0.4 C
Aghjabadi
Cümə axşamı, Yanvar 20, 2022

Üçlüklər

Sönmüş ocaq tüstüləyir,

Yaşarır torpağın gözləri.

İsinən oldumu bu oddan?!

* * *

Yetişmiş narı,

Dərmədilər vaxtında.

Narın bağrı çartladı…

* * *

Dünyanın gözlərinə yığardı-

Gülsənəmin gözləri,

Təzədən görsəydi.

* * *

Öpüb gözlərindən,

Əl eylədim sevincə.

Həsrətim ağladı.

* * *

Meh qovub bürkünü,

Ötür qurbağaların xoru-

Yovşan ətirli axşam.

* * *

Çalındı son zəng-

Bu vida günü,

Bir zaman xatirələrdə göynəyəcək!

* * *

Gəlib çıxmadın-

Sənsizlik,

Çəkisizlik kimi bir şeydir.

* * *

Nə yaxşı ki, xatirə var, yaddaş var –

Yaddaş – güzgü, xatirələr varaqlar,

Ömür- torpaq, xatirələr yaşadar!

* * *

Doğulanda heyrətindən ağladı,

Yaşayanda əzildi – ağladı.

Öləndə kövrəldi – ağladı…

* * *

İmadəddin Nəsimi-

Haqqın zil səsi,

İnam zirvəsi!

* * *

Babəkin ruhu,

Qollarını haraylayır

Xudafərin körpüsündə!

* * *

Vurğun şeri-

Anamın laylası,

Balamın şirin dili!

* * *

İncik ruhu Cavidin,

Qayıdıb dolandı məzarının başına.

Sərgərdan gəzməz daha…

* * *

– “Geriyə baxma, qoca”!

– “Unuda bilmirəm”,

“Sarıköynəklə Valehin nağılını”…

* * *

Verilməsi mümkünsüz borc.

Bağışlanmaz pay-

İnsan etibarı.

* * *

Ay işığı düşdü,

Çiçəkləmiş nar ağacına.

Qəməri rəngə boyandı axşam.

* * *

Ayrılır ərlə arvad-

Ağlayır bir cüt körpə.

Ürəyi yaşarır övladsız hakimin.

* * *

Gözlərimə soxma,

Xəritə çubuğuna bənzər barmağını.

Coğrafiya dərsi deyil ki?!

* * *

Üstələməz qəm səni,

Dostluq etdiyin

Qardaşın varsa…

* * *

Şair dostlar!

Dincə qoyun köhnə qafiyələri.

Şeirləriniz yorulan torpaq kimidir…

* * *

Ürəyi özündən qabağa düşər-

Gəlinlik donunu,

Geyinən qızın.

* * *

Ərəb oğlu!

Qardaşının sinəsi lalə-lalə.

Sən yaşayırsan hələ!..

* * *

Çağırıb hədə gəlmə,

Sükutumda boğular

Gözə təpilən haqsızlığın.

* * *

Gölə daş atdılar,

Qırıldı mahnısı qurbağaların.

Suya döndü göz yaşları…

* * *

Sevilməmiş qadının

Təsbehidi xatirələri.

Çevirər hər gün…

* * *

Başı dolu adam,

Dolu sünbül kimi,

Aşağı tutar başını.

* * *

Kəsib çənələrin altını,

Nallayıb sözlərini

Çapırsan hiylə atını.

* * *

Gözü ayağının altını seçmədi-

Bilmədi ki, dünyada qarışqa da var.

Məzarını tapdaladı qarışqalar!

* * *

Üz verdim ehtiyaca-

Görüb kövrəkliyimi,

Sarıldı boynuma!

* * *

Qışın qış günü

Çiçəkləyirəm-

İlham məni tapanda!

* * *

Heç nəylə ölçülməz ağrıdı-

Dul gəlinin alt paltarını

Soyunmağının əzabı.

