15.7 C
Aghjabadi

Əsmə, ey külək , yağışın yağdırma, ey bulud, işıq keçəcək !

Bir müddət öncə sosial şəbəkə səhifəmizdə rayonumuzda elektrik enerjisinin verilməsi ilə bağlı sorğu keçirdik və bu kimi rəylər gəlməyə başladı:

“Şəhər bir xəttində işıq demək olar ki, gün ərzində söndürülür. Soruşanda qəza var deyirlər. Nə qədər bu söz təkrarlanar ?” (Rza Quliyev)

*       *       *

“Hava yaxşı olanda işıq keçir ki, təmir olunur. Hava pis olanda da işıq keçir ki, qəza baş verib.” (Anar Alıyev)

*       *       *

“Çooox pis. Mən Azərişığın qaynar xəttinə saysız zəng etmişəm bununla bağlı. İşıq sönən kimi yığıram mütəmadi olaraq. İşıq yarım saatdan bir sönürsə, mən də yarım saatdan bir yığıram. Prinsipdir. Cavab verən operatorlara rayondakı bərbad vəziyyətlə bağlı yuxarı instansiyalara məlumat vermələirini xahiş edirəm. Bir çox dostlara da demişəm, onlar da edir. Etməliyik ki, nəsə bir irəliləyiş ola bəlkə. Yel əsən kimi, yağış yağan kimi sönür. Geniş bir reportaj hazırlasanız yaxşı olar.” (Aydın Məhərrəmov)

*       *       *

“Çoox pis. Bir azacıq kulək əsdi, yağış yağdı, işıqlar sönur.” (Bahar Hüseynova)

*       *       *

Düzünü desək, məqsədimiz dəqiqəbir işıqların sönüb yandığı, qəzet üçün yığdığımız materialların dəfələrlə bu səbəbdən komputerdən silindiyi vaxtda ürəyimizdən xəbər verən rəyləri qəzetdə işıqlandırmaq, problemi qabartmaq idi. Amma sonra “bəlkə doğrudan da, iş görülür, nəticəsi olacaq” deyə düşünüb bu fikirdən vaz keçdik. Lakin, problem bitmək bilmədi ki, bilmədi. Son günlər qəzetin “Facebook” səhifəsində ismarıc qutusuna göndərilən məktublar bizi bu dəfə məsələyə ciddi yanaşmağa vadar etdi. Qızmar yay aylarında insanların əsəbləri ilə oynamaq, dəqiqəbir işıqları söndürmək, qaynar xəttə zəng vurulan kimi işığın verilməsini bərpa edib sonra yenidən bu “oyuna” davam etmək vallah biabırçılıqdır. Sıradan çıxan elektrik avadanlıqlarındanmı danışaq? İsti havada kondisionerin hesabına birtəhər başını saxlayan, işıq keçdikcə əhvalı dəyişən xəstə insanların şikayətlərindənmi söz açaq? İşıq olmaması səbəbindən idarədəki işlərini həll edə bilməyən, əhəmiyyətli sənədləri vaxtında lazımi yerlərə çatdımadığı üçün üzünə söz gələn, onlayn tədbirlər zamanı bütün işləri alt-üst olan insanların keçirdiyi gərginliyimi izah edək? Tükənmir axı bu giley-güzarlar… Deyirlər, bütün xəstəliklərin kökündə əsəb, sinir dayanır. Bir insan nə qədər uzun müddət gərgin, əsəbi, təşvişli dönəm keçirirsə, onun ürək, qan-damar, beyin və təzyiq xəstəlikləri bir o qədər erkən başlayıb xronikləşir. Alimlər sübut edib ki, hətta ürəyi sağlam olan insanlar da güclü stress keçirdikdən sonrakı 6 ayda ciddi ürək xəstəlikləri tutub. Stress zamanı yuxu pozulur, bu da beynin yüklənməsinə, damarların sıxılmasına səbəb olur.Yuxusu pis olan insan pessimist, yorğun olur, iş qabiliyyəti aşağı düşür… Deyəsən çox uzaq getdim. Burada həkimlik etmək niyyətim yoxdur ey… Sadəcə demək istəyirəm ki, qadooo alım, ay Azərişıq ASC-nin Ağcabədi Elektrik Şəbəkəsi, məqsədin bizi xəstə salıb yarımcan etməkdirmi? İnsaf et,qıyma canımıza. Onsuz da 1 ildən artıqdır ki, ölümcül pandemiya ilə mübarizə aparırıq, canımızla əlləşirik. Bir tərəfdən də sən qırma də bizi…

