16.3 C
Aghjabadi

Qəzəl ustadı – Əli Aslanoğlu

Əli Aslan oğlu Xankişiyev 1949-cu ilin iyun ayının 1 də Ağcabədi rayonunun Boyat kəndində anadan olmuşdur. 1966-cı ildə Boyat kənd orta məktəbini bitirmiş, həmin ildə Azərbaycan Politexnik İnstitutunun (indiki Texniki Universitet) mexanika fakültəsinə daxil olmuşdur. 1971-ci ildə ali təhsilini başa vurub istehsalatda əmək fəaliyyətinə başlamışdır. Ə.Aslanoğlu bir çox məqalələrin, bədii və elmi-publisist əsərlərin müəllifidir. Uzun müddət istehsalatda müxtəlif məsul və rəhbər vəzifələrdə işləməklə bərabər, eyni zamanda elmi və ədəbi-bədii yaradıcılıqla da məşğul olur. Əli Aslanoğlu Bakı və Moskva mətbuatında dərc olunmuş 100-dən artıq elmi-texniki, fəlsəfi və publisist məqalənin, iki monoqrafiyanın (“Muğam poetikası və idrak”, “Bilik qapısının açarları”) müəllifidir.

Əli Aslanoğlu bədii yaradıcılığa hələ orta məktəb illərindən başlamışdır. Onun ilk şeirləri Ağcabədidə çıxan “Sürət” qəzetində (1965-1966-cı illər) dərc olunub. (“Baxışlar”, “Gecikmişəm” və s.).

İstehsalatda qabaqcıl və yaradıcı fəaliyyətini nəzərə alaraq, eləcə də torpaqqazan maşınların istehsalat şəraitində yanacaq sərfinin yuxarı həddinin düsturunu verdiyinə görə o, 1981-ci ildə SSRİ Ali Sovetinin Fərmanı ilə “Əmək igidliyinə görə” mEdalı ilə təltif edilmişdir.

1988-1990-cı illərdə Cənubi Yəmən Ərəb Respublikasında böyük mühəndis-sovet mütəxəssislərinin rəhbəri vəzifəsində çalışan Əli Aslanoğlu ərəb dilini öyrənmiş və bu da onun sonrakı yaradıcılığında mühüm rol oynamışdır. 1995-2007-ci illər ərzində onun 7 kitabı çap edilmiş, muğam-tamaşa üçün yazdığı “Məhəbbət hekayəti” adlı librettosu Dövlət Muğam Teatrı tərəfindən səhnələşdirilmişdir. Həmin illər ərzində o, “İslam”, muğam-tamaşa üçün “Yarımçıq qalmış “Humayun” və “Şüştər” muğam dəsgahlarına öz qəzəllərini də daxil etməklə, yeni tərtibat quruluşu vermiş və həmin muğamlar uğurla ifa edilərək televiziya kanallarında nümayiş etdirilmişdir. “Muğam poetikası və idrak” monoqrafiyasında ilk dəfə olaraq Azərbaycan muğamlarının fəlsəfi təhlili verilmiş, bu ecazkar sənət növünün araşdırılmasında orifinal üsullar tətbiq edilmişdir. Kitab elmi ictimaiyyət tərəfindən mədəniyyət xəzinəmizə qiymətli töhfə kimi dəyərləndirilmişdir. Şairin qəzəlləri xanəndələr tərəfindən muğam ifaçılığında geniş istifadə olunur. Əli Aslanoğlu hazırda İctimai Televiziya və Radio Yayımları Şirkətində çalışır. Azərbaycan Yazıçılar Birliyinin və Azərbaycan jurnalistlər Birliyinin üzvüdür.

Əsərləri:

  1. “Prezident Heydər Əliyev və onun siyasət məktəbi”. B., “Qorqud”, 1995, 314 s, 1000 nüs.
  2. “Bilik qaısının açarları”. B., “Sabah”, 1997, 212s, 500 nüs.
  3. “Zirvəyə gedən yol”. B., “Ozan”, 1997, 200 s, 500 nüs.
  4. “Minilliu düşüncələr”. B., “Sabahı”, 2001, 144s, 500 nüs.
  5. “Qəzəllər dünyası”. B., “Nurlan”, 2002, 100s, 500 nüs.
  6. “Muğam poetikası və idrak”. B., “Elm”, 2004, 120 s, 500 nüs.
  7. “Seçilmiş qəzəllər”. B., “Nurlan”, 2007, 98s, 500 nüs.
  8. “Sözün rəngi”. B., “Azərnəşr”, 2008, 66s, 500 nüs.
  9. “Yovsanlıq şərqiləri”. B., “MBM”, 2009, 112 s, 500 nüs.