* * *

Boşalıb ağacların budaq əlləri,

Payız xərcləyib,

Yarpaq pulları…

Nazim ƏLİOĞLU

Xəbər lenti

Ağcabədi Pedaqoji Kollecində 20 Yanvar faciəsinə həsr olunmuş tədbir keçirilib

20 Yanvar hadisəsi təkcə faciə deyil, eyni zamanda xalqımızın azadlıq istəyi,  öz müstəqilliyi uğrunda cəsarət nümayiş etdirdiyi şərəfli bir tarixdir.  Ağcabədi Pedaqoji Kollecində Qanlı Yanvar...

Eldəniz Qənbərov: “Gecə saat 12:00-dan başlayaraq şəhərə böyük texnika yeridildi. Göyün üzü işıq saçan güllələrlə dolu idi”

Xalqımızın qan yaddaşı olan 20 yanvar faciəsinin növbəti ildönümüdür. Əlbəttə, o dövrün hadisələri haqqında çox məlumatlar var, çox şahidlər danışıb. Amma hər...

Ağcabədidə 20 Yanvar faciəsi şəhidlərininxatirəsi anılıb

Respublikamızın bütün bölgələrində olduğu kimi Ağcabədidə də 20 Yanvar faciəsi şəhidlərinin anım günü qeyd olunub. Anım mərasimdə Ağcabədi Rayon İcra Hakimiyyətinin başçısı Rafil Hüseynov,...

Kəmalə Əlizadə: “Gözlərini yummazdan əvvəl evin ünvanını deyib”

20 Yanvar faciəsinin qurbanlarından biri də Faiq Əbdülhüseyn oğlu Əlizadə idi. O, 10 yanvar 1953-cü  ildə Ağcabədidə anadan olub. Sonradan Bakı şəhərində yaşayan həmyerlimiz hadisə...

Cərimə olundular

Ağcabədi Rayon Polis Şöbəsinin əməkdaşları tərəfindən həyata keçirilən tədbirlər nəticəsində mövcud  karantin qaydalarını pozan şəxslər cərimələnib. Belə ki, yas...

İbiş bəy Mirzə Cəlili ölümdən necə xilasetdi?

Azərbaycanın ilk maarifçi qadınlarından, tanınmış ziyalı, ictimai xadim, xeyriyyəçi Həmidə xanım Cavanşir görkəmli yazıçı, dramaturq və publisist Cəlil Məmmədquluzadənin sədaqətli həyat yoldaşı...

Təcrübə üçün səfər et

Bu günlərdə Gənclərin İnkişaf və Karyera Mərkəzinin Ağcabədi nümayəndəliyinin əməkdaşları və könüllüləri “Aran” qəzeti redaksiyasının yaradıcı kollektivi ilə görüş keçiriblər.

Vaksinasiya tədbirləri davam edir

Rayonda koronavirus pandemiyası ilə əlaqədar vaksinasiya tədbirləri davam edir. Rayon mərkəzi xəstəxanasında peyvənddən öncə, sakinlərin müayinədən keçirilməsi diqqət mərkəzində saxlanılır. İndiyədək bölgədə...

Ziyalının xatirəsi əbədiləşdirildi

Xeyirxah əməllər sahibi olan insanlar həyatda olmasalar belə, qəlblərdə iz qoyur, əbədi yaşayır. Ağcabədinin dəyərli ağsaqqallarından, ziyalılarından biri olan Xəlil Xəlilov da...

Qəhrəmanlıq salnaməsi

ADPU-nun Ağcabədi filialında  dəyirmi masa keçirilib Yanvarın 19-da Azərbaycan Dövlət Pedaqoji Universiteti Ağcabədi filialında Qanlı Yanvar faciəsinin 32-ci il dönümü münasibətilə dəyirmi masa keçirilib. Tədbirdə ADPU-nun Ağcabədi filialının müəllim kollektivi və  tələbələr iştirak ediblər. 

Şərhlər