Aytən İbrahimova: “Müəllim daim inkişaf etməli, öz üzərində çalışmalıdır ki, məqsədinə nail ola bilsin.”

         – Aytən xanım, zəhmət olmasa özünüz haqqında bizə danışın, sizi tanıyaq.

– İbrahimova Aytən Yaşasın qızı 1998-ci ildə Ağcabədi rayonunun Nəcəfqulubəyli kəndində anadan olmuşam. 2005-ci ildə Ağcabədi rayon Nəcəfqulubəyli kənd Rahim İbrahimov adına məktəbin 1-ci sinifinə daxil olmuşam. 2016-cı ildə həmin məktəbi bitirərək 475 balla Bakı Dövlət Universitetinin Coğrafiya fakültəsi, Coğrafiya müəllimliyi ixtisasına qəbul olmuşam. Universiteti bitirdikdən sonra, 2021-ci il iyul ayının 30-da Müəllimlərin İşə Qəbulu imtahanında iştirak edərək 55 bal toplamışam.

– Səhv etmirəmsə, coğrafiya fənnindən Ağcabədi rayonu üzrə maksimal bal toplamısız. Sizi təbrik edir, uğurlar arzulayırıq. İstərdim soruşum, niyə məhz müəllimlik? Bu peşəni sizə sevdirən nədir?

– Çox sağ olun. Bilirsinizmi, əslində mən bu peşəni uşaqlıqdan seçməyi düşünürdüm. Müəllimlər bizə həmişə dərs keçəndə özümü onların yerində təsəvvür edirdim. Düşünürəm ki, müəllim olmaq ən ali peşələrin ilk sırasındadır. Uşaqlarla ünsiyyət qurmaq, onların  dünyasını daha da rəngləndirmək və üzlərindəki təbəssümə səbəb olmaq mənim üçün çox önəmlidir.  İstəyirəm öz bildiklərimi hər kəslə bölüşüm, çünki bilik, savad paylaşdıqca daha da artır.

– Müəllim kimi fəaliyyətə başladıqdan sonra hansı metodlardan istifadə edəcəksiniz? Fikirlərinizi bizimlə bölüşərsinizmi?

– İnşallah müəllim kimi fəaliyyətə başlayandan sonra yeni təlim-tədris prosesinə uyğun olaraq, dövrün tələblərini nəzərə alan, uşaqları inkişafa aparan metodlarla işləməyi planlaşdırıram. Sadəcə kitabın bizə təqdim etdiyi metodlarla deyil öz düşüncələrimi, fikirlərimi ortaya qoyacaq metodları təşkil etməyi düşünürəm.

– Bəs bir neçə il sonra, zaman ötdükcə həvəsiniz ölməz ki? Yəni, gələcəkdə də bu peşəni davam etdirəcəksinizmi?

– Bəli bu peşəni həyatım boyu davam etdirməyi düşünürəm. Və bu düşüncəmdə də qətiyyətliyəm.  Özümü bu sahədə daha da inkişaf etdirmək ən böyük planlarım sırasındadır. Mənə görə müəllim daim inkişaf etməli,  öz üzərində çalışmalıdır ki,  məqsədlərinə nail ola bilsin.

– İşlədiyiniz məktəbdə tədrisin keyfiyyətini yüksəltmək üçün nələr etməyi düşünürsünüz?

– Uşaqlarla passiv deyil aktiv şəkildə işləməyi düşünürəm. Dərs zamanı onlar da mənimlə bərabər pozitiv şəkildə təlimə cəlb olunsunlar. Beləcə sinifdə özlərini rahat hiss etsinlər ki, biliyi də sərbəst, çəkinmədən qəbul edə bilsinlər. İstəyirəm şagirdlər özləri başa düşsünlər ki, bu sinfin qurucuları məhz onlardır. Beləcə qurucusu olduqları bir sinfi təbii ki, inkişaf etdirmək üçün əllərindən gələni əsirgəməzlər və olduqca keyfiyyətli təhsil üçün mükəmməl şərait yaranar.

– Deyəsən şagirdlərə coğrafiyanı sevdirəcəyinizdən əminsiniz…

– Əlbəttə. İnanıram ki, şagirdlərin məktəbdə ən çox sevdiyi fənlər sırasına Coğrafiyanı məhz mən əlavə edəcəm. Bunun üçün bütün gücümlə çalışacağam, heç vaxt ruhdan düşməyəcəyəm və buna nail olacağam…

– Əla! Rayonumuzda sizin kimi savadlı və həvəsli gəncləri görmək bizi xeyli sevindirir. Sizinlə qürur duyuruq və müvəffəqiyyətlər diləyirik. Son olaraq özünüzdən sonra bu sahəyə gələcək olan kolleqalarınıza istər hazırlıq, istərsə də imtahan barəsində hansı tövsiyyələr verə bilərsiniz?