Ürəyim doludur vallahi… Davam etmək istəyirəm. Amma baxıram ki, digər əməkdaşlarımız da söz demək, səslərini lazımi yerə çatdırmaq haqlarından istifadə etmək istəyirlər. Neynək, sözü verək onlara,görək nə deyirlər…

Xəbər lenti

Gənc fermerlərlə görüş keçirilib

Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramının icrası ilə əlaqədar bölgələrdə məqsədyönlü tədbirlər, görüşlər keçirilir. Noyabrın 25-də gənc sahibkarların...

Ermənistanın cinayətləri beynəlxalq hüquq normalarının Pozulmasıdır

    Ermənistanın insanlığa qarşı cinayətlərinin beynəlxalq aləmdə ifşa olunması vacib amildir. Bu cinayətlər barədə Prezident ilham Əliyev 15 noyabrda Albaniyada rəsmi səfər zamanı mətbuata verdiyi...

Laçın aeroportunun inşası bölgənin beynəlxalq statusunu artıracaq

Laçın qədim tarixə və zəngin təbii ehtiyatlara malikolan ərazilərimizdəndir. Rayon 1930-cu ildə inzibati ərazi vahidi statusu alıb. Ərazisi şimaldan Kəlbəcər, cənubdan Qubadlı, şərqdən Xocalı, Şuşa və Xocavənd rayonları, qərbdən...

Narkomaniya ilə mübarizə məqsədilə Ağcabədi rayonunda təlim təşkil olunub

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən işçi qrupu ilə Gənclər Fondu arasında imzalanmış tədbirlər...

Tədarük məntəqələrinə 285 min tondan çox pambıq təhvil verilib

Respublikada pambıq yığımı davam edir. Bugünədək fermerlər tərəfindən kondisiya çəkidə 285743 ton pambıq yığılaraq tədarük məntəqələrinə təhvil verilib. Hazırda...

Pielonefrit xəstəliyi haqqında bilmədikləriniz – HƏKİM DANIŞIR

Pielonefrit xəstəliyi sidik kisəsində infeksiya yayılmasından yaranır. İltihabi prosesin artması daxili kəskin inkişaf ilə bağlıdır. Xəstəlik tam müalicə olmadıqda, xroniki formaya keçir.

“Vətənin müdafiəsinə hazıram” Poliatlon çoxnövçülüyü üzrə rayon turniri keçirilmişdir

   24 noyabr 2022-ci il tarixdə Ağcabədi Rayon Gənclər və İdman İdarəsinin və Olimpiya İdman Kompleksinin birgə təşkilatçılığı ilə “Vətənin müdafiəsinə hazıram”...

Anti-Azərbaycan təbliğatı İranın dəyişməz siyasətidir

  Azərbaycan bütün ölkələrlə o, cümlədən qonşuları ilə problemsiz münasibətlərin formalaşmasında maraqlıdır. Təəssüf ki, Azərbaycanın yerləşdiyi bölgədə qonşu olduğu dövlətlər bizim ortaya qoyduğumuz münasibətlərə...

RİH yanında İctimai Şura və “Aran” qəzetinin rəhbərləri tələbələrlə görüşüb

         Ağcabədi rayon İcra Hakimiyyəti yanında İctimai Şura və  “Aran” qəzetinin birgə təşkilatçılığı ilə Ağcabədi Pedaqoji Kollecinin tələbələri...

Ağcabədi Rayon İcra Hakimiyyətinin başçısı şəhid anasının dəvəti ilə onu evində ziyarət etdi

Ağcabədi Rayon İcra Hakimiyyəti tərəfindən istər I-ci Qarabağ müharibəsi , istərsə də vətən müharibəsi şəhidləri daim diqqət mərkəzində saxlanılır . Bu ailələr...

Şərhlər