Aranqazeti.az müəllifin bir şeirini sizlərə təqdim edir

GÖZÜM HANI?..

Bir məhəbbət kitabına

Sətir-sətir yazılmışam.

Bir ayrılıq cəbhəsində

Səngər kimi qazılmışam!

Bir sahildə qaya idim,

Döyülməkdən qum olmuşam!

Gah hiddətim cırıb yeri,

Gah şumlanıb, şum olmuşam,

O qayada bir yazıydım,

Oxunmaqdan pozulmuşam.

Yatmış bəxtin yuxusuyam,

Gerçəkliyə yozulmuşam!

Dərdi şişmiş dağ döşüyəm,

Yüz yerindən cızılmışam,

Cəfa döyür,

dərd əridir,

Mənimsəmmiş qızılmışam…

Bu mənəmsə,

özüm hanı?

Bu kitabda sözüm hanı?

Bu daş dönüb qum olursa,

Bu dünyada dözüm hanı?

…Yenə ətraf qaranlıqdı,

Gözüm hanı?

Gözüm hanı?..

Mənbə: “Ağcabədi yazarları” kitabı

Xəbər lenti

Gənc fermerlərlə görüş keçirilib

Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramının icrası ilə əlaqədar bölgələrdə məqsədyönlü tədbirlər, görüşlər keçirilir. Noyabrın 25-də gənc sahibkarların...

Ermənistanın cinayətləri beynəlxalq hüquq normalarının Pozulmasıdır

    Ermənistanın insanlığa qarşı cinayətlərinin beynəlxalq aləmdə ifşa olunması vacib amildir. Bu cinayətlər barədə Prezident ilham Əliyev 15 noyabrda Albaniyada rəsmi səfər zamanı mətbuata verdiyi...

Laçın aeroportunun inşası bölgənin beynəlxalq statusunu artıracaq

Laçın qədim tarixə və zəngin təbii ehtiyatlara malikolan ərazilərimizdəndir. Rayon 1930-cu ildə inzibati ərazi vahidi statusu alıb. Ərazisi şimaldan Kəlbəcər, cənubdan Qubadlı, şərqdən Xocalı, Şuşa və Xocavənd rayonları, qərbdən...

Narkomaniya ilə mübarizə məqsədilə Ağcabədi rayonunda təlim təşkil olunub

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən işçi qrupu ilə Gənclər Fondu arasında imzalanmış tədbirlər...

Tədarük məntəqələrinə 285 min tondan çox pambıq təhvil verilib

Respublikada pambıq yığımı davam edir. Bugünədək fermerlər tərəfindən kondisiya çəkidə 285743 ton pambıq yığılaraq tədarük məntəqələrinə təhvil verilib. Hazırda...

Pielonefrit xəstəliyi haqqında bilmədikləriniz – HƏKİM DANIŞIR

Pielonefrit xəstəliyi sidik kisəsində infeksiya yayılmasından yaranır. İltihabi prosesin artması daxili kəskin inkişaf ilə bağlıdır. Xəstəlik tam müalicə olmadıqda, xroniki formaya keçir.

“Vətənin müdafiəsinə hazıram” Poliatlon çoxnövçülüyü üzrə rayon turniri keçirilmişdir

   24 noyabr 2022-ci il tarixdə Ağcabədi Rayon Gənclər və İdman İdarəsinin və Olimpiya İdman Kompleksinin birgə təşkilatçılığı ilə “Vətənin müdafiəsinə hazıram”...

Anti-Azərbaycan təbliğatı İranın dəyişməz siyasətidir

  Azərbaycan bütün ölkələrlə o, cümlədən qonşuları ilə problemsiz münasibətlərin formalaşmasında maraqlıdır. Təəssüf ki, Azərbaycanın yerləşdiyi bölgədə qonşu olduğu dövlətlər bizim ortaya qoyduğumuz münasibətlərə...

RİH yanında İctimai Şura və “Aran” qəzetinin rəhbərləri tələbələrlə görüşüb

         Ağcabədi rayon İcra Hakimiyyəti yanında İctimai Şura və  “Aran” qəzetinin birgə təşkilatçılığı ilə Ağcabədi Pedaqoji Kollecinin tələbələri...

Ağcabədi Rayon İcra Hakimiyyətinin başçısı şəhid anasının dəvəti ilə onu evində ziyarət etdi

Ağcabədi Rayon İcra Hakimiyyəti tərəfindən istər I-ci Qarabağ müharibəsi , istərsə də vətən müharibəsi şəhidləri daim diqqət mərkəzində saxlanılır . Bu ailələr...

Şərhlər