– Mart ayında mən qərar verdim ki, artıq MİQ imtahanlarına hazırlaşım. 5 ay ərzində Coğrafiya və kurrikulum üzərində çalışdım. Çox çalışmaq lazımdır, uğura gedən yol elə də asan olmur. Demək olar ki, gün ərzində 4-5 saat istirahət edirdim ümumi qalan bütün vaxtlarımı isə imtahan hazırlıqlarına həsr edirdim. İmtahana hazırlaşmaq istəyənlərə tövsiyyəm odur ki, siz artıq bu ixtisasa yiyələnmisiz, əlavə hazırlaşmaq üçün müəllimə ehtiyacınız yoxdur. Sadəcə özünüz çalışmalısınız, məqsədli şəkildə. Belə olduğu halda sizi heç kəs məğlub edə bilməz. Növbəti illərdə imtahan verəcək bütün həmkarlarıma uğurlar arzu edirəm!

Söhbətləşdi: Orxan KƏRİMOV

“YouTube”da “Birgə Canlı Yayım” funksiyası olacaq

"TeamYouTube" "Twitter" hesabından paylaşılan tvitə görə, "YouTube" smartfonlarda "Birgə Canlı Yayım" funksiyasını gətirir. Bu xüsusiyyət, adından da göründüyü kimi,...

“SOCAR Türkiyə” zəlzələ bölgəsindəki xilasetmə avtomobillərini pulsuz benzinlə təmin edir

Azərbaycan Dövlət Neft Şirkətinin (SOCAR) Türkiyədəki törəməsi olan “SOCAR Türkiyə” şirkəti Hatay, Adıyaman, Qaziantep, Kahramanmaraş və Şanlıurfadakı Hazar yanacaqdoldurma məntəqələrindən bütün təcili...

Laçın-Xankəndi yolu: Aksiya gecə saatlarında da ruh yüksəkliyi ilə davam edir

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü ekofəalların, könüllü...

FHN-in növbəti yardımları və xilasetmə qrupu Türkiyəyə yola salınacaq

Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Fövqəladə Hallar...

AZAL Türkiyədəki zəlzələ ilə əlaqədar biletlərin cəriməsiz qaytarılmasına başlayıb

Zəlzələ nəticəsində aviaşirkətin xidmətlərindən yararlana bilməyən AZAL-ın Türkiyəyə və geri gələn sərnişinlərinə aviabiletlərin dəyərinin cərimə tətbiq edilmədən tam qaytarılmasına və ya ödənişsiz...

Türkiyədə zəlzələdə ölənlərin sayı 5 434-ə çatıb, 31 777 nəfər yaralanıb – YENİLƏNİB

22:40 Türkiyədə zəlzələdə ölənlərin sayı 5 434-ə çatıb, 31 777 nəfər yaralanıb. “Aran” xəbər verir ki,...

Türkiyədəki zəlzələdə bir Azərbaycan vətəndaşı həlak olub

Türkiyədəki zəlzələdə bir Azərbaycan vətəndaşı - 1980-ci il təvəllüdlü Nailə Bünyatovanın həlak olduğu dəqiqləşib. Bu barədə məlumatı Azərbaycan Xarici...

Azərbaycanın xilasediciləri dağıntılar altından 11 nəfəri sağ çıxarıb

Türkiyədə baş vermiş zəlzələ ilə bağlı qardaş ölkəyə gedən Azərbaycanın Fövqəladə Hallar Nazirliyinin (FHN) bir qrup əməkdaşı Kahramanmaraş şəhərində bu gün 11...

Konfrans Liqası: “Qarabağ”ın səfər oyununun biletləri satışa çıxarılıb

"Gent" Belçikada "Qarabağ"a qarşı keçirəcəyi UEFA Konfrans Liqasının pley-off mərhələsinin cavab oyunu üçün biletləri satışa çıxarıb. "Aran" klubun rəsmi saytına...

Mehriban Əliyevanın göstərişi ilə Heydər Əliyev Fondu Türkiyənin zəlzələ bölgəsinə humanitar yardım edir

Fevralın 6-da Türkiyədə baş vermiş və çoxsaylı insan tələfatına səbəb olmuş zəlzələ qurbanlarına dəstək məqsədilə Azərbaycanın birinci xanımı, Heydər Əliyev Fondunun prezidenti...

Şərhlər