3.4 C
Aghjabadi
Cümə axşamı, Yanvar 27, 2022

Pambıqçılıq təsərrüfatları becərmənin həlledici mərhələsinə qədəm qoyublar

         Cari təsərrüfat ilində rayonda fermerlər tərəfindən 10 min 689,2 hektar əkin sahəsində pambıq yetişdirilir. Pambıq əkininin ilk günlərindən sahələrdə kompleks becərmə tədbirlərinin yüksək aqrotexniki qaydada həyata keçirilməsi üçün  mühüm addımlar atılıb. Belə ki, tarlalarda suvarma, kultivasiya, mineral gübrələrlə yemləmə, alaq otlarına, ziyanvericilərə və xəstəliklərə qarşı mübarizə işləri ardıcıl təşkil olunur. Rayonun digər ərazilərində olduğu kimi, “Kanalüstü” adlanan ərazilərdə də suvarma tədbirlərinin fasiləsiz icra edilməsi daim diqqət mərkəzində saxlanılır.

Təsərrüfatlar hazırda becərmənin həlledici mərhələsinə qədəm qoyublar. Rayon mərkəzində, Yeni Qaradolaq, Qaradolaq, Mehrablı, Hüsülü, Pərioğlular, Hacıbədəlli, Təzəkənd, Qaravəlli, Minəxorlu və sair kəndlərdə fəaliyyət göstərən fermer təsərrüfatları bu sahədə fərqlənirlər. Bütövlükdə, pambıq sahələrində aqrotexniki qulluğun uğurla təşkil olunması nəticəsində kolların inkişafı normal vəziyyətdədir. Pambıq kollarında bar inkişaf fazasındadır. Fermerlərin uğurlu becərmə işləri çərçivəsində ziyanvericilərə qarşı pestisidlərdən geniş istifadə etmələri də yaxşı səmərə verir.

Qeyd edək ki, fermer təsərrüfatlarının suvarma suyu, mineral gübrə, texnika ilə təmin olunmasında rayon suvarma sistemləri və subartezian quyularının istismarı idarələri, pambıq emalı müəssisələri bütün imkanlardan maksimum istifadə edirlər. Ağcabədi Rayon İcra Hakimiyyətinin başçısı Rafil Hüseynov rayonun pambıqçılıq təsərrüfatlarına müntəzəm baş çəkərək, sonrakı mərhələdə becərmənin aqrotexniki qaydalara uyğun aparılması, sahələrin optimal müddətdə suvarılması ilə əlaqədar fermerlərə müvafiq tapşırıq və tövsiyələrini verib.

Fermer təsərrüfatlarının rəhbərləri yüksək pambıq məhsulu yetişdirmək üçün rayonda yaradılan hərtərəfli şəraitə, diqqət və qayğıya görə Prezident İlham Əliyevə dərin təşəkkürlərini və minnətdarlıqlarını bildiriblər.

Yəhya PAŞAZADƏ

Xəbər lenti

Ağcabədi rayon pambıq sahələrinin orta məhsuldarlığı 30 sentnerdən çox olub

2021-ci ildə Ağcabədi, Neftçala, Tərtər, Salyan və Yevlax rayonlarında pambıq sahələrində orta məhsuldarlıq 30 sentnerdən çox olub. Bunu kənd təsərrüfatı naziri İnam Kərimov...

Ağcabədi və ağcabədililər haqqında dəyərli nəşr III hissə

Vətən müharibəsinin Zəfərlə başa çatmasını müəllif xalqın, ordunun və dövlətin birliyinin nəticəsi, Azərbaycan Respublikasının Prezidenti, Ali Baş Komandan İlham Əliyevin qətiyyətinin təntənəsi kimi...

Məşhur xeyriyyəçi haqqında maraqlıfaktlar

Azərbaycan xalqının inkişafı üçün əlindən gələni əsirgəməyən böyük xeyriyyəçi Hacı Zeynalabdin Tağıyev mənalı və maraqlı həyat yolu keçmişdir. O,...

Cərimələniblər

Ağcabədi Rayon Polis Şöbəsinin əməkdaşları tərəfindən görülmüş tədbirlər nəticəsində koronavirus pandemiyası ilə əlaqədar karantin qaydalarını pozan şəxslər cərimələniblər.  Belə...

Peyvənd olunanların sayı artır

Rayonda koronavirus pandemiyası ilə əlaqədar vaksinasiya tədbirləri davam etdirilir. Gün ərzində Ağcabədi Rayon Mərkəzi Xəstəxanasına müraciət edən sakinlər müayinə edilərək peyvənd olunurlar....

Vəzifəli şəxs vəfat edib

Ağcabədi Rayon Suvarma Sistemləri İdarəsinin şöbə müdiri İnşallah Muxtar oğlu Sultanov ömrünün 61-ci ilində vəfat edib. Tanınmış mütəxəssis uzun illər meliorasiya-su təsərrüfatı...

Respublika fənn olimpiadalarına start verilib

Azərbaycan Respublikası Təhsil Nazirliyinin dəstəyi ilə keçirilən respublika fənn olimpiadalarına start verilib. 22 yanvar 2022-ci il tarixdə  olimpiadanın birinci...

Ağcabədidə intiharın qarşısı alınıb

Xilasedicilər Ağcabədi rayonunda intihara cəhd edən şəxsi fikrindən daşındırıblar. Rayonun Hindarx sakini 1995-ci il təvəllüdlü Savalanov Tural Elzamin oğlu intihara...

Əməkdaşımız Orxan Kərimov İctimai TV-nin qonağı oldu

Orxan Kərimov İctimai Televiziyanın reytinqli proqramlarından olan Dikdaban verilişində "Gənclərin mütaliə marağı" mövzusunda qonaq olub. İzləmək üçün videonu açın...

Qanlı 20 Yanvar

  Yanvarın 19-da Ağcabədi Rayon Heydər Əliyev Mərkəzində “Qanlı 20 Yanvar" adlı tədbir keçirilmişdir. 5 saylı uşaq bağçası-körpələr evinin...

Şərhlər