “Ziya”, “Kəşkül”, Kaspi” və sair kimi məşhur mətbu orqanlar onun yolunu, ənənələrini ləyaqətlə davam etdiriblər.

Azərbaycan mətbuatı ötən  146 il ərzində ağır sınaqlardan çıxıb, bütün çətinliklərə sinə gərib öz şərəfli missiyasını layiqincə davam etdirib. Ötən dövr ərzində şanlı tarixi bir yol keçmiş mətbuatımız bu gün yeni bir yüksəliş mərhələsinə qədəm qoyub. Müstəqillik yolu ilə inamla irəliləyən Azərbaycanda söz və mətbuat azadlığının təmin olunması istiqamətində ciddi addımlar atıb. Təsadüfi deyildir ki, respublikamızda söz və mətbuat demokratik inkişafın əsas göstəricisi hesab edilir. Kütləvi informasiya vasitələri, qəzetlər, jurnallar, telekanallar, radiostansiyalar, agentliklər, saytlar, ictimai fikrin və sosial fəallığın artmasında və onların istiqamətləndirilməsində mühüm əhəmiyyət kəsb edir. Bütün bunlar müasir Azərbaycanımızın qurucusu və memarı olan ümummilli lider Heydər Əliyevin böyük xidmətləri ilə bağlıdır. Əsası ulu öndər tərəfindən qoyulan mətbuatın inkişafına dövlət diqqət və qayğısı möhtərəm Prezidentimiz İlham Əliyev tərəfindən uğurla davam etdirilir.

Azərbaycan jurnalistikasında söz, fikir azadlığının, plüralizmin inkişafında, demokratiyanın təntənəsində mühüm əhəmiyyət daşıyan bu siyasət nəticəsində Azərbaycan dünyada sözə, insan hüquqlarına yüksək hörmət edən ölkə kimi tanınır. Respublikamız hazırda geniş informasiya şəbəkəsi baxımından dünyanın aparıcı dövlətləri sırasında önəmli yerlərdən birini tutur.

Dövlət diqqət və qayğısı sayəsində hazırda bölgələrdə fəaliyyət göstərən qəzetlərin də işində ciddi dönüş yaranıb. Rayonumuzda nəşr olunan “Aran” qəzeti bu ailənin sıralarında inamla irəliləyir, bölgə əhalisinin informasiya ilə təmin olunmasında fəal rol oynayır.

Yəhya PAŞAZADƏ

Əvvəlki məqaləTut ağacının nağılı
Növbəti məqalədəZəng çatmayan telefon

Xəbər lenti

Həmyerlimizdən daha bir uğur

Maltanın paytaxtı Valetta şəhərində 2022-ci il 25-28 noyabr tarixlərində yeniyetmə taekvondoçular arasında Avropa çempionatı keçirilib. Həmin turnirdə uğurlu nəticə qazananlardan biri həmyerlimiz...

Mədəniyyət və dünyagörüşü

 Mədəniyyət maddi və mənəvi sərvətlərin yaradılmasına, mənimsənilməsinə, saxlanmasına və bölgüsünə istiqamətləndirilən ictimai münasibətlər sistemidir. Bu maddi istehsalla şərtlənən, öz mahiyyəti etibarilə sosial...

Süleyman Gözəlov: İlk növbədə gənclərimizin sağlam ruhda böyüməsini düşünürdüm

İdmanla məşğul olmaq insanı bir çox zərərli vərdişlərdən uzaq etdiyi kimi, pis xəstəliklərdən də qoruyur. Müasir dövrün tələblərinə uyğun olan “Sağlam bədəndə,...

Ağcabədidə 5 dekabr Beynəlxalq Könüllülər Günü qeyd edilib

       Ağcabədi rayonunda Gənclər üçün Təhsil Mərkəzi (GTM) Qarabağ regional ofisi, Ağcabədi regional "ASAN xidmət" mərkəzi, Gənclərin İnkişaf və Karyera Mərkəzinin (GİKM)...

Mən Şuşadan gəlirəm -2

                                       Artıq dekabr ayıdır. Amma mən sizə avqust ayında baş tutmuş bir səfərimdən...

Xolesternlə necə mübarizə aparmalı? – MÜTƏXƏSSİS YANAŞMASI

Xolestern bir lipid, yəni bir yağ növüdür. Heyvan mənşəli qidalarda və bütün hüceyrələrdə olan şam quruluşunda yağ kimi maddələrdir. Yüksək xolesterin isə...

İnkişaf Qələbənin əsasıdır

 “Azadlıq meydanında paradlar çox keçirilib. Ancaq bu paradın xüsusi önəmi var. Bu, Zəfər paradıdır. Bu, tarixi hadisədir. Bu tarixi günün şahidi bizik,...

“Niva” “Ford Transit”lə TOQQUŞDU- Sürücü öldü

Dekabrın 4-də saat 2 radələrində Ağcabədi rayonunun Aşağı Avşar kəndi ərazisində Ağdam rayon sakini Məhəmməd Hüseynzadənin idarə etdiyi “Niva” və Ağcabədi şəhər...

Ağcabədidə ” 3 Dekabr -Beynəlxalq Əlillər Günü” qeyd olundu

Ağcabədidə " 3 Dekabr -Beynəlxalq Əlillər Günü" qeyd olunduAğcabədi rayonunda " 3 Dekabr Beynəlxalq Əlillər Günü"nə həsr olunmuş...

Ağcabədidə 3 dekabr – Beynəlxalq Əlillər Günü münasibəti ilə tədbir keçirilib

Ağcabədi rayonunda 3 dekabr - Beynəlxalq Əlillər Günü münasibətilə Gənclər üçün Təhsil Mərkəzi (GTM) Qarabağ Regional ofisi,Azərbaycan Dövlət Pedaqoji Universitetinin (ADPU) Ağcabədi filialının birgə əməkdaşlığı ilə tədbir keçirilib. 

Şərhlər