13.5 C
Aghjabadi
Çərşənbə, May 25, 2022

Elektrik enerjisi verilməsində fasilələrin qarşısı alınmalıdır

Ağcabədi Rayon İcra Hakimiyyəti yanında Müraciətlərə Operativ Baxılma Mərkəzinə hər gün sakinlər tərəfindən müxtəlif problemlərlə əlaqədar müraciətlər daxil olur. Sözügedən Mərkəzə ümid yeri kimi baxan vətəndaşlar buradan lazımi köməkliklər alacaqlarına inanırlar. MOB Mərkəzi tərəfindən həmin müraciətlərə diqqət və qayğı ilə yanaşılır, irəli sürülmüş tələblərin operativ həlli istiqamətində konkret addımlar atılır.

Bu günlərdə şəhər sakinləri Əli Hüseynov, Nihat Quliyev və Günay İsmayılova yaşadıqları Ə.Muxtarov, Z.Adıgözəlov, M.Aranlı adına küçələrə elektrik enerjisi verilməsində fasilələr yarandığını, işıqların tez-tez söndüyünü, bu zaman xəstə sakinlərin çətinliklər çəkdiyini bildirib, bununla əlaqədar müvafiq köməkliklər göstərilməsini xahiş ediblər.

Müraciətlərə Operativ Baxılma Mərkəzi tərəfindən şəhər sakinlərinin həmin müraciətləri ilə bağlı Ağcabədi Rayon Elektrik Şəbəkəsi rəhbərliyi ilə əlaqə saxlayıb, problemin opertaiv və ədalətli həll edilməsi üçün lazımi addımlar atılıb. Lakin rayon elektrik şəbəkəsi tərəfindən bununla əlaqədar əsassız bəhanələr gətirilib. Bildirilib ki, guya, 10 avqust 2021-ci il tarixdə idarənin həyətində yerləşən yarımstansiyada yenidənqurma işləri aparıldığına görə günün müəyyən saatlarında şəhərin bəzi küçələrində elektrik enerjisinin verilişində açılmalar olub. Halbuki Ə.Muxtarov, Z.Adıgözəlov və M.Aranlı küçələri ilə yanaşı, başqa küçələrdə də işıqların tez-tez söndürülməsi halları baş verir. İsti yay havalarında sakinlərin soyuducu və kondisionerlərdən daha çox istifadə etdiklərini nəzərə alsaq, vəziyyətin nə dərəcədə dözülməz olduğunu təsəvvür etmək heç də çətin deyil. Bu da şəhər sakinlərinin haqlı narazılığına səbəb olur. Ağcabədi Rayon Elektrik Şəbəkəsi elektrik enerjisi verilişində fasilələrin qarşısının alınması üçün təcili tədbirlər görməlidir.

“Aran”

Xəbər lenti

Azərbaycan-Litva münasibətləri yüksələn xətlə inkişaf edir

     Tarixin hansı mərhələsində olursa-olsun, dünyanın siyasi xəritəsində meydana çıxan yeni müstəqil dövlət ayaq üstə qalmaq üçün bir-birindən çətin sınaqlarla üz-üzə gəlir....

Ümumrayon yığıncağı keçirilib

May ayının 21-də Ağcabədi rayon Mədəniyyət Mərkəzində bölgə  ərazisində ideoloji maarifləndirmə işini həyata keçirən təbliğat qrupu üzvlərinin iştirakı ilə ümumrayon yığıncağı keçirilib.

Bu gün onların peşə bayramıdır

Mayın 23-ü Ekologiya və Təbii Sərvətlər Nazirliyi işçilərinin peşə bayramıdır.  Bu münasibətlə 9 saylı Regional Ekologiya və Təbii Sərvətlər İdarəsinin əməkdaşları ulu...

“Fədakarlar bir amalın uğrunda” kitabının təqdimatı keçirilib

Mayın 21-də Nizami Kino Mərkəzində Mədəniyyət Nazirliyi tabeliyində Mədəniyyət üzrə Elmi-Metodiki və İxtisasartırma Mərkəzinin sektor müdiri,  Azərbaycan Jurnalistlər Birliyinin üzvü Aydın Tağıyevin...

Azərbaycan sülhə, təhlükəsizliyə və sabitliyə sadiqdir

Azərbaycan Respublikasının Prezidenti İlham Əliyevmayın 18-də Litva Prezidenti Gitanas Nausadının ölkəmizə səfəri ilə əlaqədar mətbat üçün bəyanat verib.  Ölkə Prezidenti bildirib...

“Çempionumuz” layihəsi çərçivəsində növbəti görüş

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və Azərbaycan İdman Könüllüləri İctimai Birliyi tərəfindən təsdiq edilmiş birgə əsasnaməyə müvafiq...

Deyimlərimiz, kəlamlarımız

         Bədii yaradıcılıq xalqımızın ruhunda, canındadır. Lap qədimdən bu günə qədər qaynayıb-daşan, axıb-coşan bu yaradıcılıq çeşməsi bitib-tükənmək bilmir. Zəngin məna çalarlarına malik...

Avşar elinin tarixi

         Fəzlullah Rəşidəddin (“Cəmiəttəvarix”), Yazıçıoğlu Əli (“Səlcuqnamə”) və Əbülqazi Bahadır Xan Xivəliyə (“Şəcəreitərakimə”) görə Avşar adının anlamı “işlərini cəld görən və ova...

Kümçülərə 877 qutu barama qurdu paylanılıb

         Respublikamızda barama istehsalına yüksək dövlət diqqət və qayğısından ruhlanan rayon kümçüləri 2022-ci təsərrüfat ilində  də bu mühüm kampaniyaya böyük həvəslə qoşulublar.

Şəhidlərin xatirəsi əbədiləşdirilib

         Rayonun İmamqulubəyli kəndində Birinci Qarabağ müharibəsi şəhidləri Hidayət Kərimov, Cavanşir Zeynalov, Savalan Kərimov, Yadigar Bəşirov və Röyal Baxşəliyevin xatirələrini əbədiləşdirmək məqsədi...

Şərhlər