28 C
Aghjabadi

Ağcabədi rayonundakı abidələr qeydiyyata alındı

Qarabağın Eneolit və Tunc dövrü arxeoloji abidələri haqqında monoqrafiya nəşr edilib

Azərbaycan Dövlət İqtisad Universitetinin (UNEC) Humanitar fənlər kafedrasının professoru, AMEA Arxeologiya və Etnoqrafiya İnstitutunun şöbə müdiri, tarix elmləri doktoru, arxeoloq Hidayət Cəfərovun “Qarabağın Eneolit və Tunc dövrü arxeoloji abidələri (1987-ci ildə Mil-Qarabağ arxeoloji ekspedisiyasının Ağdam və Ağcabədi rayonlarında apardığı çöl tədqiqatları əsasında)” adlı elmi monoqrafiyası nəşr edilib.

Arxeologiya və Etnoqrafiya İnstitutundan bildirilib ki, monoqrafiyada 1987-ci ildə, erməni işğalları ərəfəsində Hidayət Cəfərovun rəhbərliyi altında Qarabağın Ağdam və Ağcabədi rayonlarında aparılmış arxeoloji çöl-tədqiqat işlərinin nəticələri əks olunub. O zaman çöl-tədqiqat işlərinin əsas məqsədi Eneolit dövründən orta əsrlərə qədər xronologiyanı ehtiva edən arxeoloji abidələrin koordinatlarının araşdırılması və tərtibi idi.

Əsərdə 1987-ci ildə Ağdam rayonu ərazisində qeydə alınmış abidələr barədə məlumat verilib. Həmçinin Ağcabədi rayonu üzrə abidələrin qeydiyyatı öz əksini tapıb.

Abidələrin ərazisindən tapılmış müxtəlif dövrlərə aid səthi materialların (əsasən keramik materiallar, onların fraqmentləri və maddi mədəniyyət nümunələrinin) təsvirləri də hesabatlarda əks olunub. Monoqrafiyada 1987-ci ildə aparılmış tədqiqatlar zamanı Ağdam rayonu üzrə 90 və Ağcabədi rayonu üzrə 60 abidənin yerləşməsi və tarixi haqqında cədvəllər, abidələrin və tapıntıların fotoşəkilləri də yer alıb.

Əsər işğaldan azad edilmiş ərazilərdə Eneolit, Tunc, Antik dövrlərə, orta əsrlərin müxtəlif mərhələlərinə aid abidələrin yerinin, müasir durumunun müəyyən edilməsi, aidiyyəti dövlət orqanları tərəfindən elektron xəritələşməyə cəlb edilməsi istiqamətində ciddi əhəmiyyətə malikdir.

Nəşrin elmi redaktoru tarix elmləri doktoru, professor Abbas Seyidov, elmi rəyçiləri tarix elmləri doktoru Tufan Axundov və tarix üzrə fəlsəfə doktoru, dosent Təvəkkül Əliyevdir. Monoqrafiya AMEA Arxeologiya və Etnoqrafiya İnstitutunun Elmi Şurasının protokoluna əsasən çapa məsləhət görülüb. Əsər arxeoloqlar, tarixçilər, ali məktəb tələbələri və geniş oxucu kütləsi üçün nəzərdə tutulub.

Xəbər lenti

​​​Xalqımız bütün təhdidlərə sinə gərəcək

  2020-ci ilin sentyabr  ayının 27-də​Ermənistanın təh-riki ilə başlayan və qəhrəman ordumuzun sücaəti nəticəsindəAzərbaycanın qələbəsi ilə başa çatan 2-ci Qarabağ Müharibəsi 30 il işğal altında inləyən torpaqlarımızın azad edilməsi ilə nəticələndi.

Anım günü kitabxanada da qeyd edilib

Sentyabr ayının 26-da Ağcabədi Regional Mədəniyyət İdarəsi Ağcabədi rayon Mərkəzləşdirilmiş Kitabxana Sisteminin kollektivi tərəfindən “27 Sentyabr - Anım Günü” ilə bağlı tədbir...

Şəhid ailələri ziyarət olunub

      YAP Ağcabədi rayon təşkilatının sədri Rövşən Əhmədov və aparatın əməkdaşları sentyabrın 27-də Vətən müharibəsinin ilk günündə qəhrəmancasına həlak olmuş Poladlı...

Taekvondo üzrə rayon turniri keçirilmişdir

25 sentyabr 2022-ci il tarixdə Ağcabədi Rayon Gənclər və İdman İdarəsinin təşkilatçılığı ilə "Rizvan" Taekvondo Klubunun idman zalında "Anım...

İcra Hakimiyyətində yeni komissiya yaradılıb

Sentyabrın 23-də Ağcabədi Rayon İcra Hakimiyyətində şəhid ailəsi üzvləri, əlillik dərəcələri təyin olunmuş Vətən müharibəsi iştirakçıları və “Müharibə...

Şəhid Gülalı Qəhrəmanovun anım mərasimi keçirilib

​Şəhidlik məqamına ucalan hər kəs əbədi olaraq könüllərdə yaşayır, əbədilik qazanır.  ​Vətənimizin sərhədlərini yenidən quran Vətən baniləri öz adlarını tarixə əbədi...

Gücümüz birliyimizdir!

    Səfər Ali Baş Komandan cənab Prezident İlham Əliyevin və birinci xanım Mehriban Əliyevanın cari ilin 27 sentyabrda Anım günündə Füzuli rayonuna səfərləri mühüm əhəməiyyət kəsb etdi. Səfəri zamanı çıxışında cənab...

Şəhid Rövşən Allahverdiyevin anım günü qeyd edildi

​Sentyabrın 28-də digər Qaraxanlı kəndində şəhid Rövşən Allahverdiyevin anım mərasimi keçirildi. ​Mərasimdə Ağcabədi Rayon İcra Hakimiyyəti başçısı, hüquq-mühafizə orqanları rəhbərləri, səfərbərlik və hərbi...

Şəhid Mirağa Əliyevin anım günü qeyd olunub

​44 günlük Vətən müharibəsində torpaqlarımızın azadlığı uğrunda canından keçən Vətən oğullarından biri də Ağcabədi rayon Xocavənd kəndindən Əliyev Mirağa Musa oğludur. Hərbi Dəniz Donanmasında...

Şəhid Sənan Miriyevin anım günü qeyd edildi

Vətən üçün yaşayanlar unudulmur... Şəhidlər unudulmur... Müzəffər Ali Baş Komandan cənab İlham Əliyevin rəhbərliyi ilə Azərbaycanın suverenliyi...

Şərhlər