28 C
Aghjabadi

Dolayı gəl, dolayı

Xeyli vaxtdır ki, Rayon İcra Hakimiyyətinin nəzdində Müraciətlərə Operativ Baxılma Mərkəzi (MOB) fəaliyyət göstərir. Burada rayon sakinlərinin müraciətlərinə vaxtında və operativ baxılaraq, lazımı tədbirlər görülür. Bütün bunlar vətəndaşlar tərəfindən razılıqla qarşılanır. Ancaq bu o demək deyildir ki, hər səhər sən kənddə bir stəkan çay içib, qaçmalısan rayon mərkəzinə, icra hakimiyyətinə. Nə var, nə var balaca bir problemlə üzləşmişəm, təcili onu həll edin, bəziləri hətta olmayan bir şeyi problem kimi qələmə verir və tələbinin yerinə yetirilməsini istəyir. Elə götürək Rəncbərlər kənd sakini Həsənov Seyidəli Həsən oğlunu. Bu yaxınlarda rayon icra hakimiyyətinə gəlib Seyid olduğunu, xeyirxah işlər gördüyünü vurğulayıb. deyib ki, Rəncbərlər kənd qəbristanlığında moizələr oxuyuram.

Qəbristanlıqdakı yaşıllığı suvardığını və yaxınlıqdan keçən su borusundan su sızdığını, su sızan yerin qaynaq olmağa ehtiyac olduğunu bildirən Seyid Seyidəli onu da qeyd edib ki, onun Rəncbərlər kəndindəki fərdi yaşayış evinə gedən alternativ yola qonşuları tərəfindən beton bloklar qoyulub, yolu kəsilib və Seyid  icra hakimiyyətindən kömək istəyir.

Məsələ ilə yaxından maraqlandıq. Sən demə, qara qızın əməlli-başlı dərdi varmış. SİB-in Rəncbərlər kənd icraçı direktoru Akif Quliyevlə əlaqə saxlayarkən məlum olub ki, kənd qəbristanlığına Ağcabədi rayon Suvarma Sistemləri İdarəsi tərəfindən 2 istiqamətdən bulaq çəkilmişdir ki, bu bulaqlar vasitəsi ilə qəbristanlığın yaşıl örtüyü və ağacları suvarılır. Vətəndaşın bildirdiyi, təmirə ehtiyacı olan su borusundan isə Seyid öz yonca sahəsinin suvarılması üçün istifadə edir ki, bu da sözsüz, pambıq əkib, becərən kənd sakinlərinin haqlı narazılığına səbəb olur. Vətəndaşın digər müraciəti ilə əlaqədar olaraq, Rəncbərlər kənd bələdiyyəsi ilə əlaqə saxladıq. Aydın oldu ki, Seyidəli Həsənovun fərdi yaşayış evinə nə az, nə çox, düz 3 istiqamətdən giriş yolu var. Və onun göstərdiyi yol isə kənd bulağına gedən yoldur. Bu yoldan yalnız qadınlar bulağa gedib gəlmək üçün istifadə edirlər. Seyid Seyidəli də istəyir ki, onun fərdi yaşayış evinə məhz bu bulaq yolundan daha bir yol çəkilsin. Axı, onun evinə gedən giriş yolunun sayı üçdür. Nə bilim, o kişi, bəlkə, də musiqi, xalq mahnılarının həvəskarıdır. “Dolayı gəl, dolayı” mahnısını da yəqin çox sevir…

Adil MİSİRLİ

Xəbər lenti

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şəhid Mirağa Əliyevin anım günü qeyd olunub

​44 günlük Vətən müharibəsində torpaqlarımızın azadlığı uğrunda canından keçən Vətən oğullarından biri də Ağcabədi rayon Xocavənd kəndindən Əliyev Mirağa Musa oğludur. Hərbi Dəniz Donanmasında...

Şəhid Sənan Miriyevin anım günü qeyd edildi

Vətən üçün yaşayanlar unudulmur... Şəhidlər unudulmur... Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi...

Şərhlər